Следниот самит на Европската унија посветен на Западен Балкан ќе се одржи на 6 декември во Тирана, соопшти синоќа на Твитер претседателот на Европскиот совет, Шарл Мишел нагласувајќи дека ова е потврда за европскиот ангажман во овој регион.

„Следниот самит на ЕУ за Западен Балкан ќе го одржиме во Тирана на 6 декември, со цел да го потврдиме нашиот зголемен ангажман во тој регион. Западен Балкан е врвен приоритет за Европската Унија. ЕУ и Западен Балкан си требаат еден на друг“, напиша Мишел.

• Што би значело укинувањето на ветото во ЕУ за македонските евроинтеграции

Македонија условено ги почна преговорите за членство во ЕУ на 19 јули, кога во Брисел ја одржа Првата политичка меѓувладина конференција и отпочна скрининг процесот. Сепак, за да се пристапи кон отворањето на поглавјата, Македонија ќе мора да го смени Уставот, за во него да бидат внесени Бугарите, услов со кој беше тргнато двегодишното бугарско вето кон Македонија за почеток на преговорите.

• „Позитивен тон“ во извештајот на ЕК за Македонија, Вархеји бара да продолжи борбата со корупцијата

Инаку, пред самитот најавен на 6 декември, во октомври во Прага се одржа самит на Европска политичка заедница, на иницијатива на Мишел и францускиот претседател Емануел Макрон. Овој нов формат ги седна на иста маса лидерите на сите европски држави, освен Русија и Белорусија.

Целта беше да се обезбеди платформа за дијалог за прашања од заеднички интерес за целиот континент, од безбедноста и енергетиката до климатските промени и поврзаноста. Во неколку наврати, европските претставници повторија дека Европската политичка заедница не може да се сфати како замена за процесот на проширување.

Албанскиот народ во земјава е под напад од институциите на сопствената држава, тврди опозициската партија ДУИ. Оваа реакција следува по информацијата дека Обвинителството ја проширува истрагата за пожарот во Кочани за нови 23 нови осомничени, како и неофицијалните информации дека се приведени поранешни министри за економија и директори на Дирекцијата за заштита и спасување.

Во нивната реакција е посочено дека ваквиот начин на водење на истрагата за трагедијата во Кочани, не е правда, туку „одмазда за вклучувањето на Албанците во институционалните текови“.

„За да се заштитат себеси и своите, премиерот, министерот за внатрешни работи и јавниот обвинител еднострано ја насочија истрагата против Албанците кои на каков било начин и кога било биле дел од институциите на системот. Јасно изјавуваме дека денес против Албанците е прогласена еднострана и неправедна агресија, без разлика дали станува збор за ДУИ, за албанските партии во власта или за Албанците воопшто“, е наведено во сооопштението на ДУИ.

Видете и ова:

Обвинителство: Проширена истрагата за пожарот во Кочани

Според соопштението од Јавното обвинителство, во тек е акција за приведување на повеќе лица, со цел проширување на истрагата за откривање на причините кои доведоа до пожарот во дискитеката „Пулс“ во Кочани при кој загинаа 59 млади луѓе, а двајца подоцна им подлегнаа на повредите.

Детали околу приведувањето на новите лица од институциите засега нема, но дел од медиумите повикувајќи се на извори од Министерството за внатрешни работи пишуваат дека на информативни разговори во полициски станици биле повикани и актуелниот министер без ресор кој од 2008-мата до 2017 година беше директор на Дирекцијата за заштита и спасување Шабан Салиу. Според нивните информации повикан на инфомативен реазговор е наследникот на Салиу Аднан Џаферовски и актуелниот директор Џеват Селами.

Според информациите од ТВ 21 во проширеанат истрага се опфатени поранешните министри за економија уште од минатата влада на ВМРО-ДПМНЕ и ДУИ Беким Незири, Дритон Кучи и Ваљон Сарачини, како и поранешниот директор на пазарен инспекторат Виктор Дерменџиев.

