Унгарскиот и полскиот премиер потпишаа заедничка декларација со која ветуваат дека ќе се поддржуваат едни со други во блокирањето на следниот буџет на Европската унија и нејзиниот огромен фонд за олеснување на пандемијата, заради предложениот механизам што го поврзува со усогласеноста со владеењето на правото. Виктор Орбан и Матеуш Моравиецки по нивниот вчерашен состанок во Будимпешта изјавија дека механизмот ризикува да ја блокира Унијата.

На самитот на ЕУ без решение на спорот со Полска и Унгарија околу буџетот

Во декларацијата двајцата премиери тврдат дека механизмот „применува нејасни дефиниции и двосмислени термини без јасни критериуми врз кои може да се засноваат санкциите“. И Унгарија и Полска се под истрага на ЕУ за нарушување на независноста на судството, медиумите и невладините организации и ризикуваат да изгубат пристап до десетици милијарди евра. „Ниту Полска ниту Унгарија нема да прифатат каков било предлог што ќе се смета за неприфатлив за другиот“, се вели во заедничката декларација. Минатата недела, двете земји ја блокираа поддршката за клучната одлука за начинот на финансирање на споделениот план за трошење на ЕУ од 2021-2027 година. Нивното вето веројатно значително ќе го одложи усвојувањето на планот на ЕУ од 1,8 трилиони евра.

Словенија заедно со Унгарија и Полска во блокирањето на планот за реконструкција

Несогласувањето со двете земји ги налути другите земји-членки на ЕУ кои сериозно чекаат исплати од стимулативниот пакет на 27-члениот блок за да им се помогне на економиите сериозно погодени од пандемијата. Решавањето на спорот е исто така во интерес на Полска и Унгарија, кои од Брисел би добиле некои од највисоките износи по глава на жител.

Седумнаесет лица повредени во пожарот во Кочани се лекуваат во Ургентниот центар на Универзитетскиот клинички центар на Србија во Белград од кои две се на механичка вентилација, а двајца се оперирани, изјави др Милан Стојичиќ, директор на Клиниката за пластична и реконструктивна хирургија при УКЦС, јави дописникот на МИА од Белград.

Стојичиќ нагласи дека пациентите се во добра состојба и постоперативно се без проблеми.

„Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за Интензивна нега“, изјави тој за РТС.

Видете и ова:

Да се откријат причините и виновниците за трагедијата бараат жителите на Кочани

Тој наведе дека кај пациенти кои веќе се оперирани, процедурата опфаќа отстранување на девитализирано ткиво и покривање со автотрансплантација, што значи дека нивна сопствена кожа се зема од други региони и се пресадува на изгорените места.

На еден пациент ќе му биде извршена нова операција за околу пет денови (на другата рака).

Според него, за оние на кои им претстои операција, нема да бидат потребни донатори на кожа.

Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина.

Американскиот пратеник Стив Виткоф рече дека решавањето на статусот на украинските територии кои во моментов се окупирани од Русија е клучно за ставање крај на војната во Украина, што изгледа како отстапување од долгогодишната позиција на Вашингтон за отфрлање на анексијата на регионот од Москва.

Во опширното интервју со американскиот конзервативен медиум Такер Карлсон објавено на 22 март, Виткоф рече дека преговорите за украинските региони Доњецк, Луганск, Запорожје, Керсон и Крим најверојатно ќе го одредат решението на конфликтот, јавува сервисот на англиски јазик на Радио Слободна Европа.

Русија рече дека дел од причината поради која ја започнала инвазијата на Украина во февруари 2022 година била да ги „заштити“ руските говорници во источните региони, кои граничат со Русија.

Видете и ова:

Украинските цивили бегаат од регионот Суми поради руските напади

Многу експерти не се согласуваат со таа оценка, велејќи дека империјалните амбиции на Русија го поттикнуваат конфликтот.

„Тоа е слонот во собата“, рече Виткоф. „Откако тоа ќе се реши, водиме многу, многу позитивен разговор.

Седум месеци по почетокот на инвазијата, Кремљ прогласи четири источни украински региони за анектирани и дел од Русија, по референдумското гласање за кое Кремљ инсистираше дека е израз на вистинската волја на гласачите.

Гласањето се одржа иако регионите беа само делумно окупирани од руските сили, управувани од прокси-администратори инсталирани од Русија, а неколку милиони потенцијални гласачи од регионот беа раселени и не можеа да гласаат.

