Истражуваме

Партиско – семеен „туризам“ за гласањето на дијаспората

Партиско – семеен „туризам“ развивале партиите кои испратиле свои претставници во Избирачки одбори за гласањето на дијаспората. На списоците се функционери и нивни блиски, членови кои преку општинските комитети оделе на иста дестинација. За патувањата државата одвоила околу половина милион евра.

Сања Божиновска - патот од професионална кариера до министерска премиера

„Немам криминал во мојата кариера“, вели министерката за енергетика Сања Божиновска, како одговор на прашањата на РСЕ за прекршочната и кривичните пријави кои македонските институции ги повеле за фирмите кои се поврзуваат со нејзиното име, а за кои нема правна разрешница. Божиновска вели дека во енергетскиот сектор има многу нечесни игри, но посочува дека таа не е дел од нив.

ТИРЗ ќе дава 500.000 евра за канцелариска опрема и по 20.000 евра за кирија на стадион

ТИРЗ ги менува административните простории. Од Партизанска се сели на градски стадион. РСЕ го има договорот со кој ТИРЗ изнајмува простории од државното АД за 20 илјади евра месечно иако сега е во простории за кои не плаќа кирија. Со 500 илјади евра ќе опремува четири административни згради.

Како Србин, обвинет за помагање во бегство од италијански затвор, заврши во камп на рускиот Северен пол?

Како украински функционери од ерата на Јанукович истурија милиони во недвижности во Дубаи

И покрај безбедносните грижи, кинески камери за надзор се шират низ Источна Европа

Како фантомска фирма поврзана со семејството на узбекистанскиот претседател заработила милиони

„Made in Veles“: Трамп картички со „милиони“

Таткото на министерот Бочварски планира да гради фабрика и фотоволтаична централа

И таткото на министерот Бочварски влегува во друштвото на семејства на политичари кои отворија компании за производство на електрична енергија. Во овој бизнис досега влегоа сопругата на екс премиерот Ковачевски, Елена, синовите на поранешниот премиер од СДСМ Зоран Заев, Душко, на лидерот на ДУИ Али Ахмети, Шкумбин, како и синот на неговиот сопартиец Муса Џафери, Арјанит.

Државни пари за невладини во рацете на дел од административците на ДУИ

Државен советник во Министерство за култура, вработени во Министерството на Артан Груби, поранешен член на ДИК, вработена во општина Струга, но и советничка за протокол во владата. Ова се дел од луѓето кои добиле државни пари за невладини организации во кои се основачи, открива Слободна Европа.

Гратис софтверот за онлајн попис води до поранешна шефица на кабинет на Анѓушев

Еден ревизорски извештај го отвори прашањето. Како Државниот завод за статистика добил гратис апликација за онлајн пописот на дијаспората? На фирмата која го донирала, претходно и е одобрена финансиска помош за инвестиции, а е управувана од поранешната шефица на кабинет на поранешниот вицепремиер Кочо Анѓушев.