Српските демонстрантите истурија црвена боја пред зградата на полицијата во Нови Пазар. Тие пред зградата се појавиле со транспренти и извикувале „Ви плаќаме“, „Нема да не газите“ и „Чаршијата е мала, а улицата голема“, јавува репортерот од терен на РСЕ.

Причината за овој потег, е инцидентот што се случи околу 9 часот, пред почетокот на протестниот собир во Нови Пазар.

Студенти кои го блокираа Универзитетот во Нови Пазар утрово го блокираа и кружниот тек на излезот од тој град. На тој начин требаше да ги спречат да поминат автобуси со приврзаници на владејачката Српска напредна партија на пат кон митинг во Белград.

На асфалтот седнаа студенти од Нови Пазар и од другите градови, а полицијата со влечење за раце ги отстрани од блокадата за да поминат автобусите. Учениците во блокадата тврдат дека во при тој инцидент бил повреден еден од учениците.

Видете и ова:

Претседателот на Србија на собир на владини поддржувачи во Белград

Студентот Аднан Алиќ кој беше дел од блокадата во изјава за РСЕ посочи дека бил сведок на инцидентот на кружниот тек на излезот од Нови Пазар. Тој изјави дека при полициската акција е повреден средношколец, на кој потоа му била укажана лекарска помош во болница.

„Имаше повреди на главата и раката. Во тој момент го видов. Се надевам дека не е сериозно повреден“, изјави Алиќ.

Алиќ за РСЕ опиша што се случило утрово на кружниот тек.

„Се собраа до стотина студенти, а пристигнаа и многу граѓани. Едноставно сакавме да го блокираме излезот од градот, за да не одат тие (приврзаниците на владата) во Белград“, ја опиша ситуацијата.

Тој вели дека полицијата била присутна од почетокот и дека во првиот половина час немало никакви инциденти, а толпата разговарала со полицијата.

„Потоа рекоа дека ќе треба да не отстранат, дека тоа што го блокираме е криминално дело. Останавме, не направивме никакво кривично дело. А потоа сите оттаму, со употреба на сила, не одведоа на страна за да поминат автобусите“, рече Алиќ.

Од Министерството за внатрешни работи (МВП) се уште не се огласија за овој настан.

Претходно студентите на новосадските факултети синоќа неколку часа го блокираа Јавното градско сообраќајно претпријатие (ЈГСП) „Нови Сад“, јави агенцијата Бета.

Тие беа пред трите влеза во таа компанија од 02:00 часот, па се до 07:30 часот, кога полицијата ја отстрани барикадата и тогаш тргнаа првите автобуси.

Студентите изјавија дека добиле информација дека автобусите на градското сообраќајно претпријатие во Нови Сад ќе се користат за превоз на поддржувачи на владата на митингот во Белград.

Собирот се одржува во екот на неколкумесечните масовни протести организирани од студентите кои ги блокираат државните универзитети со барање да се утврди одговорноста на властите за смртта на 16 лица во несреќата на железничката станица во Нови Сад.

Пратениците во Обединетото Кралство одржаа ретка парламентарна дебата на 12 април во саботата додека владата се обидува да усвои вонредна легислатива за да го спречи затворањето на последната британска фабрика што може да произведува челик.

Премиерот Кир Стармер рече дека неговата администрација планира да ја „преземе контролата“ врз фабриката „Бритиш стил“ која сега е во кинеска сопственост, за да спречи гаснење на високите печки и да ја спаси челичната индустрија во земјата.

Пратениците во саботата требаше да гласаат за нацрт-законот за преземање на управувањето со фабриката Сканторп, која вработува околу 2.700 луѓе.

Кинеските сопственици на „Бритиш Стил“, соопштија дека повеќе не е финансиски исплатливо да работат печките во единицата во северна Англија.

Но, поради шпекулациите дека потегот би можел да го отвори патот кон национализацијата, секретарот за бизнис и трговија Џонатан Рејнолдс му изјави во Парламентот дека „законот не ја пренесува сопственоста на владата“ и тоа ќе треба да се реши во подоцнежна фаза.

Тој рече дека „ефективната пазарна вредност на оваа компанија е нула“ и дека кинеските сопственици сакаат да го одржат бизнисот во Обединетото Кралство, но и да ја снабдуваат со челик од Кина за да продолжи.

