Вести
Сиљановска-Давкова денеска ќе ја преземе функцијата претседателка на државата
Денеска точно напладне со свечена изјава во Собранието професорката Гордана Силјановска-Давкова и официјално ќе биде инаугурирана како претседателка на државата, откако победи во вториот круг претседателски избори во Северна Македодонија на 8 мај.
Со свечениот чин на положување заклетва почнува да тече нејзиниот петгодишен претседатлски мандат во вилата „Водно“, како шести претседател на Северна Македонија.
Силјановска-Давкова на функцијата ќе го наследи досегашниот претседател Стево Пендаровски, чиј мандат истекува денеска.
Инаугурацијата на новизбраната претседателка ќе биде во рамките на 151. Седница на Собранието, на која давањето свечена заклетва ќе биде единствената точка на дневниот ред.
По свеченоста во Собранието, според најавата, во Кабинетот на претседателот ќе се одржи официјална церемонија на примопредавање на функцијата претседател со највисоки државни и воени почести.
По церемонијата, новоизбраната претседателката Гордана Силјановска-Давкова и претседателот Стево Пендаровски, кој беше и нејзин противкандидат во трката за шеф на државата ќе имаат тет-а-тет средба.
Државната изборна комисија(ДИК) ги објави конечните резултати од изборите, соред кои Силјановска-Давкова победи со мнозинство од гласовите, односно 561. 000 глас, додека нејзиниот противкандидат, професорот Стево Пендаровски освои 251. 899 гласови.
По седницата, претседателот на ДИК, Александар Даштевски на Силјановска-Давкова ѝ го предаде уверението за избор на претседател на државата и во име на Комисијата ѝпосака успешен мандат.
Гордана Сиљановска Давкова, универзитетска професорка по уставно право и политички систем, е прва жена претседателка на Северна Македонија.
види ги сите денешни вести
Најмалку 50 луѓе загинаа и милиони останаа без струја, последица од ураганот Хелен во југоисточниот дел на САД
Најмалку 50 луѓе загинаа и милиони останаа без струја во југоисточниот дел на Соединетите држави како последица од моќниот ураган Хелен. Огромните дождови од моќниот ураган Хелен ги оставија луѓето заглавени, без засолниште и чекаа спас на 28 септември.
Ураганот Хелен помина низ брегот на Флорида како ураган од четврта категорија. Неговото движење започна доцна во четвртокот со ветрови со брзина од 225 км на час, а потоа брзо се движеше низ Џорџија, Каролина и Тенеси, при што остави откорнати дрвја, распарчени куќи и создаде потоци и реки низ улиците .
Западниот дел на Северна Каролина беше отсечена поради лизгање на земјиштето и поплавите кои принудија затворање на многу автопати.
Во Источен Тенеси десетици пациенти и персонал беа извлечени со хеликоптер од покривот на болницата во петокот. А спасувањето продолжи и во саботата во Северна Каролина, каде дел од градот Ешвил е под вода.
„Да се каже дека ова нè фати неспремни би било потценување“, рече Квентин Милер, шерифот на округот.
Имаше смртни случаи во округот, но директорот на службите за итни случаи, Ван Тејлор Џонс, во саботата рече дека не е подготвен да соопшти детали, поради проблеми кои настанале со прекините на комуникацијата.
Невремето, сега посттропски циклон, се очекуваше да лебди над долината Тенеси во сабота и недела, соопшти Националниот центар за урагани.
Но тоа создаде поплави кои што се најголеми во изминатиот век во Северна Каролина. И во Атланта, каде што само покривите на автомобилите ѕиркаа над поплавите во некои населби. Тоа е најмногу што градот видел во текот на два дена од почетокот на пишаната евиденцијата од 1878 година.
Претседателот Џо Бајден во саботата го нарече уништувањето предизвикано од Хелен „огромно“ и рече дека неговата администрација е посветена да му помогне на огромниот дел од Југоисточниот дел погоден од бурата да се опорави.