Набргу по гласањето, Генералното собрание на Обединетите нации со големо мнозинство ја осуди руската анексија на регионот, додека тогашниот американски државен секретар Антони Блинкен го повтори ставот на Вашингтон дека САД никогаш нема да ги признаат „лажните“ референдуми.

Трамп и неговиот тим постојано изјавија дека Украина ќе мора да направи отстапки за прашањето за земјиштето за да обезбеди мировен договор за ставање крај на војната која трае повеќе од три години. Русија во моментов контролира околу 20 отсто од Украина, вклучително и големи делови од четири спорни региони.

Изгледа дека Виткоф се огради од позицијата на администрацијата на Бајден и меѓународната заедница во целина, велејќи му на Карлсон дека „имаше референдуми [организирани од Москва] каде што огромното мнозинство луѓе покажаа дека сакаат да бидат под руска власт“.

„Прашањето е дали светот ќе препознае дека тоа се руски територии?

Виткоф, кој е активно вклучен во дипломатските напори во врска со конфликтот во Украина, рече дека останува со надеж по неодамнешната рунда контакти на високо ниво, вклучително и телефонски разговори меѓу американскиот претседател Доналд Трамп и рускиот претседател Владимир Путин и Зеленски.

„Јас сум многу, многу оптимист дека ќе успееме да ги зближиме двете страни“, рече тој.

Видете и ова:

„Само етнички Словени“: Руските државни тендери дискриминираат врз расна основа

Виткоф беше активно вклучен во дипломатските напори во врска со конфликтот во Украина и минатата недела беше во Русија за да се сретне со Путин.

Тие двајца разговарале неколку часа. Виткоф рече дека неговата порака до Путин е дека тој и Трамп „ќе бидат двајца големи лидери кои ќе го решат овој конфликт“.

Одделно, Виткоф рече дека е важно да се стави крај на политичката изолација на Путин за да се запре конфликтот. Западните лидери го прекинаа контактот со рускиот претседател набргу по почетокот на војната во февруари 2022 година.

„Како можеме да решиме конфликт со некој кој е на чело на голема нуклеарна сила ако не воспоставиме доверба и добри чувства еден кон друг“, рече Виткоф.

Тој рече дека за време на нивната средба Путин му подарил портрет на Трамп направен од врвен уметник. Тој исто така рече дека Путин му рекол дека се молел за Трамп откако тој за малку ќе беше убиен во обид за атентат во Пенсилванија во јули 2024 година додека водеше кампања за претседател.

Денеска времето ќе биде променливо облачно со повремени врнежи од дожд, кои ќе бидат пообилни во југозападните и јужните делови. Ќе дува умерен до засилен јужен ветер.

Во Скопје, променливо облачно со повремен дожд. Ќе дува умерен јужен ветер.

Времето утре исто така ќе биде променливо облачно со локални врнежи од дожд. Ќе дува умерен до засилен јужен ветер.

Во Скопје, променливо облачно со повремен дожд. Ќе дува умерен јужен ветер.

Шест дена по трагичниот пожар во дискотеката „Пулс“, граѓаните на Кочани денеска во 15 часот во Паркот на Револуцијата организираа едночасовен мирен собир во знак на почит кон загинатите и со поддршка за закрепнување на повредените.

На собирот немаше официјален говор, а присутните истакнаа дека се организирале спонатано, со повик преку социјалните мрежи. Со пораки испишани на транспаренти, тие порачаа дека бараат правда, a правосудните институции да го расчистат случајот до крај.

„Сите загинати и повредени ги чувствуваме како наши деца. Со длабока болка тагуваме поради несреќата што се случи и им даваме поддршка на нивните родители и блиски да имаат сила да го издржат сето ова. Очекуваме целосно разоткривање на причините и виновниците кои ја предизвикаа оваа страшна трагедија и градот го завија во црно. Истовремено, се молиме повредените дечиња што побрзо да закрепнат и да се вратат дома, истакна Марин Стојанов, учесник на собирот.

Видете и ова:

Истрагата лоцира „верижни пропусти и незаконитост“ кои довеле до пожарот во Кочани

Граѓаните повторно им дадоа поддршка и на лицата од обезбедувањето во дискотеката, кои ги извлекувале и спасувале младите, а наместо да се лекуваат од повредите, тие се осомничени и се наоѓаат во притвор.