„Ние се среќаваме во овие посебни околности затоа што владата треба да дејствува решително, со темпо и итно за да се погрижи челичарниците, високите печки на „Бритиш Стил“, да се одржуваат и да продолжат да работат, спасувајќи илјадници работни места и обезбедувајќи го нашето домашно производство на девствен челик“, изјави од говорницата во Парламентот, пратеничката од Лабуристичката партија и лидер на Долниот дом, Луси Пауел.

Претходно, министерот за индустрија на Велика Британија Сара Џонс рече дека ниту една приватна компанија не била подготвена да инвестира во фабриката.

Таа додаде дека предложеносто законско решение за вонредни состојби ќе предвиди кривични санкции доколку извршните директори не ги почитуваат упатствата да ги одржат отворените високи печки.

Видете и ова:

Стармер: Царините на Трамп веројатно ќе ја погодат Велика Британија

Британските пратеници заминаа на велигденските празници во вторникот и требаше да се вратат во парламентот до 22 април.

Долниот дом на парламентот последен пат беше отповикан од одмор во август 2021 година за дебата за ситуацијата во Авганистан кога владата поддржана од Запад падна во рацете на Талибанците.

Како показател за тоа колку сериозно владата ги сфаќа маките на „Бритиш Стил“, последната саботна седница на парламентот беше во октомври 2019 година на која се гласаше за договорот за Брегзит на поранешниот премиер Борис Џонсон.

Пред тоа пратениците последен пат седнаа на саботното отповикување на почетокот на Фолкландската војна меѓу Британија и Аргентина во 1982 година.

Компанијата „Бритиш Стил“ соопшти дека тарифите на американскиот претседател Доналд Трамп за секторот се делумно виновни за тешкотиите на фабриката.

Сепак, жестоката конкуренција од поевтиниот азиски челик е обвинета за големиот притисок врз загрозената европска челична индустрија во последниве години.

Фабриката на „Бритиш Стил“ во сместена во северниот дел на Англија е последната британска фабрика за челик која произведува челик од суровини наместо од рециклирани материјали откако фабриката Порт Талбот на Тата ја изгаси печката минатата година.

Протестен марш организиран од граѓанската иницијатива „Зелен хуман град“ ќе се одржи денеска во Скопје по поради, како што велат алармантниот молк и неодговорното постапување на надлежните институции во врска со хаваријата и истекувањето на токсични материи од рудникот Тораница во Крива Река.

Маршот е најавено дека ќе започне од пред Министерството за животна средина и просторно планирање, а ќе заврши пред Пред Државниот инспекторат за животна средина.

„Протестот го користиме како алатка за да го насочиме фокусот таму каде што треба да биде – кон правото на здрава животна средина, кон одговорноста на институциите и кон правото на сите нас да знаеме што пиеме, што јадеме и што дишеме!“, се вели во нивното соопштение.

Претходно, на 7 април, Основното јавно обвинителство Куманово, информираше дека предметот за загадување на Крива Река во Крива Паланка ќе го преземе Основно јавно обвинителство за гонење на организиран криминал и корупција. Кумановското обвинителство отвори предмет, по кој до нив пристигнала кривична пријава од актуелниот градоначалник на Крива Паланка.

„Сега го чекаме вештачењето од лабораторија. Стигна и кривичната пријава од градоначалникот која е квалификувана по член 218 „загадување на животната средина“, за тоа кривично дело надлежно е обвинителството за гонење на организиран криминал и корупција. Разговарав со шефот на тоа обвинителство, подготвени се да го преземат предметот и да постапуваат понатаму. Ќе бидеме во контакт со нив“, изјави шефицата на ОЈО Куманово, Теута Бедиу Рамадани.

Видете и ова:

Отровна спогодба?

Водата во Крива Река е сериозно загадена и спаѓа во најлошата категорија на загадени води, неупотреблива за било која намена. Ова го соопшти градоначалникот на Крива Паланка, Сашко Митовски, на 3 април, откако Општината ги добила резултатите и од втората анализа на водата од Институтот за јавно здравје (ИЈЗ), а направена на барање на риболовното друштво „Мрена“.

