Работилниците за социјално претприемништво што ги организира YES ALUMNI MACEDONIA во четири градови во Македонија се добра можност за подготвување на младите како утрешни претприемачи да ги изнесат своите идеи во сферата на бизнисот кој би имал пошироки размери со социјален карактер. На работилницата во Дебар, организирана во соработка со средното општинско училиште, младите со особен интерес ги пренесоа своите идеи како утрешни претприемачи во општината Дебар како и пошироко во регионот.
„Станува збор за проект посветен на утрешното претприемништво, кој се состои од работилници за социјално претприемништво водено од YES ALUMNI MACEDONIA, спонзорирани од страна на Американската амбасада во Македонија и YES грантовите. Проектот се реализира во општините Богданци, Mакедонски Брод, Дебар и Пробиштип. Се организира во соработка со средните училишта. Досега има голем интерес во работата на групи кои се состојат од по 20 ученици од средните училишта. Проектот е интересен за младите“, изјави Ноеми Чаусидис од YES ALUMNI MACEDONIA.
Таа нагласи дека социјалното претприемништво е облик на комерцијализација на бизнисот кој подеднакво би се ширел, не само кај една група на луѓе, туку и пошироко во средината.
Работилница за социјално претприемништво во Дебар, Ноеми Чаусидис
„Се работи добро, има интерес, а интересни се и идеите. Се изнесуваат идеи како да се дојде до пари, но исто така се изнесуваат и можностите што ги нуди Дебар за да потоа се пренесат идеи, кои би имале ефекти“, вели Чаусидис.
Овој значаен проект на YES ALUMNI MACEDONIA наиде на голем интерес кај дебарските средношколци. Проектот е поздравен и од страна на повеќе дебарски фирми, кои оценуваат дека овие активности даваат можност младите да почнат да ги изнесуваат идеите кои се битни за севкупниот развој на социјалното претприемништво и пошироко.