Многу млади спијат со телефонот до глава за случајно да не пропуштат нешто и да бидат 'аут' наместо 'ин'. Иако живееме во дигитално време, не треба да дозволиме мобилниот телефон да го диктира начинот на живот, вели психологот Софија Георгиевска.
Децата од генерација Алфа, или родените по 2010-та, не избрале да живеат во дигитално време кога вештачката интелигенција го менува светот кој го гледаат преку екран. Што ги разликува од генерацијата Z? Треба да ги разбереме, да го извадиме позитивното кај нив, порачува професорката Тамара Ќупева.
Животот на децата во еднородителски семејства не е лесен. Ги нема во ниту еден закон, а од институциите ретко добиваат помош, дури и во случаи кога родителите се разведуваат заради семејно насилство. Овие млади со кои разговараше РСЕ посочуваат дека најтешко им паѓа дискриминацијата.
Шестмина средношколци од скопската гимназија „Никола Карев“ ги обединува името на училишниот бенд „Црно Собрание“ и музиката како пасија број еден.
Група гимназијалци од Битола ја посетија интерактивната изложба за млади „Вселена.Човек.Интелигенција“, во Културно информативниот центар во Скопје.
Докторите во Центарот за менаџирање на дебелина во болницата „8-ми Септември“ едвај постигнуваат да ги прегледаат сите пациенти кои минатиов месец добиле упат од матичен со дијагноза - обезност. Една третина од прегледаните се тинејџери.
Пандемија, онлајн настава, маски, губење настава поради штрајк и поради бомби го обележаа образовниот процес на актуелна генерација матуранти. Дел од нив може да имаат потешкотии во иднина поради специфичните услови во кои го поминале средното образование, сметаат експертите.
Со безжична слушалка, од тајни ливчиња, од скриен телефон или од етикета на шише, се дел од начините на кои препишуваат средношколците. Професорите велат дека методите се сѐ понапредни, но и дека не може цел живот да бидат препишувачи и шверцери и дека некогаш ќе треба своето знаење да го покажат.
Ученичката организација „Orce Talks“, од гимназијата „Орце Николов“ ја отвори дилемата која ги мачи дел од средношколците - дали да останат дома за студии или да заминат во странство? По дискусијата, некои се откажале од идејата да си одат, но има и такви кои ништо не ги предомислува.
Сашка Кузманова од Кавадарци е единствена во Македонија која изработува перики од природно влакно и ги подарува на онколошки и хематолошки пациенти. Листата на чекање е долга, процесот долг, а таа е една, па сака да направи тим бидејќи повеќе раце значат и повеќе перики.
Деветгодишниот Максим Каески веќе неколку години пушта коса. Бидејќи му се допаѓа да е долга како на некои од неговите идоли, но, уште поважно - за кога ќе порасне доволно долга да ја скрати и донира за перика за дете болно од рак.
За дел од новите генерации 'кул' е некој македонски збор да се замени со негов превод на англиски среде реченица, сведочат младите. Проблемот со недостаток на зборови најмногу се забележува кога учениците одговараат усно, забележува професорката по македонски јазик, Татјана Алексиќ.
Вчитај повеќе
