Кремљ соопшти дека ништо добро нема да дојде од денешната посета на украинскиот претседател Володимир Зеленски на Вашингтон и дека Русија не гледа шанси за мировни преговори со Киев. Портпаролот на Кремљ Дмитриј Песков изјави дека континуираното снабдување со оружје од Западот за Украина ќе доведе до „продлабочување“ на конфликтот. „Снабдувањето со оружје продолжува и опсегот на испорачаното оружје се проширува. Сето ова, се разбира, води кон влошување на конфликтот. Ова не е добро за Украина“, рече Песков.

Зеленски во Вашингтон

Г7 размислува за дополнителна противвоздушна одбрана за Украина

Зеленски денеска треба да се сретне со американскиот претседател Џо Бајден и со конгресните лидери во неговото прво патување во странство откако Москва испрати десетици илјади војници во неговата земја на 24 февруари. На прашањето дали Москва очекува нешто позитивно од патувањето на Зеленски, Песков одговори: „Не“. За време на посетата на Зеленски, Вашингтон, треба да одобр испорака на напредните ракетни системи „Патриот“ во Украина, како дел од најновиот пакет воена поддршка од повеќе милијарди долари за Киев.

Во Луксембург се одржува состанок на министрите за трговија на земјите-членки на Европската Унија, на кој се разговара за трговските односи со САД и Кина. Првично планиран за средината на мај, состанокот беше поместен поради тековните геополитички и економски околности.

Иако не се очекува да се дискутираат деталите околу евентуалниот европски одговор на американските царини, од Советот на ЕУ нагласуваат дека целта на состанокот е да се анализира актуелната состојба и да се испрати порака на единство – нешто што е ставено на сериозен тест, бидејќи американските мерки не ги погодуваат сите земји членки на ист начин.

Одлуката за европскиот одговор на царините од 20 проценти, воведени од администрацијата на претседателот Трамп, се очекува в среда, а мерките би можеле да стапат во сила на 15 април. Европската комисија веќе најави „размерен одговор“.

Видете и ова:

Што значат за вас американските царини?

Последен пат кога Комисијата одговори со царини – на американски виски и мотоцикли – САД возвратија со закани за царини од 200 проценти на европските вина и коњак.

Во украинскиот град Криви Рих се одржаа неколку бдеење за некои од 20-те лица, од кои девет деца убиени во текот на викендот на игралиште и ресторан погодени од воздушен напад, додека Русија повторно негираше дека пукала врз цивилната инфраструктура и покрај доказите за спротивното.

Тридневната жалост започна на 7 април во родниот град на претседателот Володимир Зеленски, во она што градоначалникот Олександар Вилкул го нарече најсмртоносниот напад на Криви Рих, индустриски центар со околу 600.000 жители, откако Русија ја започна својата целосна инвазија пред повеќе од три години.

Изјавите на сведоците, официјалните изјави, јавните записи и другите материјали со отворен код прегледани од Система (Systema), истражувачката група на руски јазик на Радио Слободна Европа, покажуваат дека ресторанот што руската војска тврди дека го нападнал затоа што бил домаќин на состанок на воени единици и странски советници всушност бил место на форум за индустрија за убавина и роденденска забава.

Официјални лица од целиот свет изразија вознемиреност поради нападот, за кој украинските власти рекоа дека вклучува употреба на касетна муниција.

„Употребата на експлозивно оружје со широк дострел од страна на Руската Федерација во густо населена област и без очигледно воено присуство покажува бесмислено непочитување на цивилниот живот“, рече шефот на ОН за човекови права Волкер Турк во изјавата доцна на 7 април.

Жртвите на нападот се од три до 79 години.

Видете и ова:

Русија истрела десетици дронови и ракети кон Украина

Портпаролот на Кремљ, Дмитриј Песков, за новинарите за време на брифингот на 7 април изјави дека „не се изведуваат удари врз социјалните објекти и социјалната инфраструктура“, повторувајќи го одговорот на Москва на обвинувањата на украинските власти дека нападот е воено злосторство.

Во исто време, францускиот претседател Емануел Макрон повика на „силни мерки“ доколку Москва продолжи да ги блокира напорите за преговори за мировен договор.

„Додека Украина го прифати предлогот на претседателот [Доналд] Трамп за целосен и безусловен 30-дневен прекин на огнот пред речиси еден месец, и додека работиме со сите наши партнери за да обезбедиме мир, Русија ја продолжува својата војна со обновен интензитет, не покажувајќи почит кон цивилите“, напиша Макрон на мрежата X.