Собирот заврши со мирен марш по улиците во централното градско подрачје на Кочани, а граѓаните порачаа дека ќе продолжат да се собираат и во наредните денови.

Градоначалникот на Нови Сад, Жарко Миќин, ја прогласи неделата, 23 март за Ден на жалост во градот, поради смртта на 19-годишно момче кое им подлегна на повредите здобиени при уривање на настрешница пред Железничката станица во Нови Сад.

Студентите кои синоќа го блокираа Универзитетот во Нови Сад, саботата 22 март ја прогласија за Ден на жалост во чест на смртта на средношколец.

„Сабота, 22 март, ја прогласуваме за Ден на жалост со ужаленото семејство Црнчевиќ, кое го загуби Вукашин по долга и тешка борба“, се вели во соопштението на Студентите во Блокада.

Воено-медицинската академија (ВМА) во петокот потврди дека младото момче е 16-та жртва во несреќата што се случи на 1 ноември 2024 година. Тој беше примен на ВМА кон крајот на јануари годинава по лекување во Клиничкиот центар во Војводина.

„И покрај сите преземени мерки за лекување и максималната посветеност на персоналот на ВМА, пациентот им подлегна на сложените повреди и компликации“, соопштија претходно од ВМА.

Илјадници жители на Нови Сад во петокот вечерта му оддадоа почит на починатиот млад човек со палење свеќи на железничката станица во Нови Сад.

Видете и ова:

Почина тешко повредено момче, шеснаесетта жртва од несреќата во Нови Сад

Трагедијата во Нови Сад се случи четири месеци по свеченото отворање на реконструираната зграда на Железничката станица, по тригодишната реконструкција.

Реконструкцијата беше дел од проектот за реконструкција и модернизација на Нови Сад - Суботица - државната граница со унгарската железница. Проектот е развиен од страна на српската филијала на China Railway Design Corporation и CIP Transport Institute од Србија.

Во тек се повеќе постапки поради уривање на настрешницата. На 30 декември, Вишото јавно обвинителство во Нови Сад поднесе обвинителен акт против 13 лица, поради сомнение за невнимание при реконструкцијата на настрешницата.

Меѓу обвинетите се поранешниот министер за градежништво, транспорт и инфраструктура Горан Весиќ и неговата помошничка Анита Димоски, како и поранешната директорка на јавното претпријатие „Инфраструктура Железнице Србије“ Јелена Танасковиќ.

По смртта на луѓе при уривање на настрешница во Нови Сад на 1 ноември, следеа низа протести и блокади, предводени од студентите, кои повеќе од три месеци ги блокираат факултетите, инсистирајќи на одговорност за несреќата. Поддршка во нивните барања добија и индивидуални просветни работници, земјоделци, адвокати и голем број граѓани.

Видете и ова:

Масовен протест во Белград - „Ние сме државата“, порака од студентите

Владата, предводена од Српската напредна партија и претседателот Александар Вучиќ, ги осудува протестите и блокадите.

Вучиќ изјави дека ќе побара од државните органи да дејствуваат во секое време и на секое место на начин кој ги штити редот и законот, истакнувајќи дека оние што не го прават тоа ќе бидат „променети“, пренесе агенцијата Бета.

„Оние полицајци кои не сакаат да го заштитат редот и законот ќе бидат сменети, обвинителите кои не сакаат да го заштитат ќе бидат сменети“, рече Вучиќ.

Група која вклучува шест новинари на Гласот на Америка (VOA) поднесе тужба против администрацијата на Трамп и други функционери, обвинувајќи ги за незаконско затворање на неколку јавно финансирани радиодифузери.

Во тужбата, поднесена на 21 март во јужниот округ на Њујорк, се товари дека администрацијата на Трамп презела „моторна пила“ до американската агенција за глобални медиуми (USAGM) преку извршна наредба потпишана една недела претходно.

Наредбата уништи седум федерални агенции, вклучително и USAGM, велејќи им да „го намалат извршувањето на нивните законски функции и поврзаниот персонал на минималното присуство и функција што се бара со закон“.

Неколку часа подоцна, персоналот на Гласот на Америка беше ставен на административно отсуство и неговите простории беа затворени.

