По ноќ на судири меѓу полицијата и антивладините демонстранти денеска во Истанбул владее тензичен мир. Полицијата користеше солзавец, водени топови и гумени куршуми во обид да ги истера демонстрантите од плоштадот Таксим. Тие пак, фрлаа со камења, молотови коктели и петарди.
Турската полиција го освои плоштадот Таксим, додека демонстрантите се наоѓаат во блискиот парк Гези, јавуваат новинските агенции, кои оценуваат дека изминатата ноќ била најжестока од избувнувањето на протестите пред 12 дена.
Гувернерот на Истанбул Хусеин Авни Мутлу изјави дека полицијата ќе продолжи со расчистувањето на плоштадот Таксим.
„Се додека не биде воспоставена целосна безбедност на плоштадот барам од луѓето да не одат таму. Ние ќе продолжиме да ги преземе нашите мерки на претпазливост и дење и ноќе и сакам сите да и помогнете на нашите полицијата.“
Претходно, премиерот Реџеп Тајип Ердоган рече дека веќе нема да ги толерира масовните демонстрации против неговата влада.
Ердоган, исто така, го повтори своето уверување дека немирите се дел од заговор против Турција.
Се додека не биде воспоставена целосна безбедност на плоштадот барам од луѓето да не одат таму. Ние ќе продолжиме да ги преземе нашите мерки на претпазливост и дење и ноќе и сакам сите да и помогнете на нашите полицијата.
Авни Мутлу, гувернер на Истанбул Хусеин.
Протестите беа обновени и во Анкара каде што полицијата употреби водени топови и солзавец за да ги растера неколку стотиците демонстранти.
Настаните во Истанбул ескалираа откако вчера полицајците ненадејно упаднаа на плоштадот Таксим кој беше заземен од демонстрантите.
Протестите започнаа по насилната полициска операција против активисти кои се противат на градењето во паркот Гези кој се наоѓа во непосредна близина на плоштадот Таксим.
Меѓутоа, тие потоа прераснаа во отпор против авторитарниот стил на владеење Ердоган и на неговите наводни обиди да наметне исламски конзервативни вредности во уставно секуларната Турција.
Ердоган ги отфрли ваквите обвиненија, а демонстрантите ги означи како хулигани и непријатели на демократијата.
Најмалку четири лица се убиени, а околу 5.000 третирани од повреди во изминатите 12 дена.
Американската Бела куќа вчера соопшти дека Турција им е близок пријател на Соединетите Држави и оти администрацијата на Обама со загриженост гледа на случувањата во таа земја.
Притоа е упатен повик до турските власти да се придржуваат на основните слободи на изразување, собирање, здружување и слободни и независни медиуми.
Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.