Хелен е најсмртоносната тропска бура во Јужна Каролина откако ураганот Хуго уби 35 луѓе кога се појави на брегот северно од Чарлстон во 1989 година. Смртни случаи се пријавени и во Флорида, Џорџија, Северна Каролина и Вирџинија.
Според првичните проценки се очекува имотна штета од 15 до 26 милијарди долари.
Откако Хезболах ја потврди смртта на Насрала, се разгореа нападите во Либан и Израел
Неколку часа откако милитантната група Хезболах, сојузничка на Иран, потврди дека нејзиниот водач, Хасан Насрала, е убиен во масовен израелски воздушен напад, насилството повторно се разгоре. Сирени се огласија во Тел Авив, а израелските сили продолжија да погодуваат цели во Бејрут и во јужен Либан.
Израелската војска на 28 септември соопшти дека сирените за воздушен напад се активирале на аеродромот во Тел Авив додека премиерот Бенјамин Нетанјаху се враќал од Соединетите Држави по неговиот говор во Обединетите нации, при што официјални лица велат дека биле пресретнати проектили истрелани од јеменските бунтовници Хути поддржани од Иран. Засега нема информации за повредени.
Не е познато дали ракетниот напад конкретно бил насочен кон Нетанјаху, кој го прекина своето патување со САД поради последното насилство, кое се интензивираше на 27 септември кога Израел започна масовен напад врз јужен Либан, при што беа убиени Насрала и неколку други водачи на Хезболах, организација означена како терористичка од САД.
Израелските сили на 28 септември продолжија со воздушните напади на локациите за кои рекоа дека се сместени команданти и оружје на Хезболах, вклучително и, како што рекоа, „прецизен напад“ на локација во Бејрут.
Со помош на Иран, Хасан Насрала го претвори Хезболах во моќен политички и воен ентитет во Либан и главен регионален играч.
Хезболах го потврди претходното тврдење на израелската војска дека при нападот на 27 септември загинал Насрала, при загинаа и неколку други високи членови на организацијата.
„Хасан Насрала, генералниот секретар на Хезболах, им се придружи на своите големи, бесмртни соборци маченици, кои ги водеше околу 30 години“, се вели во соопштението на Хезболах на 28 септември.
Хезболах вети дека ќе ја продолжи својата борба против Израел и покрај смртта на неговиот долгогодишен лидер, при тоа не даде никакви индикации за тоа кој би можел да го наследи Насрала.
Американските власти рекоа дека не биле информирани пред нападите од блискиот сојузник Израел и дека немале никаква улога во акцијата.
На 28 септември, американското Министерството за одбрана соопшти дека секретарот Лојд Остин му рекол на израелскиот колега Јоав Галант дека САД се решени да ги спречат Иран и групите поврзани со Иран да ја искористат ситуацијата во Либан или да ги прошират непријателствата.
Портпаролот на Пентагон, Патрик Рајдер, рече дека Остин изразил целосна поддршка за правото на Израел да се брани и „јасно стави до знаење дека Соединетите Држави остануваат посветени да ги заштитат американските сили и објекти во регионот и во одбраната на Израел“.
Москва, во меѓувреме, го осуди убиството на Насрала, а Министерството за надворешни работи го означи како „уште едно политичко убиство“.
„Оваа насилна акција е полн со уште поголеми драматични последици за Либан и за целиот Блиски Исток“, се вели во руската реакција.
На почетокот на 28 септември, израелската војска соопшти дека го убила Насрала во серија напади во Бејрут еден ден претходно.
Најмалку 17 луѓе се убиени при престрелка во Јужна Африка
Најмалку 17 луѓе од кои 15 жени се убидени во две масовни престрелки што се случија во непосредна близина во рурален град во Јужна Африка, соопшти полицијата на 28 септември.
Полицијата соопшти дека во тек е потрага по осомничените.
„Уште едно лице е во критична состојба во болница“ се вели во нивното соопштение.