Видете и ова:

Радио Слободна Европа поднесе тужба против Американската агенција за глобални медуми поради укинување на финансирањето

Многу чувари на правата на медиумите и аналитичари рекоа дека одлуката за запирање на работењето на Гласот на Америка и другите јавно финансирани радиодифузери ќе ги охрабри авторитарните ширум светот со губење на „критичното спасување“ на информации за нивното население.

„Она што се случува со новинарите на Гласот на Америка не е само застрашувачки говор на првиот амандман; тоа е владино затворање на новинарството, претходна воздржаност што ја убива содржината пред да може да се создаде“, се вели во поднесокот.

Вршителот на должноста директор на USAGM Виктор Моралес и специјалниот советник Кари Лејк се именувани во тужбата, во која се вели дека потезите на администрацијата на Трамп за затворање на УСАГМ ги прекршиле правата од Првиот амандман на вработените на Гласот на Америка.

Тие, исто така, бараат од судот да ги обнови вестите кои добиваат грантови од USAGM и да продолжи финансирањето на грантистите, вклучително и Радио Слободна Европа/Радио Слобода (РСЕ/РЛ), Радио Слободна Азија (РФА) и Блискоисточната радиодифузна мрежа (MBN). На тие медиуми им беа прекинати грантови истиот ден кога Гласот на Америка беше затворен.

„Обвинетите ги прекршија сите овие закони со затворање на USAGM и целосно прекинување на работата со собирање и ширење вести и мислења преку Гласот на Америка и нејзината сестринска услуга Радио и Телевизија Марти, како и нејзините филијали на грантовите РФЕ/РЛ, РФА и МБН. Дејствата на обвинетите се неуставни, велат тие веднаш се неуставни.

„Трагичен напад врз демократијата“

Покрај шесте новинари на Гласот на Америка, меѓу тужителите во тужбата се и Американската федерација на државни службеници (AFGE), Американската федерација на државни, окрузи и општински службеници (AFSCME), The NewsGuild-CWA, Американската асоцијација за надворешни служби (AFSA), Репортери без граници (RSF).

Дејвид Сеиде, висок советник во Проектот за отчетност на Владата (ГАП), непартиска организација за заштита на граѓанските права и свиркачи, која ги застапува новинарите на Гласот на Америка во случајот, ги нарече потезите на администрацијата „уште еден трагичен напад врз демократијата“.

„Повеќе од осум децении, Гласот на Америка и неговите сестрински организации се познати, што го докажуваат над 400 милиони гледачи, слушатели и читатели кои секојдневно се приклучуваат“, рече тој. „Таа репутација сега е нарушена. Нашата тужба има за цел да го запре крварењето“.

Видете и ова:

Чесите започнаа дебата во ЕУ за финансирање на Радио Слободна Европа

Лејк, гласен поддржувач на Трамп, не одговори веднаш на веста, но во исто време кога беше објавена, таа напиша во објава на X дека кога Вашингтон пост, Њујорк тајмс, НПР, Си-Би-Ес и 60 минути побараа интервју оваа недела, таа одби.

„Не правам интервјуа со неугледни „вести““, напиша таа.

Многу републиканци, вклучувајќи ги Трамп и Лејк, тврдат дека Гласот на Америка и другите радиодифузери се заразени од левичарска пропаганда, обвинување што нивните оператори велат дека не е поддржано со факти.

РСЕ на 18 март поднесе тужба против USAGM, Лејк и Моралес, за да го блокира нивниот обид да го прекинат федералниот грант на РСЕ, кој обезбедува средства за работа на радиодифузерот.

Во жалбата се тврди дека негирањето на средствата што Конгресот ги присвоил за РСЕ ги прекршува федералните закони и Уставот на САД, кој му дава на Конгресот ексклузивна власт за федералните трошоци.

Тужбата беше поднесена во Окружниот суд на САД за округот Колумбија.

„Ова не е време да се отстапи теренот на пропагандата и цензурата на американските противници“, рече претседателот и извршен директор на РСЕ, Стивен Капус.

„Ние веруваме дека законот е на наша страна и дека славењето на нашата смрт од страна на деспотите ширум светот е прерано“, додаде тој.

Неподносливите напади со беспилотни летала и водени бомби ги принудија жителите да побегнат од североисточниот регион Суми во Украина, кој ја дели границата со Русија.

Граѓаните во паника бараат безбедност поради интензивните руски напади.

