Самите судии имаат ниска доверба во Судскиот совет, вели претседателот на ова тело Александар Камбовски во неделното интервју за РСЕ. Целта му е, вели, прво да ја врати довербата од фелата. За судијата Енвер Беџети од црната листа на САД, вели оти не е пријатно да се гледа како сè уште дели правда.
Претседателот на Судскиот совет смета дека Собранието не може да разрешува членови на ова тело, а е против идејата и за целосно распуштање. Неговата цел, како што вели, е да ја врати довербата од судиите бидејќи и кај нив, таа е на многу ниско ниво.
Не може под исто министерство да биде производството на струја и дистрибуцијата, вели министерката за енергетика, рударство и минерални суровини Сања Божиновска во интервју за РСЕ. Божиновска зборува и за тендерите за РЕК, но и дека таму има поголем криминал од оној што е опфатен со аферата адитив.
Ова е одговорот на министерката Сања Божиновска на прашањето на РСЕ по објавеното истражување за долгот од 700.000 евра кон МЕПСО на нејзината поранешна фирма за струја. Божиновска за РСЕ зборува и за преминот од приватен сектор во политиката и за нејзината смена од Извршниот одбор на ВМРО-ДПМНЕ.
Д-р Сашко Кедев, кардиолог и искачувач на големи височини, ја заврши една од најинтензивните години во својот живот, искачувајќи четири врвови над 8.000 метри. Во интервјуто открива како ги балансира екстремните физички напори и професионалните обврски.
Атмосферата беше прекрасна, се зборуваше, се читаше на македонски и на грчки јазик додека надвор не чуваа грчки студенти, вели писателката Румена Бужаровска во интервју за Слободна Европа. Настанот на Универзитет во Солун бил под ризик да не се одржи поради заплашувања од ултра десничарски групи.
Во земјава не може да се живее од творештво, за да успее еден писател, потребно е да работи неколку други работи, вели писателката и професорка Румена Бужаровска. Таа додава дека авторите од Западен Балкан кога се пробиваат на западниот пазар го имаат статусот на панкери во творештвото.
Републичкиот обвинител Коцевски нема информација каде е Груби, но во тек е истрага. Тврди дека „кртот“ кој ја проби истрагата за Државна лотарија не е од обвинителството. За екс директорот на ЕСМ, Васко Ковачевски кој е осомничен во друг случај, не барале притвор оти казната е до 5 години затвор.
Републичкиот обвинител не очекува негово разрешување и покрај критиките од Премиерот кон неговата институција. Позитивното мислење за амнестија на организаторите на „крвавиот четврток“ обвинителите не го дале под притисок. За Груевски не знае дали би дале исто мислење ако побара да е амнестиран.
Некои дејности треба да се ослободат од „недела неработен ден“, вели министерот за економија и труд Бесар Дурмиши во интервју на РСЕ. Тој не очекува манипулации со новогодишната кошничка, слична мерка најавува и за Рамазан и Велигден. Зголемување на границата за пензионирање, вели, не се предвидува.
Министерот за економија и труд, Бесар Дурмиши, очекува големи резултати од новогодишната кошничка. Вели дека според пресметките досега, минималната плата од март би се зголемила на околу 24 400 денари, додека од „недела неработен ден“ смета дека треба да се изземат некои дополнителни дејности.
Охридскиот рамковен договор е клучот за зачувување на унитарноста и суверенитетот на Северна Македонија, вели експертот Едвард Џозеф. Тој предупредува дека земјата не може да си дозволи да стане уште една балканска катастрофа, нагласувајќи ја важноста на дијалогот и поддршката од САД и ЕУ.
Вчитај повеќе
