Претходната влада остана многу нерешени прашања, па така новиот владин неуигран тим тешко ќе се носи со наследените проблеми, а виси и легитимитетот на владата, вели професор Трајко Славески, член на Извршен комитет на ВМРО-ДПМНЕ.
Буџетот е како дупната вреќа и за оваа година, а ќе биде и за следната година. Најголем ризичен фактор е изгубената контрола врз расходите, што произлегуваат од енергетската криза. Секој министер за финансии треба да се плаши кога нема контрола над буџетот, вели професор Трајко Славески за РСЕ.
Мислам дека е време Северна Македонија конечно да испрати амбасадор во Софија. Мислам дека тоа секако не помогна, да се нема амбасадор и силно дипломатско претставништво во Софија, секако беше причина што можеби комуникацијата не беше како што треба, вели словенечкиот амбасадор Милан Предан.
Словенечкиот амбасадор Милан Предан вели дека нема увид што е напишано во учебниците во Бугарија за Македонците и во македонските учебници за Бугарија, но претпоставува дека не сè што е напишано го третира соседот на фер начин. Според него, темата за учебниците не треба да биде политичко табу.
Власта остана без мнозинство во Собранието и на располагање беа или нови избори или да направиме коалиција со други партии. Алтернатива го искористи тоа и направи договор со кој зеде места коишто не кореспондираат со нивната сила на терен, вели Горан Милевски, лидер на ЛДП и министер.
За ново парламентарно мнозинство треба да добиеме мандат од граѓаните, а не врз основа на политички интриги во рамките на Парламентот. Ако ние излеземе од Владата тогаш неминовно ќе биде одржување на нови предвремени парламентарни избори, вели лидерот на ЛДП, Горан Милевски за РСЕ.
Институции кои треба да се на врвот на листата на заштита за човекови права се јавуваат токму како прекршители, односно не почитувачи на правата на граѓаните, вели народниот правобранител Насер Зибери.
Долго време се одржуваше ниска цена на струјата и тоа не даваше простор за одржување на енергетските капацитети, вели проф. Ристо Филкоски од Машинскиот факултет во Скопје.
Кога нема доволно да инвестираме во инфраструктура, кога нема економијата да испорача квалитетен економски резултат, имам впечаток дека ние се фаќаме за последната сламка како давеник, а тоа е минималната плата, вели претседателот на Сојузот на стопански комори на Македонија Трајан Ангелоски.
Во Град Скопје треба да се отворат вратите за прием на нови инвестиции. Во овој момент јас мислам дека и да дојде голем инвеститор на вратите на Град Скопје, реално нема каде да ги инвестира своите средства, вели претседателот на Сојузот на стопански комори на Македонија Трајан Ангелоски.
Со покачувањето на минималната плата треба да се зголемат и останатите плати на вработените во однос на коефициентот на сложеност, вели Благоја Ралповски, претседател на Конфедерација на слободни синдикати (ККС). Ако минималната плата е 15000 денари, тогаш наставниците мора да земаат 37000 денари.
Законот за неработна недела во оваа форма нема да ги подобри правата на работниците и служи само за нивна манипулација, затоа што дава можност сите работници да работат, вели претседателот на КСС Благоја Ралповски.
Вчитај повеќе