„Овие руски напади мора да престанат. Мора да се постигне прекин на огнот што е можно поскоро. И мора да следи силна акција ако Русија продолжи да запира и да одбие мир“, додаде тој.

На 5 април, Зеленски остро го критикуваше, како што го нарече, „слаб“ американски одговор на руски воздушен напад кој погоди игралиште, при што загинаа најмалку 20 луѓе, од кои половината деца, во станбена област во градот Криви Рих, родниот град на Зеленски.

Американската амбасадорка Бринк во објава на социјалните мрежи рече дека е „згрозена“ од нападот, во кој беа повредени најмалку 74 лица, велејќи дека „ова е причината зошто војната мора да заврши“.

Но, Зеленски ја критикуваше изјавата дека не ја нарекува Русија по име, нешто што Бринк кој беше назначен од поранешниот претседател Џо Бајден -- редовно го правеше во изјавите пред Трамп да ја преземе функцијата.

„За жал, одговорот на американската амбасада е изненадувачки разочарувачки – толку силна земја, толку силен народ, а сепак толку слаба реакција“, напиша Зеленски на социјалните мрежи.

Овие изјави доаѓаат по серијата смртоносни воздушни напади на руските сили врз украинските градови.

Украинските власти соопштија дека едно лице загинало, а најмалку три се ранети кога проектилот погодил индустриски кварт во главниот град, предизвикувајќи пожари и оштетувајќи магацин и други згради. Жртвите се чини дека се ограничени бидејќи областите се претежно индустриски претпријатија и магацини.

Во Купјанск, град источно од Харков, руските сили фрлиле касетна бомба врз станбена област, предизвикувајќи голема штета и ранети две лица. Поголемиот дел од градот, кој е блиску до линијата на фронтот, е евакуиран бидејќи руските сили се приближуваат од север.

Слајд бомбите се тешка муниција опремена со системи за наведување и фрлени од авиони зад линиите на фронтот. Оружјето е тешко да се одбрани, а руските сили го користеа со разурнувачки ефект против украинската одбрана низ фронтот.

Севкупно, Русија истрела речиси дваесетина проектили врз украински цели и повеќе од 100 беспилотни летала, соопштија властите. Според официјални лица, половина од проектилите и речиси половина од беспилотните летала биле соборени.

Украина од своја страна истрела 11 беспилотни летала кон руски цели, соопшти руското Министерство за одбрана.

Во февруари, Кремљ и Белата куќа, како и украинските власти, објавија рамка за ограничен прекин на огнот што ќе ги ограничи нападите врз енергетската инфраструктура како што се електрани, далноводи и трафостаници. Москва и Вашингтон најавија и договор за ограничување на воените активности во регионот на Црното Море.

Видете и ова:

Кремљ ја поддржува идејата за прекин на огнот, но ако прво се разјаснат сите сомнежи

Сепак, украинските и руските сили продолжија да гаѓаат беспилотни летала и проектили речиси секоја вечер.

Зеленски рече дека Русија лансирала повеќе од 1.460 воздушни бомби, речиси 670 нападни беспилотни летала и повеќе од 30 различни ракети во текот на минатата недела.

Најсмртоносниот напад се случи во Криви Рих, град со 603.000 жители, доцна на 4 април, кога беа убиени 20 лица, меѓу кои 10 деца, соопштија властите. Официјален ден на жалост беше одржан на 6 април. Москва тврдеше дека цел на нападот бил митинг на украинската војска.

Маж и жена од Антверпен, Белгија, вчера пристигнале во земјава со лет од Виена, па избегнувајќи ја царинската контрола на аеродромот во Скопје, пренеле непријавени стоки – вкупно 209 парчиња златен накит со тежина од 1.711,1 грама и во вкупна вредност од 479.555 евра, соопшти денеска Јавното обвинителство.

Основното јавно обвинителство - Скопје донело наредба за спроведување истражна постапка против две лица, белгиски државјани, кои се осомничени дека како соизвршители сториле кривично дело – криумчарење согласно член 278 став 3 во врска со став 1 од Кривичниот законик.

Како што соопшти ОЈО, осомничените откако ја поминале пасошката контрола на Аеродромот во Скопје, поминале на зелениот канал, каде што поминуваат патници кои немаат стока за пријавување, а второосомничениот при селекција од страна на царинскиот службеник бил упатен на преглед на личниот багаж на скенер, каде било забележано дека двата куфери се наполнети со празни кутии за накит и други непријавени предмети.

Тој појаснил дека патува со неговата сопруга која е првоосомничена и дека таа ја поминала пасошката контрола. Нешто подоцна осомничената се вратила и при дополнителен царински преглед, во личниот багаж – ранецот кој го носела била пронајдена непријавената стока – златен накит, која и била одземена.

