Наместо тројца, дијаспората да бира 20 пратеници предложиле ВМРО-ДПМНЕ во работната група, а обелодени вчера премиерот Никола Груевски.
Особено затоа што и овие тројца се покажаа како крајно нефункционални. Прво бројката на гласови со кои беа избрани ги прави нерамноправни во однос на бројката на гласачи кои ги добива еден пратеник во Македонија што сигурно не е целта.Никола Дујовски, универзитетски професор.
Ова е втор предлог на владејачката партија кој го објавува Груевски кој предизвика силни реакции во јавноста. Минатиот месец тој предложи мнозински изборен модел и 17 дополнителни пратенички места за онаа партија која ќе победела на изборите за да се обезбедела стабилна влада.
Ваквите предлози во најмала рака се неприменливи за македонското општество, смета професор Никола Дујовски. Првпат во 24 години самостојност се соочуваме со предлози победничката партија да добиела дополнително пратеници за да имала стабилна влада, но суштината на демократијата не е тоа, додава тој, нагласувајќи дека моделот можеби функционирал во Грција, но кај нас би бил неприменлив. Слично мислење Дујовски има и за новиот предлог во врска со дијаспората.
Мислам дека со нив практично се навредуваат гласачите што живеат во Република Македонија, се навредува нивната интелегенција а и потполно се делегитимира изборниот процес.Месел Биљали, универзитетски професор.
„Особено затоа што и овие тројца се покажаа како крајно нефункционални. Прво бројката на гласови со кои беа избрани ги прави нерамноправни во однос на бројката на гласачи кои ги добива еден пратеник во Македонија што сигурно не е целта. Второ нивната поставеност политичка и претставувањето на континенти исто така е несоодветно и веројатно решението што ќе се постигне во однос на изборниот модел и на пратениците сосема поразлично од она што премиерот ни го нуди деновиве“, вели Дујовски.
Според него ниту еден од ваквите предлози нема да бил разгледуван или пак прифатен во работната група која деновиве ја отвори темата- измени на изборниот законик.
Ваквите изјави на премиерот се несериозни и неодговорни, дециден е професорот Мерсел Биљали.
„Мислам дека со нив практично се навредуваат гласачите што живеат во Република Македонија, се навредува нивната интелегенција а и потполно се делегитимира изборниот процес“, вели Биљали.
Според него подигнувањето на бројката пратеници од дијаспората е и еден начин за заземање поцврсти позиции во договарање за измените во изборниот процес зошто како што вели целта на ВМРО ДПМНЕ била да ги задржи сегашните тројца пратеници.
Тројцата пратеници од дијаспората и досега предизвикуваа дебати околу трошоците што ги има државата за нивниот избор и за понатамошната работа во собранието.