„Чатовите“ одамна им го земаа престолот на љубовните писма. Додека повозрасните можеби и чуваат по некое за спомен, љубовните спомени на младите денес се на „месинџерите“. Таму дури и почнуваат „врски“. Но, може ли да се вљубиш во некој само преку „чат“, без или уште пред да го запознаеш во живо?
Писателката Дијана Дурлевиќ вели дека не привлекла млади читатели со своите шест книги, па така, станала раперката Dijana OG, за да стигне до врсниците. Меѓу стиховите кои ги пренела на „бит“ има вулгаризми и експлицитни фрази.
Тоа што се шушна дека Фејсбук и Инстаграм може да бидат недостапни за корисниците во Европа, поради проблем со европските регулативи за пренос на лични податоци меѓу ЕУ и САД, не било вознемирувачки аларм за младите кои зборуваа пред камерата на РСЕ.
Со телефон, со „бубица“, со поврзување на компјутер и телевизор или со други студенти во собата... Студенти меѓу себе велат дека многу нивни колеги ја користат можноста за полагање онлајн за да го надмудрат системот и професорот и да препишат во секоја можна прилика и на повеќе различни начини
Македонски средношколци кои ни го опишаа идеалниот класен раководител велат дека не е важно дали е тоа наставник пред пензија или не многу далеку од нивната возраст. Важно е да ги разбира и да се спушта на нивно ниво, а не со трескање да го спушта дневникот на маса кога нешто не му одговара
Тиктокерката Симона Ковачески вели дека била жртва на сајбер булинг, но успеала да се избори со притисокот и да продолжи. Со цел арсенал погрдни зборови ја напаѓале најчесто деца, но вели дека има и возрасни кои ја користат тастатурата за вакви цели.
Најголем дел од младите во регионот не сакаат да следат настава онлајн. За истражување на Институтот за добро управување и евроатлантски перспективи, дел од нив велат дека ниту тие, ниту професорите не вложуваат доволно напори за квалитетна настава преку интернет.
За да се „бустира“ интересот за вакцинација против Ковид меѓу студентите, студентските претставници предлагаат теренска вакцинација на нивните кампуси
Искуството на Црвен крст на град Скопје вели дека бројот на млади крводарители во Македонија расте. Повеќе од 70 % од оние кои учествувале во последната акција во спомен на роденденот на Тоше Проески се млади, а во последниве 13 години бројот на млади крводарители скокнал за над 30 %.
Активистката Сибел Бајрам забележува подобрување на позицијата на младите Ромки во некои сфери на македонското општество, но алармира дека во многу повеќе насоки, „возот“ стои во место. Се труди да му помогне да тргне, преку нејзиното здружение на жени Роми, „Лачо Диве“.
На првиот СОС телефон за деца и млади во земјава, изминатата година имало дојави за 30 % повеќе случаи во споредба со 2020. Според статистиката, најчесто првиот контакт го прават возрасните, а поретко самите деца и млади. За да се доближат до нив, „Меѓаши“ ја преименуваа линијата во „Ало Бушавко“.
Македонските се неколку нули далеку од балканските и многу повеќе нули далеку од светските јутјубери според заработката. Сепак, иако самата платформа не им носи многу пари од монетизација на најгледаните, ако тоа се спои со сумата од спонзори, се врти добра пара, велат дел од нашите дечки.
Вчитај повеќе
