Граѓаните станале поштедливи во услови кога има голем скок на храната и на енергенсите. Државата треба да ги замрзне цените и на нафтата, да даде директна финансиска инјекција за сиромашните и повеќе да го оданочи богатите граѓани и фирмите, вели економскиот аналитичар Бранимир Јовановиќ.
Западот дава поддршка од страна, меѓутоа не би се вклучиле директно во Украина, главно поради употребата на нуклеарното оружје, бидејќи секое директно вмешување на Западот во Украина би можело да значи Трета светска војна, вели Илија Џугуманов од Евроатлантскиот совет на Македонија.
Членството на Македонија во НАТО значи многу од безбедносен аспект, вели Илија Џугуманов од Евроатлантскиот совет на Северна Македонија.
Големо прашање е зошто Русите не се многу поефикасни при нападот на Украина, со оглед на нивните сили и опрема. Ќе видиме дали се работи за потценување или за лошо извршена работа, вели пензионираниот чешки генерал Петр Павел, кој од 2015 до 2018 година беше претседавач со Воениот комитет на НАТО.
Сакам да верувам дека има правда и за луѓето со пари, моќ и влијание. Законот мора да важи подеднакво за сите. Нам ни треба владеење на законот, а не владеење на луѓе, вели вицепремиерката за политики за добро владеење Славица Грковска во неделното интервју на Радио Слободна Европа.
Во процесот на дигитализација ќе се соочиме со недостиг на кадри од ИТ секторот и телекомуникации, но убедена сум дека во Македонија има квалитетен човечки потенцијал којшто сака да се стави во функција и којшто ќе придонесе за овој процес, вели вицепремиерката Славица Грковска.
УКИМ има академска слобода, автономија во управувањето, во кадровската политика. Ние самостојно и автономно одлучуваме за многу прашања и проблеми, без мешање на политиката, но кога се работи на пример за финансиска автономија тука не сме сосема задоволни, вели ректорот на УКИМ, Никола Јанкуловски.
Пандемијата направи доста промени, можам да кажам уназади многу активности во многу сфери на живеењето, секако тоа даде одраз и на образованието и науката, а особено на образованието, вели ректорот на УКИМ, Никола Јанкуловски.
До минатата година платите во ТИРЗ-овите во просек беа пониски од платите во националната економија, иако компаниите во зоните уживаат многу повеќе бенефиции од компаниите коишто оперираат надвор од нив. Очекувам годинава тоа да се промени, вели директорот наТИРЗ Јован Деспотовски.
Србија навистина е лидер на регионот во однос на привлекувањето странски инвестиции, но останатите земји од регионот не се на ниво на Македонија, вели директорот на Технолошко-индустриските развојни зони Јован Деспотовски.
Може да се користат термините окупација, инвазија, па дури и анексија, меѓутоа не и терминот бугарска фашистичка окупација, зашто Бугарија не била фашистичка земја, профашистичка да, меѓутоа фашистичка не, вели копретседателот на заедничката комисија за историја со Бугарија, Драги Ѓоргиев.
Бугарската страна под синтагмата заедничка историја подразбира дека станува збор за историја на еден народ, односно на бугарскиот народ од средината на деветтиот век до 1944 година. Ние веднаш апсолутно го одбивме таквото дефинирање на синтагмата заедничка историја, вели професор Драги Ѓоргиев.
Вчитај повеќе
