Вели дека има борбена природа и сака предизвици. Младата Арбреша Реџепи е државен првак во џудо, 11 години по ред или откако почнала да тренира. Има медали од повеќе меѓународни натпреварувања и едно учество на Олимписки игри.
Има насликано мурали на повеќе локации во светот, неколку во Скопје, а најмногу во родното Куманово.
Млади од Македонија со различни професии, пасии, интереси и соништа, изминатата година пред камерата на РСЕ ги пратија своите пораки до младите и институциите во земјава. Во овој микс се потсетуваме на дел од нивните приказни.
Според младата виолинистка Ева Богоевска не е клише, туку чиста вистина она дека успехот доаѓа со комбинација од напорна работа и многу љубов. Нејзината дисциплина и посветеност ја однеле до престижни музички сцени, а од неодамна и до класата на славниот професор по виолина Сергеј Островски во Женев
Деветнаесетгодишната Марија Савеска е девојка која живее со церебрална парализа и со огромна желба да ги оствари своите соништа. Ужива кога се дружи со пријателите во Дневниот центар за лица со церебрална парализа, а се чувствува посебно своја и слободна кога оди на часови по пеење и на танц.
Новинарката Цеце Николова денес е девојка која со самоуверен чекор се движи по скопските улици. Некогаш, била збунето, но смело дете кое расте без родителска грижа. Сега има намера да ги решава проблемите на младите без родителска грижа, преку здружението „За тебе“, како негова претседателка.
Македонската пливачка надеж, 16-годишната Миа Блажевска Еминова во своето пливачко портфолио има бројни национални рекорди, медали и пливачки настапи во домашни и меѓународни води. Меѓу нив, со големи букви стои запишано учеството на Олимпијадата во Токио.
Средношколката Миа Тодорова на интернет е позната како популарна „тиктокерка“, а во спортските кругови како девојката која собира медали во кикбокс. Кога влегува во рингот, ги тргнува предрасудите настрана и ужива во секоја доза адреналин која ја добива спортувајќи.
Атлетот на Специјална олимпијада, Марио Мицковски е среќен кога плива, ама и кога танцува. Талентот, упорноста и дисциплината му носат медали од светски натпреварувања, а неговиот ведар дух-многу пријатели кои имаат што да научат од него.
Младата Теодора Димоска, која игра на позиција- напаѓач во македонската женска фудбалска репрезентација, уште од дете, сака да докаже дека фудбалот како спорт не е резервиран само за мажите.
Македонскиот пливач Андреј Стојаноски може да се пофали со полни полици медали од домашни и странски натпревари. Но и со тоа дека успеал во хендикепот да види предизвик, па тоа што е глувонем не му претставува никаква пречка во постигнување на резултати и успеси.
Вели дека нејзина конечна дестинација се светските вселенски агенции. За да стигне до таму, почнала од својата прва професионална обука во школа за летање. Верува во својот детски сон и ги охрабрува младите да не се откажуваат од она што го замислиле.
Вчитај повеќе