„Се плашев да ја поминам ноќта дома. Не се пријавив за евакуација“, рече Халина, постар жител на селото кое беше нападнато во петокот.

Москва ги засили нападите низ Украина откако се согласи да ги прекине нападите врз енергетската инфраструктура на земјата на 30 дена, по телефонскиот разговор меѓу рускиот претседател Владимир Путин и американскиот претседател Доналд Трамп на 18 март.

Претходно Кремљ го отфрли едномесечниот прекин на огнот договорен меѓу Вашингтон и Киев.

„Не сакав да го напуштам својот дом. Живеам овде 50 години“, рече Љубов, постара жена од Суми, по нападите со дронот и наведуваните проектили. „Но, во оваа ситуација немаше избор.

Валентина, друга постара жителка на Суми, рече дека Русија фрлила водени бомби врз центарот на нејзиното село.

„Нашата куќа не беше уништена, но сите прозорци беа скршени“, рече таа.

Видете и ова:

Полска и балтичките држави се повлекуваат од Договорот за забрана на противпешадиски мини

Работниците на Црвениот крст и Белите ангели, украинска полициска единица која им помага на цивилите, им помогнаа на жителите на Суми да побегнат во градот Суми, регионалниот главен град.

„Имаше експлозии насекаде“, вели еден постар човек кој бил евакуиран од спасувачите.

„Некои дронови не следеа, но успешно избегавме“, изјави Ихор Шаповал, вработен во Црвениот крст.

Тој рече дека ги евакуирале луѓето од нивните домови во раните утрински часови на 21 март по континуираните напади насочени кон неколку села во регионот Суми.

Во меѓувреме, руски напад уби цело семејство во југоисточниот украински град Запорожје на 22-ри март.

Телата на ќерката и таткото се извлечени од урнатините“, изјави Иван Федоров, шеф на регионалната воена администрација.

Тој рече дека лекарите се обиделе да ја спасат 38-годишната мајка, но таа им подлегнала на повредите откако била пренесена во болница.

Во земјава моментално се лекуваат 54 пациенти од пожарот во дискотеката „Пулс“ во Кочани, откако во текот на вчерашниот ден на домашно лекување беа испратени 10 пациенти. Според информациите кои денеска ги соопшти министерот за здравство Арбен Таравари по состанокот на Кризниот штаб за состојбата на пациентите, на Клинички центар се лекуваат 27 пациенти, во ГОБ „8 Септември“ – 11 пациенти, во Градска општа болница – 10 пациенти, додека на приватните клиники се лекуваат шест пациенти.

Министерот посочи дека надвор од државата се лекуваат вкупно 115 пациенти, од кои пет од нив се очекува идната недела да бидат вратени во земјава и, како што рече, по тријажата која ќе им биде направена ќе се утврди дали ќе бидат задржани на некои од трите болници во Скопје или ќе бидат испратени на домашно лекување. Таравари нагласи дека шест пациенти се во критична состојба, додека пак, останатите 109 пациенти се во релативно добра состојба, но, како што рече „да бидеме резервирани за тоа дека можат да се случат компликации кои што не се предвидени“.

„Надвор од државата се лекуваат 115 пациенти. Добрата вест е што ако првата недела кажавме дека 20 се многу критични, по два дена 10 многу критични, денеска кажувам дека само шест се во многу критична состојба. Се надеваме дека таа бројка нема да се покачи со евентуални компликации кај другите пациенти. Некои од пациентите планираме веќе од другата недела да се вратат, тоа се пет од вкупно 115 пациенти. Ќе бидат прифатени прво во трите болници во Скопје, од кај што се испратени и по тријажата која ќе им биде направена ќе биде утврдено дали ќе бидат задржани или уште веднаш ќе може да се пуштат на домашно лекување, рече Таравари.

Видете и ова:

„Солун е со тебе Кочани“ - шеесетминутен молк во Солун за жртвите од пожарот

Од пациентите кои се во критична состојба, Таравари посочи дека двајца се лекуваат во Љубљана и четири пациенти во Воено-медицинската академија во Белград. Во врска со оние пациенти кои се очекува идната недела да се вратат во земјава, Таравари рече дека според информациите кои ги добиваат тие дури би можеле да се вратат со комерцијални летови.