И претходната анализа од минатата недела, направена на барање на општината од страна на лабораторијата „Технолаб“, покажа загадување со тешки метали, вклучително олово и цијанид.

Одговорноста за токсичната вода во и во Крива Река и во Тораничка, локалната власт ја гледа кај фирмата БУЛМАК 2016 ДООЕЛ, која стопанисува со рудникот Тораница.

Компанијата „Булмак 2016“, која е сопственик на рудникот „Тораница“ ги отфрла обвинувањата дека ја загадиле водата во Крива и Тораничка река.

„Можеби имало некакво загадување во Крива Река, но ние сме убедени дека по добивањето на резултатите од лабораторијата и сите чекори што ги презедовме, како компанија која има највисока А интегрирана еколошка дозвола, постапивме целосно согласно законските прописи и дека причината за заматување или загадување или било каква друга последица не е компанијата Булмак, односно не е рудникот Тораница“, изјави директорот на БУЛМАК, Тони Тоневски на 2 април.

Се проширува истрагата за откривање на причините кои доведоа до пожарот во дискитеката „Пулс“ во Кочани при кој загинаа 59 млади луѓе, а двајца подоцна им подлегнаа на повредите. Според соопштението од Јавното обвинителство, во тек е акција за приведување на повеќе лица, со цел проширување на истрагата.

Детали околу приведеувањето на новите лица од институциите засега нема, но дел од медиумите повикувајќи се на извори од Министерството за внатрешни работи пишуваат дека на информативни разговори во полициски станици биле повикани и актуелниот министер без ресор кој од 2008-мата до 2017 година беше директор на Дирекцијата за заштита и спасување Шабан Салиу. Според нивните информации повикан на инфомативен реазговор е наследникот на Салиу Аднан Џаферовски и актуелниот директор Џеват Селами.

Видете и ова:

Тивко „пулсира“ истрагата за пожарот во дискотеката Пулс во Кочани

Според информациите од ТВ 21 во проширеанат истрага се опфатени поранешните министри за економија уште од минатата влада на ВМРО-ДПМНЕ и ДУИ Беким Незири, Дритон Кучи и Ваљон Сарачини, како и поранешниот директор на пазарен инспекторат Виктор Дерменџиев.

Претходно на 11 април Основното јавно обвинителство Кочани достави предлози за продолжување на мерките за обезбедување - притвор и куќен притвор за сите осомничени во истрагата за пожарот во кочанската дискотека.

Како што се наведува во соопштението, само за тројца осомничени, согласно фазата на обезбедување докази и исполнетоста на законските основи се предлага замена за мерката притвор во куќен притвор. Тоа се двајца осомничени од Државниот пазарен инспекторат и еден припадник на обезбедувањето на дискотеката.

Последните информации од Обвинителството беа дека со истрагата се опфатени 34 луѓе, но за едно лице постапката е стопирана бидејќи почина.

Тоа е управителот на фирмата „ММММ кафе доел Кочани“ која управувала со дискотеката. Александар Карадакоски, всушност бил само фиктивен управител, а работел како шанкер во дискотеката. Тој е 60 тата жртва и почина на 4 април додека се лекуваше во Литванија.

Меѓу осомничените се и актуелниот градоначалник Љупчо Папазов, и двајца поранешни Ратко Димитриевски и Николчо Илијев. Двајцата се во домашен притвор, додека Папазов е во затвор.

Под истрага и во притвор е и поранешниот министер за економија Крешник Бектеши, како поранешен државен секретар, раководител, службено лице, помлад соработник во Министерството.

Осомничени се и поранешен директор на Пазарен инспекторат и инспектори. Меѓу осомничените е и сопственичката на фирмата која дала елаборат за употреба на објектот како дискотека, сопственикот на дискотеката кој е во притвор и неговиот син кој е на болничко лекување.