Јавниот обвинител до судијата на претходна постапка доставил предлог за определување мерка притвор за двајцата странски државјани осомничени за криумчарење на стока која е во вредност од големи размери.

Пожарот во дискотеката „Пулс“ во Кочани ја зеде 61-та жртва. Почина и вториот пациент кој се лекуваше во Литванија, а беше во критична состојба уште од почетокот, соопшти денеска министерот за здравство Арбен Таравари.

Како што посочи министерот, 29-годишниот Александар Гавриловски бил упатен од Градска болница на 17 март во тешка состојба, додека од 4-ти април неговата состојба почнала да се влошува.

„Жална вест, сакам да информирам дека денеска во 11 часот почина и вториот пациент којшто се лекуваше во Литванија, 29-годишен којшто беше во критична состојба уште од почетокот. Беше упатен од Градска болница на 17-ти март. Неговата состојба беше тешка, а од 4 април се влошуваше уште повеќе, додека од вчера беше на дијализа“, изјави Таравари.

Посочи дека Гавриловски бил еден од потешките пациенти, со 35 отсто изгореници од трет степен, како и изгореници во дишните патишта.

„Александар Гавриловски имаше 35 посто изгореници од трет степен, изгореници во дишните патишта и беше еден од потешките пациенти. Другите двајца засега се критични, но во стабилна состојба. Се надеваме да бидат подобри“, рече Таравари.

Видете и ова:

Тивко „пулсира“ истрагата за пожарот во дискотеката Пулс во Кочани

Ова е вториот пациент којшто почина од вкупно 193 кои што се лекуваа надвор од државата, додаде министерот, истакнувајќи дека уште двајца пациенти и понатаму остануваат критични.

Во моментов надвор од државата се лекуваат вкупно 66 пациенти, додека во земјава десет пациенти.

„Во моментов вкупно 66 пациенти се лекуваат надвор од државата, а во земјава 10 пациенти. Останатите пациенти, освен двајцата критични нема други потешки. Се надеваме дека нема да имаме други лоши вести“, рече Таравари.

Во пожарот во дискотеката „Пулс“ беа повредени речиси 200 лица, а дел од нив беа пратени на лекување во странство.

Основното јавно обвинителство Куманово, денеска информираше дека предметот за загадување на Крива Река во Крива Паланка ќе го преземе Основно јавно обвинителство за гонење на организиран криминал и корупција.

Како што претходно информираа, кумановското обвинителството формираше предмет, во меѓувреме стигнала и кривичната пријава од градоначалникот на Крива Паланка, Сашко Митовски.

„За актуелниот настан за загадување на Крива Река, ние сами формиравме предмет, ги повикавме инспекторите за животна средина. Од нивна страна добивме известување за досега преземените активности и мерки. Сега го чекаме вештачењето од лабораторија. Стигна и кривичната пријава од градоначалникот која е квалификувана по член 218 „загадување на животната средина“, за тоа кривично дело надлежно е обвинителството за гонење на организиран криминал и корупција. Разговарав со шефот на тоа обвинителство, подготвени се да го преземат предметот и да постапуваат понатаму. Ќе бидеме во контакт со нив“, изјави шефицата на ОЈО Куманово, Теута Бедиу Рамадани.

Видете и ова:

Олово и цијанид во Тораничка и Крива Река - кој ќе одговара?

Водата во Крива Река е сериозно загадена и спаѓа во најлошата категорија на загадени води, неупотреблива за било која намена. Ова го соопшти градоначалникот на Крива Паланка, Сашко Митовски, на 3 април, откако Општината ги добила резултатите и од втората анализа на водата од Институтот за јавно здравје (ИЈЗ), а направена на барање на риболовното друштво „Мрена“.

Од компанијата „Булмак 2026“ кажаа дека техничкиот проблем што настанал во рудникот Тораница не предизвикал загадување на Крива река. Нивните лабораториски анализи како што тврдат, покажале дкеа немало тешки метали, а „водата во реките била заматена од порој“.

Владата нема да се реконструира пред локалните избори, изјави денеска премиерот Христијан Мицкоски.

Мицкоски кажа дека Владата функционира обединето и единствено, наведувајќи дека „односите во Владата се коалициски одлични“, иако изминатите денови актуелни се превирања во коалицијата од албанскиот политички блок „Вреди“ и прашањето за можното напуштање на министерот за здравство Арбен Таравари од оваа коалиција.

Арбен Таравари кој го предводи едното крило на Алијанса на Албанците и е дел од коалицијата од албанскиот политички блок „Влен“ вели дека не добиле понуда од коалицијата да се спојат во една партија.

