Пресметај дали ти се исплати да поставиш дома фотонапонски систем и да „правиш“ струја

Поставувањето фотонапоски системи во домаќинствата станува се попопуларно, но дали секоја таква инвестиција е исплатлива? Од тоа прашање тргнале и во Грин енерги груп кога ја создале нивната алатка за проверка на исплатливоста на ваквите фотонапонски системи во домаќинството. Алатката е едноставна за користење, а со ефикасност над 90%. Потребно е да се внесат податоци за потрошувачка на струја од една календарска година, да изберат ориентација на кровната површина на која сакаат да инсталираат фотоволтаичен систем, регион во кој живеат, да изберат тип на панели (2 типа), моќност на фотонапонскиот систем (4 типа)... Потоа апликацијата прави детална финансиска анализа на фотонапонскиот систем. За сега, алатката не е искомерцијализирана, но секој кој сака да добие пресметка, треба да ги испрати основните податоци на адресата office@geg.mk и ќе добие повратен имеил со извештај за исплатливост.