– Од Италија се планира еден испис, од Шпанија се планираат два исписа, од Шведска еден испис и од Австрија два исписи. Ова е планот, но не е дефинитивно во понеделник ќе ве известиме точно. Подготвуваме протоколи кои што ќе бидат прифатени од Кризниот штаб и објавени транспарентно за да се види како ќе се третираат пациентите. Најпрво ќе ги примиме во болниците, потоа ќе ги пуштиме дома. Според информациите кои што ги добиваме од овие болници, пациентите дури можат да се вратат со комерцијални летови, рече Таравари.

Прашан за какви повреди станува збор кај пациентите кои се лекуваат во земјава, Таравари рече дека генерално се работи за изгореници, кај дел од пациентите скршеници за кои бил потребен оперативен зафат, но и изгореници на слузокожата на дишните патишта.

„Генерално се изгореници, некаде имаме и скршеници кои што можеби ќе бидат задржани подолго и ќе треба да се оперираат. Изгореници на слузокожа на дишни патишта, токсичност… рече Таравари.

Полицијата вчера лишила од слобода две одговорни лица во угостителски објекти на подрачјето на Центар затоа што пуштале музика и не ја почитувале одлуката на Владата за седумдневна жалост.

Лишени се од слобода Ф.А.(26) од скопско и В.В.(22) од Скопје поради постоење основи на сомнение за сторено кривично дело по член 387 од Кривичниот законик.

Видете и ова:

Муцунски: Државата го покрива трошокот за лекување и враќање на повредените во Кочани

„Во текот на вчерашниот ден во угостителски објекти каде тие се одговорни лица била пуштена музика односно не била почитувана одлуката на Владата за седумдневна жалост. Веднаш е постапено од страна на полициските службеници на СВР Скопје и одговорните лица се лишени од слобода, а по документирање на случаите ќе бидат поднесени соодветни пријави во врска со чл. 387 од КЗ, соопшти МВР.

Во Северна Македонија со одлука на Владата е прогласена седум дневна жалост поради трагедијата која се случи во Кочани на 16 март 2025 година. Во пожар во дискотеката Пулс загинаа 59 млади луѓе, а повредени се повеќе од 150.

Либанскиот премиер Наваф Салам предупреди во саботата на опасност од „уште една војна со катастрофални последици“ за Либан, откако Израел најави ракетен напад врз неговата земја.

„Наваф Салам предупреди на ризикот од продолжување на воените операции на јужната граница, нагласувајќи дека тоа може да ја вовлече земјата во нова војна, со катастрофални последици за Либан“, соопшти неговата прес-служба.

Се додава дека Салам контактирал со министерот за одбрана „за да се осигура дека само државата има моќ да одлучува за војна и мир“.

Началникот на Генералштабот на израелската армија Ејал Замир рече дека армијата „остро ќе одговори“ на ракетниот напад од Либан кон северен Израел.

„Армијата остро ќе одговори на нападите утринава“, рече генералот Замир, кој го предводеше состанокот на кој се оценува ситуацијата, се вели во соопштението.

Либан има одговорност да го почитува договорот за прекин на огнот склучен на 27 ноември со либанското движење Хезболах, додаде тој.

Видете и ова:

Либан доби нова влада и најави реформи

Израелскиот министер за одбрана Израел Кац исто така рече дека армијата ќе одговори на истрелувањето на три ракети од Либан кон северен Израел во текот на утрото.

Израелските сили ги пресретнале ракетите, а засега никој не ја презел одговорноста.

Сирените за воздушен напад се огласија во 7:30 часот по локално време во Метула, село во северен Израел што граничи со Либан.

Тогаш израелската војска објави дека биле пресретнати три ракети кои навлегле на израелска територија.

Либанската новинска агенција (АНИ) објави дека израелски авиони го прелетале „источниот сектор“ на јужен Либан и дека во областа експлодирале проектили-пресретнувачи.

По нападот врз Израел од страна на палестинскиот Хамас на 7 октомври 2023 година, организација која САД и ЕУ ја сметаат за терористичка, нејзиниот шиитски сојузник во Либан, Хезболах, отвори втор фронт со истрелување ракети од јужен Либан кон северен Израел.

Договорот за прекин на огнот постигнат на 27-ми ноември стави крај на повеќе од една година непријателства, вклучително и двомесечно отворено војување.

Сепак, двете страни меѓусебно се обвинуваат за прекршување на примирјето.