„Досега не сме имале понуда од „Влен“ за да бидеме една партија. Ако имаме, ќе одлучиме, но ако тие веќе одлучиле, им го даваме името - нека го задржат името „Влен“. Ние ќе останеме пет пратеника од Алијанса и ќе продолжиме како пратеничка група, но отворени сме за соработка со сите“, изјави Таравари, негирајќи дека имал разговори со опозициската ДУИ.

Видете и ова:

Апетитите за локалните избори ја зовреа „Вреди“

За информациите дека добил понуди од „Влен“ и од ДУИ да има 35 отсто од советничките листи и пет кандидати за градоначалници на претстојните локални избори, Таравари рече дека не преговарал со ДУИ, а од „Влен“ добил понуда, која повеќе може да ја нарече ултиматум отколку понуда.

„Не сум преговарал со ДУИ. „Влен“ ми пуштија повеќе би рекол ултиматум пред вчерашното Собрание. Јас никогаш не прифаќам ултиматуми, сакам разговори. Ние сме подготвени да разговараме со сите пред се со „Влен“ бидејќи до сега сме дел од „Влен“, но ако одлучат тие четири да одат без нас, ние тоа го прифаќаме, рече Таравари.

Вицепремиерот и министер за животна средина и просторно планирање Изет Меџити, кој е дел од коалицијата „Вреди“, коментирајќи ги односите меѓу политичките субјекти внатре во коалицијата „Вреди“, рече дека никој нема дилеми, освен Арбен Таравари, за којшто рече „гледа можност за соработка со Демократската унија за интеграција“.

„Односите со министерот за здравство Арбен Таравари се добри и комуницираме, но сите треба да имаат предвид дека Влен е антипод на ДУИ, односно Коалиција која победи на претходните парламентарни избори и ја донесе долгоочекуваната промена во албанскиот кампус. Ние работиме на таа промена до крај за тоа да го почувствуваат и граѓаните … Никој нема дилеми во Коалицијата, единствениот којшто има дилеми којшто гледа можност за соработка со Демократската унија за интеграција е господинот Таравари, затоа него ќе го прашате, но мислам дека Влен ги доби гласовите, 107.000 гласови како антипод и предводник на промените во делот на албанскиот кампус. Така што, никој нема дилеми освен Таравари којшто треба да расчисти со дилемите“, нагласи Меџити.

Прашањето како да се настапи на локланите избори ги изнесе на површина несогласувањата во коалицијата Вреди. Додека Таравари отворено критикува, дел од партнерите се оптимисти дека ќе настапат заедно на избори.

Претседателот на Руската Федерација, Владимир Путин, ја поддржува идејата за прекин на огнот со Украина, но смета дека е неопходно да се разјаснат сите сомнежи во врска со официјалните позиции на Киев, изјави денеска (7 април) портпаролот на Кремљ, Дмитриј Песков.

„Претседателот Путин навистина ја поддржува идејата за потребата од прекин на огнот, но пред тоа треба да се одговори на цела низа прашања кои сè уште лебдат во воздухот, бидејќи никој не одговорил на нив. Тоа е поврзано со непредвидливоста на режимот во Киев и нивната неспособност да ги контролираат акциите на цела низа екстремистички и националистички единици кои едноставно не ги почитуваат одлуките на украинскиот режим“, рече Песков на новинарско прашање, пренесен од руските медиуми.

Видете и ова:

Во руски напад на Криви Рих загинаа најмалку 18 лица, од кои девет деца

Според портпаролот на Кремљ, ова прашање е поврзано и со плановите за натамошна милитаризација на Украина, што значи дека сите овие грижи се уште се на дневен ред.

„Руската армија изведува напади исклучиво врз воени и паравоени цели во Украина. Не се вршат напади врз украинската цивилна инфраструктура“, нагласи Песков.

Минатата недела тој исто така кажа дека рускиот претседател Владимир Путин не добил знак од европските држави дека сакаат да се вклучат во разговори за завршување на војната во Украина.

Русија и Соединетите Држави досега ги заобиколија европските земји во преговорите за можен крај на војната во Украина. На разговорите не беа поканети ниту европските земји, ниту самата Украина.

Се водат разговори во рамки на Коалицијата „Влен“ за сите политички субјекти во рамки на Коалицијата да се претворат и втопат во Влен како политичка партија која ќе ги претставува Албанците на претстојните локални избори, изјави денеска (7 април) вицепремиерот и министер за животна средина и просторно планирање Изет Меџити.