Американскиот судија за имиграција во петокот одлучи дека администрацијата на претседателот Доналд Трамп може да ја продолжи постапката за депортација на Махмуд Калил, студент на додиплонски студии на Универзитетот Колумбија и палестински активист, кој беше уапсен во Њујорк минатиот месец, јавува новинската агенција Ројтерс.

Судијата Џејми Команс од Судот за имиграција во Луизијана, соопшти дека нема овластување да ја поништи одлуката на американскиот државен секретар Марко Рубио, кој минатиот месец, повикувајќи се на Законот за имиграција и националност од 1952 година, пресуди дека Калил треба да биде депортиран од САД бидејќи неговото присуство има „потенцијално сериозни негативни ефекти врз надворешната политика на САД“.

Оваа одлука не е конечна во однос на евентуалната депортација на Халил.

Во одделен случај во федералниот суд во Њу Џерси, американскиот окружен судија Мајкл Фарбиарц ја блокираше депортацијата додека го разгледуваше тврдењето на Калил дека со неговото апсење на 8 март бил прекршен првиот амандман на Уставот на САД, кој гарантира слобода на говорот.

Видете и ова:

Полицијата ги протера пропалестинските демонстранти од Универзитетот во Њујорк

Калил, кој е член на пропалестинското студентско движење во кампусот на Универзитетот Колумбија, е роден во палестински бегалски камп во Сирија, има алжирско државјанство и минатата година стана легален постојан жител на Соединетите држави. Неговата сопруга е американски државјанин.

Станува збор за случај кој го потикна интересот на медиумите и јавноста и кој се смета за испитување на обидот на администрацијата на републиканскиот претседател да ги депортира странските пропалестински студенти кои легално се наоѓаат во САД и против кои не е покренато обвинение, пишува новинската агенција Ројтерс.

Администрацијата тврди дека Калил и другите странски студенти кои учествуваат во пропалестинските протести им штетат на интересите на надворешната политика на САД, повикувајќи се на одредба од Законот за имиграција и националност што му дава на државниот секретар широко овластување да одлучи дали ќе ги депортира имигрантите.

Американскиот претседател Доналд Трамп изјави дека се чувствува одлично и дека е „во многу добра форма“ по неговиот прв медицински преглед откако се врати во Белата куќа.

Седумдесет и осум годишниот претседател пристигна на 11 април во Медицинскиот центар Волтер Рид во предградието на Вашингтон на физички преглед кој го стави фокусот на кардио и когнитивните тестови.

Тој подоцна пред медиумите изјави дека „секој одговор му бил точен“ на когнитивниот тест и рече дека има не само „добро срце“, туку и „многу добра душа“.

„Мислам дека помина добро“, рече Трамп за прегледот, додавајќи дека го поминал „секој тест што можете да го замислите“ и дека извештајот се очекува да биде готов на 13 април.

Американските претседатели традиционално даваат детали за нивното здравје и благосостојба, иако не се принудени да го сторат тоа.

Видете и ова:

Специјалниот пратеник на Трамп, Виткоф во ненадејна посета на Москва

Трамп постојано беше обвинуван за недоволна отвореност за неговото здравје, но Белата куќа соопшти дека претседателскиот лекар Шон Барбабела ќе го прочита извештајот од прегледот и дека „се разбира“ ќе биде јавно објавен.

„Можам да потврдам дека претседателот е во многу добра форма, како што гледате речиси секојдневно“, рече портпаролката на Белата куќа Каролин Левит.

Трамп, многугодишен играч на голф кој, како што вели, се воздржува од алкохол и цигари, постојано се фали со својата енергија откако го започна вториот мандат. Но, тој е познат по тоа што се препушта на брза храна. Толку многу му се допаѓа што направи фотографска сесија во Мекдоналдс за време на неговата кампања минатата година.

Лекарот од Белата куќа во неговиот прв мандат, Рони Џексон, во 2018 година изјави дека со поздрава исхрана Трамп може „да доживее 200 години“.

Прегледите спроведени за време на неговиот прв мандат открија дека Трамп земал лекови за лекување на висок холестерол.

Извештајот на Џексон сугерираше дека Трамп треба да се стреми да изгуби 10 до 15 килограми, но рече дека генерално е во „одлично здравје“ без знаци на „никакви когнитивни проблеми“.

