За Марија Савеска, која е добитничката на признанието „Успешни млади“ за афирмација на инклузијата на млади, ова е потврда и мотив да продолжи со мисијата. Средношколецот Матеј Милосиевски кој е прогласен за „Млад талент“ се надева дека е инспирација, барем за некои луѓе.
Вкупно 9 признанија, од кои 5 златни, 1 сребрен и 3 бронзени медали во индивидуална категорија, плус екипно гран при „Златно тавче“, добија студентите на Факултетот за туризам и угостителство-Охрид, на Меѓународниот гастрономски натпревар во Истанбул, Турција.
Резултатот на македонските учесници на 18-тата Меѓународна јуниорска олимпијада по природни науки во Дубаи, е 6 од 6. Нема наш учесник без медал, а еден заслужи сребро. Освојувачот му се радува на медалот, а професорот вели дека потенцијалот го имаме, но треба промоција за уште подобри резултати.
Преку „Студентски сервис“, 24 претставници на 23 факултети на УКИМ, плус еден задолжен за општи прашања ќе бидат „биро за информации“ за колегите од нивниот факултет. Функцијата нема да ја вршат само за „благодарам“, туку и за надоместок од 3000 денари месечно.
Единаесетмина млади обединети со името „Ways2Help“ бараат начини да им помогнат на македонските граѓани кои се во социјален ризик. Ги поврзуваат помагачите со оние на кои им е потребна помош, а преку опцијата за плаќање на сметка, досега помогнале на повеќе од 170 семејства.
Средношколка прави истражување на тема сексуално вознемирување во средните училишта Македонија, за да собере искуства и да потенцира проблем. Психолог во средно училиште вели дека младите некогаш не се ни свесни дека се жртвата во проблемот.
Учесниците на дводневниот младински хакатон „Techathon 2021“, имаа задача да покажат како може да младите да помогнат во справување со секојдневните локални и глобални предизвици.
Со вклучување на Амбасадата на Шведска во Скопје во глобалната иницијатива #GirlsTakeOver, студентката Ана Марија Наумовска, виде како е да се биде „во чевлите“ на шведската амбасадорка Кристин Форсгрен Бенгтсон, на еден ден.
Со менување на црвеното светло во зелено или со сфаќање на пречката како предизвик, дел од македонските граѓани кои живеат со попреченост, се трудат да го сменат светот и перцепцијата на општеството во кое живеат. Како го прават тоа, споделија пред камерата на РСЕ.
Младите да зборуваат едни со други, а не едни против други, беше една од потенцираните идеи на Форумот за младинско вмрежување меѓу Македонија и Грција, на кој учесниците ги претставија младинските врски како важен клуч за целосно помирување на двете држави
Организациите и центрите кои се тука за жртвите на родово базирано и семејно насилство кај нас, велат дека има охрабрување и промена во некои сфаќања, но уште не сме стигнале до едно генерално „немам проблем да зборувам за проблемот“. А некогаш, не се ни препознава дека проблемот е тука.
Кристина, Анастасија, Миха и Филип од „Дајте музика“ со песната „Green Forces“ на јуниорската евровизиска сцена во Париз ќе пратат музичко предупредување за опасноста од глобалните еко-проблеми.
Вчитај повеќе