За тоа какви се односите помеѓу политичките субјекти внатре во Коалицијата, Меџити рече дека никој нема дилеми, освен претседателот на Алијанса за Албанците и министер за здравство Арбен Таравари, за којшто рече дека „гледа можност за соработка со Демократската унија за интеграција“.

„Односите со министерот за здравство Арбен Таравари се добри и комуницираме, но сите треба да имаат предвид дека Влен е антипод на ДУИ, односно Коалиција која победи на претходните парламентарни избори и ја донесе долгоочекуваната промена во албанскиот кампус. Ние работиме на таа промена до крај за тоа да го почувствуваат и граѓаните … Никој нема дилеми во Коалицијата, единствениот којшто има дилеми којшто гледа можност за соработка со Демократската унија за интеграција е господинот Таравари, затоа него ќе го прашате, но мислам дека Влен ги доби гласовите, 107.000 гласови како антипод и предводник на промените во делот на албанскиот кампус. Така што, никој нема дилеми освен Таравари којшто треба да расчисти со дилемите. Влен и соработка со ДУИ мислам дека е неприродно“, нагласи Меџити.

Видете и ова:

Апетитите за локалните избори ја зовреа „Вреди“

Во однос на листите за претстојните локални избори, Меџити посочи дека ставот на сите политички субјекти во Коалицијата е да има една листа, еден штаб и една програма, со оглед на тоа дека веќе постои иницијатива за сите партии во рамки на Коалицијата да се претопат во една политичка партија.

„Ставот на сите политички субјекти внатре во „Влен“ е да одиме со заеднички кандидати, заеднички листи, заеднички штаб, програма и платформа, дури негде каде што има анализа и проценка дека треба да испаднеме и надвор од Влен и да поддржиме независен кандидат и тоа ќе го направиме. Градоначалниците се избираат по мнозински модел, додека системот за листите ги фаворизира големите и нема никаква смисла кога веќе сме кај големите да преминеме кај малите, бидејќи тоа ќе значи расцепување на гласови кои ќе одат во прилог на ДУИ. Тогаш се поставува прашањето за кого работиме. Сите политички аргументи одат во прилог да одиме со заеднички листи, а имајќи предвид дека има веќе иницијативата за „Влен“ да се претопи во една политичка партија, нема никаква дилема дека Влен ќе има една листа, еден штаб и една програма“, рече Меџити.

По информациите во јавноста дека Таравари размислува да ја напушти коалицијата Влен, премиерот Христијан Мицкоски викендов изјави дека владината коалиција е стабилна, а мнозинството има неофицијално чиста двотретинска поддршка во македонското Собрание.

Кинеските власти денеска соопштија дека ќе одржуваат стабилни односи со соседна Јужна Кореја, откако Уставниот суд во Сеул го отповика претседателот Јун Сук Јеол.

„Се надеваме дека Јужна Кореја ќе ја задржи политичката и социјалната стабилност“, рече портпаролот на кинеското Министерство за надворешни работи Лин Џијан, ветувајќи дека врските со Сеул ќе ја задржат „стабилноста“.

Уставниот суд на Јужна Кореја во петокот едногласно го разреши од функцијата претседателот Јун Сук-Јол, четири месеци откако тој се обиде да воведе вонредна состојба во неговата земја ноќта меѓу 3 и 4 декември.

Видете и ова:

Јужнокорејскиот претседател Јун Сук Јеол отстранет од функцијата

Jун, 64-годишен поранешен обвинител, беше избран во 2022 година, но никогаш немал мнозинство во парламентот. Парламентот, кој во декември едногласно гласаше за текст со кој се повикува на укинување на вонредната состојба, го принуди Јун да ја исполни одлуката.

Вонредните претседателски избори треба да се одржат во рок од 60 дена.

Повеќе од десетина училишта останаа затворени денеска (7 април) во западниот германски град Дуизбург, откако добиле закани од екстремната десница.

Вкупно 15 средни училишта се затворени, а погодени се околу 17 980 ученици, изјави портпаролката на окружната администрација за агенцијата ДПА.

Како што јавува репортерот на ДПА, в понеделник наутро биле поставени знаци дека „училиштето е затворено“ во неколку од погодените институции.

Испраќачот, чиј идентитет останува непознат, се заканувал дека ќе изврши криминални дејствија во училиштето во понеделник (7 април).

Полицијата соопшти дека училиштето потоа добило уште една порака во неделата, повторно со закани, но овој пат и за други училишта во таа област.

Сепак, полицијата соопшти дека службата за државна безбедност на Дуизбург претпоставува дека заканите се лажни.

Поради превенција, училиштата кои денеска добиле закани одржуваат настава на далечина.