Престрелките се случиле во петокот вечерта во град во југоисточна Јужна Африка. Видеото објавено од полицијата покажа дека пукотниците се случиле во две куќи во истата населба.
Во едната куќа се убиени 12 жени и еден маж, а во другата се убиени три жени и еден маж, соопшти полицијата.
Јужна Африка има една од највисоките стапки на убиства во светот, а масовните пукања стануваат сè почести во последниве години, понекогаш насочени кон луѓето во нивните домови.
Десет членови на истото семејство, од кои седум жени и едно 13-годишно момче, беа убиени во масовно пукање во нивниот дом во соседната провинција КваЗулу-Натал минатиот април.
Девет загинати при превртување на брод со мигранти кај шпанските Канарски острови
Најмалку девет луѓе загинаа, а уште 48 се водат како исчезнати откако брод со мигранти се преврте за време на спасувачка операција во близина на Канарските острови, соопштија во саботата шпанските власти.
Шпанската поморска спасувачка служба соопшти дека трагедијата се случила откако било дојавено за присуство на мал брод натоварен со луѓе на околу 6 километри од островот Ел Хиеро. Бродот се превртел кога премногу луѓе се префрлиле на едната страна за време на обидот за спасување, се вели во соопштението на спасувачката служба.
Спасувачите спасија 27 луѓе, а потврдија дека има девет мртви.
Службата соопшти дека акцијата за спасување била отежната, бидејќи била извршена во текот на ноќта и под налетите на ветровите кои достигнале јачина од 20 јазли. Во акцијата учествуваа спасувачки бродови и хеликоптери на поморската спасувачка служба, Цивилната гарда, Црвениот крст и локалната самоуправа.
Атлантскиот пат за мигранти од Западна Африка до Канарските Острови е еден од најсмртоносните во светот. Иако нема точна бројка на загинати поради недостигот на информации за заминувањата од Западна Африка, шпанската група за заштита на мигрантите „Walking Borders“ проценува дека жртвите се илјадници.
Над 26.000 луѓе пристигнале преку море на Канарските острови досега оваа година, во споредба со околу 14.000 во истиот период минатата година.
Протести во Сараево и Бања Лука поради злоупотреба на животни
Протести против насилство врз животни, со барање на законски измени се одржаа во сабота на 28 септември, во Сараево и Бања Лука.
Причина за одржување на протестот е злоупотреба и тортура врз животни во претходниот период, а последниот инцидент се случи минатиот викенд кога маж од Источна Илиџа со јаже врзал куче за трактор и го влечел по патот.
На 26 септември основниот суд во Соколац му изрече едномесечен притвор, откако беше уапсен за кривично дело мачење и убивање животни.
Мачењето и убивањето животни е кривично дело во Босна и Херцеговина.
Кривично право во Босна и Херцеговина. ентитетот Федерација на Босна и Херцеговина е пропишана парична казна или затворска казна до шест месеци за мачење и убивање животни, додека Кривичниот законик во БиХ. субјектот Република Српска пропишува парична казна или затворска казна до две години.
Србија ќе соработува со САД ако има истрага за аферите на зетот на Трамп
Српските власти ќе соработуваат со американските власти доколку има истрага за бизнисот на компанијата на Џаред Кушнер, која ќе инвестира во комплексот на поранешниот Генералштаб во Белград, изјави на 28 септември, шефот на српската дипломатија Марко Ѓуриќ.
Тој во интервју за Гласот на Америка, го негираше тврдењето дека додека бил амбасадор во Вашингтон имал сознанија за истрагата спроведена од Сенатската комисија за финансии на американскиот Конгрес за бизнисот на компанијата на син- свекор на поранешниот американски претседател Доналд Трамп.
Гласот на Америка пренесува дека демократот Рон Вајден , кој ја води истрагата, изјавил дека претставници од Србија и Албанија се обратиле до компанијата на Кушнер „Афинити“ со деловни предлози за инвестирање.