Возраста и когнитивното здравје станаа главен проблем на изборите во 2024 година, кога Трамп и тогашниот претседател Џо Бајден се соочија како најстари големи партиски кандидати во историјата.

Бајден, кој сега има 82 години, беше принуден да се откаже од трката откако вербално „се сопна“ на ТВ дебата против Трамп во јуни, која ја стави загриженоста за неговото здравје на врвот на агендата.

Откако се врати на функцијата, Трамп постојано ја споредуваше сопствената сила со Бајден, додека Белата куќа ја обвини претходната администрација дека го прикрива, како што вели, падот на Бајден.

Денеска се очекува променливо облачно време, проследено во текот на претпладнето со слаб локален дожд. Ќе дува умерен, а долж Повардарието и во источните делови засилен ветер од северен правец (над 70 km/h), велат од Управата за хидрометеоролошки работи.

Минималната температура ќе биде во интервал од 3 до 8, а максималната ќе достигне од 11 до 20 степени.

Видете и ова:

Минатиот месец бил најтоплиот јануари досега

Во Скопје, променливо облачно со повремен дожд. Ќе дува умерен, повремено засилен ветер од северен правец. Минималната температура ќе се спушти до 6, а максималната ќе достигне до 18 степени.

Според прогнозата на УХМР, следува период на променливо облачно и топло време со повремени локални врнежи од дожд.

Претседателот на Србија, Александар Вучиќ, на 11 април присуствува на собирот на приврзаниците на владата наречен „Србија нема да ја дадеме“ во центарот на Белград.

На манифестацијата која, според најавите, ќе се одржи во текот на три дена, беше развиено српското знаме долго 200 метри.

Покрај Вучиќ, на средбата меѓу другите ќе присуствуваат и премиерот во заминување Милош Вучевиќ и министерот за внатрешни работи во заминување Ивица Дачиќ.

Центарот на Белград е затворен за сообраќај поради митингот наречен „Србија нема да ја дадеме“, кој го повика Вучиќ.

Полициски патроли го обезбедуваат собирот, а на неколку точки граѓаните му пишуваат писма на претседателот на Србија и се приклучуваат на „Движењето за народот и државата“, јавува репортерот на Радио Слободна Европа.

Радио Слободна Европа на штандот разговараше со граѓаните кои се потпишаа на пријавата. Еден од нив е Милан Лончар од Параќин.

Видете и ова:

Судот во Нови Сад го врати обвинението за падот на настрешницата поради дополнување на истрагата

„Бидејќи ја сакам Србија и сакам Србија да биде цела“, изјави тој за РСЕ, додавајќи дека не е член на владејачката Српска напредна партија (СНС), но го поддржува претседателот на Србија.

На движењето се приклучи и пензионерката Радмила Вуковиќ од Белград.

„Сакам да се приклучам затоа што живеам во оваа земја, тоа ми одговара, не би менувала ништо, само да биде се подобро и подобро“, рече таа и додаде дека и таа е член на СНС.

Таа изјави и дека сака да му напише писмо на претседателот на Србија во кое ќе изјави дека сака почист Белград и отстранување на графитите од ѕидовите.

Од друга страна, Лука и Дубравка за РСЕ изјавија дека се против ваков собир. Лука наведува дека собирот му личи на „карневал и циркус“ каде се промовира „лажен патриотизам“.

Претставниците на властите во Србија во неколку наврати ги нарекоа „обоена револуција“ масовните протести што ги повикаа студентите во блокадата.

Дубравка вели дека на една од трибините на собирот му напишала писмо на Вучиќ во кое му рекла дека „не е главен“.

„Би било добро (Вучиќ) да се отстрани од позицијата на која е“, смета таа.

Студентите во блокадата претходно најавија дека не сакаат да преговараат со претседателот на Србија за барањата бидејќи тој нема овластување за тоа.

Вучиќ на 8 април ги покани граѓаните на овој собир, кој ќе се одржи од 11 до 13 април, во името на новооснованото „Движење за народот и државата“.

