Неправедната распределба на услугите, а праведната распределба на финансирање го предизвикува тој внатрешен хаос во финансии и давање услуги на болниците и клиниките, вели министерот за здравство, Беким Сали.
Поради недостиг на кадар термините се пролонгираат затоа што имаме само еден специјалист или пак фали анестезиолог за некоја услуга. Ние сме држава со недостиг на кадар за анестезиологија и поради тоа се натрупува листата за чекање на Клинички центар, вели министерот за здравство Беким Сали.
Можеби не е доволна помошта од по 1000 денари за месеците март, април и мај за примателите на гарантирана минимална помош, но намерата на Владата е во период на ковид криза, во период на економска криза да покрие што поголем број на граѓани, вели министерката Јованка Тренчовска.
Ќе бидат зајакнати контролите со исплатата на мартовската плата во април. Особено ќе има контроли во оние фирми кои досега се покажале дека не ги почитуваат работничките права, вели за РСЕ, министерката за труд и социјална политика Јованка Тренчевска.
Поголема земја се обидува да го негира македонското право да го одреди својот национален идентитет различно од оној во Бугарија и тоа навистина е иста работа со руските тврдења за Украина, вели Френсис Фукујама, професор, филозоф и автор на „Крајот на човештвото и последниот човек“.
Ако Путин успее да ја стави под своја контрола Украина и успешно да ја искористи воената сила и западните сојузници не може да направат ништо за да го запрат тоа ќе има голем прелевачки ефект, бидејќи многу актери на Балканот би сакале да ја направат истата работа, вели Френсис Фукујама за РСЕ.
Граѓаните станале поштедливи во услови кога има голем скок на храната и на енергенсите. Државата треба да ги замрзне цените и на нафтата, да даде директна финансиска инјекција за сиромашните и повеќе да го оданочи богатите граѓани и фирмите, вели економскиот аналитичар Бранимир Јовановиќ.
Западот дава поддршка од страна, меѓутоа не би се вклучиле директно во Украина, главно поради употребата на нуклеарното оружје, бидејќи секое директно вмешување на Западот во Украина би можело да значи Трета светска војна, вели Илија Џугуманов од Евроатлантскиот совет на Македонија.
Членството на Македонија во НАТО значи многу од безбедносен аспект, вели Илија Џугуманов од Евроатлантскиот совет на Северна Македонија.
Големо прашање е зошто Русите не се многу поефикасни при нападот на Украина, со оглед на нивните сили и опрема. Ќе видиме дали се работи за потценување или за лошо извршена работа, вели пензионираниот чешки генерал Петр Павел, кој од 2015 до 2018 година беше претседавач со Воениот комитет на НАТО.
Сакам да верувам дека има правда и за луѓето со пари, моќ и влијание. Законот мора да важи подеднакво за сите. Нам ни треба владеење на законот, а не владеење на луѓе, вели вицепремиерката за политики за добро владеење Славица Грковска во неделното интервју на Радио Слободна Европа.
Во процесот на дигитализација ќе се соочиме со недостиг на кадри од ИТ секторот и телекомуникации, но убедена сум дека во Македонија има квалитетен човечки потенцијал којшто сака да се стави во функција и којшто ќе придонесе за овој процес, вели вицепремиерката Славица Грковска.
Вчитај повеќе
