„Aerth Racing“ е прв македонски тим средношколци кој ќе учествува на светското финале на натпреварот „Aramco F1 in Schools“, во Лондон, Англија. Треба да направат најбрз 3Д модел на мини болид на Формула 1.
За младата ракометарка Ива Младеновска не постои преголема цел. Таа вели дека цели високо и подготвена е да тренира напорно за таму да стигне. Игра и со кадетките и со сениорките. И во репрезентација и во ЖРК Металург. Собира индивидуални награди, а најмногу им се радува на тимските.
Тринаесетгодишниот Анди Исмаили од Гостивар вели дека се чувствува целосно свој кога танцува. Страста за танцот му донела бројни медали од домашни и меѓународни натпревари, од кои две светски злата. Тој е дел од студиото за модерен танц „I dance“
Студентот Димитар Бежановски кој е креатор на „open source“ роботите Рикардо и Гравис, сака да ги поттикне младите да се приклучат кон неговите, или да почнат свои проекти, за да се развие заедница за роботика во Македонија. Но и да им порача на институциите да стават фокус на младите иноватори.
Тринаесетгодишната Ема е родена во Македонија, но живее во Хонг Конг. Разбира и зборува македонски, но го разбира и „јазикот“ на морскиот свет, па пренесува апел за спас. Нурка за да дознае повеќе, прави филмови за заштита на животната средина, танцува, глуми, фотографира и собира награди.
За името на седумнаесетгодишната кошаркарка Михаела Алексовска веќе се врзуваат неколку титули. Ново во низата признанија е поканата да биде дел од интернационалниот НБА камп „Кошарка без граници“, кој ќе се одржи од 1. до 4. мај во Милано, Италија.
Почнал да свири клавир на шест години, а денес има седумнаесет и собира пофалби од професорите и награди на натпреварите, дома и во странство. Но, младиот Михаил Тимотеј Пастоњицки го привлекува и информатиката. Вели дека добро е човек да има план „Б“.
Во еден штипски подрум, младиот Стефан создава машини, дизајнира, изработува и тестира печатени плочки и се надева дека еден ден неговите иновации би можеле да го лансираат до вселената.
Младата лизгачка на мраз, Лара Герасимовска, вели дека нема проблем да се појави на тренинг во 6 часот наутро, а попладне да оди и на вториот, ниту да се бори за да им отвори пат на уште помладите од неа.
Младиот Дамјан Ристовски патува по селата за да собере народни носии, песни, приказни... Најстарите меѓу носиите, вели, датираат од 1910-та година. Меѓу оригиналите има и негови парчиња кои сам ги ткае на разбој и ги продава, најчесто надвор од Македонија.
Вели дека има борбена природа и сака предизвици. Младата Арбреша Реџепи е државен првак во џудо, 11 години по ред или откако почнала да тренира. Има медали од повеќе меѓународни натпреварувања и едно учество на Олимписки игри.
Има насликано мурали на повеќе локации во светот, неколку во Скопје, а најмногу во родното Куманово.
Вчитај повеќе