Вучиќ, еден од основачите на владејачката Српска напредна странка, неколку пати најавуваше формирање на таканареченото Движење за народот и државата.

Собирот се одржува во екот на неколкумесечните масовни протести организирани од студентите кои ги блокираат државните универзитети со барање да се утврди одговорноста на властите за смртта на 16 лица во несреќата на железничката станица во Нови Сад.

Вучиќ најави дека на состанокот на „Движењето за народот и државата“ ќе ги утврди неговите барања „кои се усогласени со Уставот“.

Барањата кои се сериозни и кои ја претставуваат волјата на одговорните луѓе во нашата земја, волјата на мнозинството во Србија“, порача Вучиќ во објавата на Инстаграм.

Покрај граѓаните, на митингот ги покани и „сите политички партии и движења“.

Видете и ова:

Студентите во Ниш и Нови Сад повикуваат на формирање експертска влада

Претседателот на Српската напредна партија (СНС) и премиер во техничкиот мандат, Милош Вучевиќ, на 11 април изјави дека на средбата „Нема да ја дадеме Србија“ во Белград ќе се дефинираат барања, од кои едно мора да биде земјата да се „одблокира од сите блокади“.

Некои групи негови приврзаници пеш отидоа на митингот на Вучиќ - едната група пешаци од Нови Сад, додека другата група кон Белград се упатија Срби од Косово.

Како што наведоа, со тој потег сакаат да го поддржат претседателот, но и студентите кои се противат на блокадите на факултетот и бараат враќање на наставата.

Противниците на блокадите, кои себеси се нарекуваат „студенти кои сакаат да учат“, кампуваат во парк во центарот на Белград, блиску до Претседателството на Србија.

Околу паркот Пионирски, каде што се наоѓа кампот на студентите кои „сакаат да учат“, повторно е ограден со трактори, кои претходно беа распоредени таму за време на студентскиот протест на 15 март.

Овие студенти ги отфрлаат наводите дека биле организирани од владата, предводена од Српската напредна партија.

Студентите со блокада, кои повеќе од четири месеци ги блокираат државните универзитети, ги предводат масовните протести на кои присуствуваат стотици илјади луѓе ширум Србија.

Во фокусот на барањето е утврдување на кривична и политичка одговорност за смртта на 16 лица при падот на настрешницата на Железничката станица во Нови Сад на 1 ноември 2024 година.

Зад студентските барања, заедно со граѓаните кои со месеци се собираат на протести, стојат и универзитетски професори, просветни работници, земјоделци, адвокати и актери.

Демонстрациите станаа симбол на пошироко незадоволство од владеењето на правото во земјата, со прашањето дали негрижата и корупцијата на системот доведоа до несреќата во Нови Сад.

Американскиот специјален пратеник Стив Виткоф започна разговори со рускиот претседател Владимир Путин за време на ненајавената посета на Санкт Петербург, нивна трета средба откако американскиот претседател Доналд Трамп ја презеде функцијата во јануари, ветувајќи дека ќе ги поправи односите со Москва.

Руските државни медиуми објавија дека состанокот започнал по пристигнувањето на Виткоф на 11 април. Тој застанал во Санкт Петербург додека патувал на разговорите на високо ниво со Техеран за иранската нуклеарна програма закажани за 12 април во Оман.

Веста за средбата дојде откако украинскиот претседател Володимир Зеленски објави на Твитер дека помина еден месец откако Русија го отфрли американскиот предлог за „целосен и безусловен прекин на огнот“.

Неколку часа по слетувањето на Виткоф, Трамп исто така објави на социјалните мрежи: „Русија мора да се движи. Премногу луѓе УМИРААТ“.

Посетата на Виткоф дојде во време на наплив на дипломатски активности околу војната во Украина, која вклучува американско-украински разговори во Вашингтон и состанок со кој претседаваат Велика Британија и Германија во Брисел.

Руската државна новинска агенција ТАСС објави дека Виткоф веднаш се сретнал со Кирил Дмитриев, добро поврзан инсајдер во Кремљ и шеф на Рускиот фонд за директни инвестиции. Минатата недела, двајцата се состанаа во Вашингтон, каде што разговараа за зајакнување на билатералните односи.

Посетата доаѓа еден ден откако американските и руските официјални лица се сретнаа во Истанбул за да разговараат за нормализирање на дипломатските односи, потенцијално запирање на некои од масовните протерувања на персоналот на амбасадата по почетокот на руската сеопфатна инвазија на Украина во 2022 година.

Видете и ова:

Велика Британија објави воена помош за Украина од 580 милиони долари

Ова е трета посета на Виткоф на Русија откако Трамп ја презеде функцијата, ветувајќи дека ќе ги поправи односите со Москва.

Минатиот месец неговата средба со Путин го отвори патот за телефонски разговор меѓу двајцата претседатели. Тој во февруари ја посети и Москва и беше дел од американско-руските преговори во Ријад, Саудиска Арабија.

Кој е Стив Виткоф?

Виткоф е бизнисмен од Њујорк и пријател на Трамп кој нема претходно дипломатско искуство. Ова предизвика загриженост во некои области за неговата водечка улога во таквите деликатни разговори.

„Фактот што му недостига контекст и историја за тоа како Русите преговараат и се справуваат со американската страна, мислам дека е проблем“, рече Дејвид Крамер, кој служеше на висока позиција во Стејт департментот за време на администрацијата на Џорџ Буш.

„Путин му кажува убави работи, му дава портрет на претседателот, зборува за одење во црква и за молитва за својот пријател (Трамп)“, изјави Крамер за Радио Слободна Европа на 10 април.

„Тоа се прилично стари тактики на КГБ. А Виткоф, мислам, не е доволно свесен за да разбере што се случува таму“.

Трампсилно го фалеше Виткоф. Говорејќи во јануари, тој го нарече „голем создавач... одличен преговарач, одлична личност“.

Видете и ова:

Втор круг преговори меѓу руската и американската делегација во Истанбул

Посетата на Виткоф ќе има за цел да ги зајакне застојот на американските напори за посредување за прекин на огнот меѓу Русија и Украина. Трамп неодамна изрази фрустрација поради бавното темпо на напредок.

Трамп ја критикуваше Русија за нејзината засилена кампања за бомбардирање против Украина и рече дека украинскиот претседател Володимир Зеленски „се обидува да се повлече“ од договорот што му дава пристап на Вашингтон до ретките минерални наоѓалишта на Киев.

Украинската делегација треба да разговара за договорот во Вашингтон подоцна на 11 април.

Турција ветува мисија во Црното Море

Во меѓувреме, во Брисел е постигнат напредок за формирање на воени сили предводени од Европа, кои ќе бидат распоредени во Украина во случај на прекин на огнот или мировен договор.

Два европски дипломатски извори за Радио Слободна Европа изјавија дека Турција изјавила дека е подготвена „да преземе одговорност за поморската димензија“.

Тоа беше на состанокот на „коалицијата на волните“ на 10 април.

Досега, само Велика Британија и Франција јавно ветија дека ќе ангажираат сили, иако други земји рекоа дека се отворени за можноста, во зависност од околностите на нивното распоредување.

Велика Британија и Германија претседаваат со состанокот на украинската Контакт група за одбрана на 11 април во Брисел, која ја координира воената помош за Украина.

Основана е во 2022 година, а со неа претседаваше тогашниот американски секретар за одбрана Лојд Остин. Неговиот наследник Пит Хегсет присуствуваше на овој состанок преку видео врска.

Германскиот министер за одбрана Борис Писториус рече дека Хегсет дал „интересни и точни проценки“ во неговите коментари.

Пред преговорите, европските земји ветија нова поддршка за Украина во наредните месеци и години.

Велика Британија и Норвешка објавија заеднички пакет кој вклучува воени дронови, радарски системи и противтенковски мини.

Германија и Холандија соопштија дека ќе обезбедат дополнителни системи за противвоздушна и ракетна одбрана.

„Ова ќе има влијание на бојното поле оваа година“, изјави германскиот министер за одбрана Борис Писториус.