Ѓуриќ рече дека никој не разговарал за тоа со него.
„Она што можам да го кажам е дека не се мешам во работата на правосудните органи, ниту во српските институции, а камоли во американските, а што можам да кажам и дека Србија и САД имаат потпишано договори и квалитетна соработка на полето на правда“, изјави Ѓуриќ за Гласот на Америка.
Тој додаде дека американската агенција за развој УСАИД инвестирала многу во реформите на судството во Србија во изминатите дваесет години, додавајќи дека „ако и кога има какви било прашања на таа тема, сите српски власти ќе бидат на располагање на Американци“ и дека „Србија секогаш ќе помага во спроведувањето истраги“.
Србија во мај потпиша договор со компанијата на Кушнер „Афинити“ за „ревитализација“ на комплексот на Генералштабот во центарот на Белград, чии делови од комплексот беа уништени во бомбардирањето на НАТО во 1999 година.
Според договорот, кој сè уште не е објавен, Србија го изнајмила земјиштето на комплексот на 99 години.
На местото на урнатините од бомбардирањето е планирана изградба на две висококатници со станови и хотели, иако заштитата на културните добра не е отстранета од оваа зграда, изградена помеѓу 1955 и 1965 година, поради што професионалните институции и организации се противат на тоа.
По убиството на Насрала, иранскиот врховен лидер е под засилени безбедносни мерки
Врховниот лидер на Иран, ајатолахот Али Хамнеи, е преместен на безбедна локација во Иран поради засилени безбедносни мерки, јавува новинската агенција Ројтерс повикувајќи се на двајца неименувани регионални претставници од централните власти.
Според изворите на Ројтерс, Иран е во постојан контакт со либанскиот Хезболах и другите регионални групи поддржани од Иран за да одлучи за следните чекори по израелските воздушни напади врз Бејрут на 27 септември, кога беше убиен шефот на Хезболах, Хасан Насрала.
Иранските власти засега не објавија ништо за оваа вест, ниту за убиството на Насрала.
Смртта на Хасан Насрала е значаен удар за Хезболах и клучниот спонзор на организацијата, Иран.
Хезболах, милитантната група и политичка партија која контролира голем дел од јужен Либан, рече дека Насрала бил убиен во израелските воздушни напади врз главниот град Бејрут на 27 септември.
Во неговите повеќе од 30 години на чело на Хезболах, Насралах ја трансформираше шиитската организација во голема политичка сила во Либан и моќен противник на соседниот Израел.
Хезболах, кој САД го сметаат за терористичка организација, иако само неговото вооружено крило е ставено на црната листа на Европската унија, исто така е водечки член на иранската таканаречена оска на отпорот, мрежа на ирански посредници и милитантни групи поддржани од Техеран против Израел и САД.
Обвинителство нареди обдукција за починатата родилка
Во кумановската болница почина 31 годишна родилка при породување, соопштија надлежните институции. Новороденчето е префрлено од кумановската болница во скопскиот ургентен центар на детската клиника.
Обвинител и истражна екипа беа повикани од болницата на увид. Обвинител издал налог за обдукција за родилката што почина. Таа била примена во болница пред два дена.
Директорот на кумановската општа болница Стефан Трајановски, вели дека родилката ненадејно починала при пораѓање. Тој објасни дека по приемот во болница на родилката, се чекало на спонтани контракции за да може по природен пат да се породи. Но, вчера за да го потикнат породувањето болничарите почнале со стимулација.
„При стимулацијата нагло е настанат престанок на срцева работа, немерлив притисок, викнат е анестезиолог за реанимација. При обид за реанимација не е добиено срцева акција и притисок крвен, веднаш е внесено во сала за операции да се извади плодот. Бебето е извадено живо и е итно однесено на ургентен центар на детската клиника, проследено целиот пат од наш неонатолог кој бил дежурен“ изјави Трајановски.
Раководителот на акушерското одделение го известил директорот, кој по информативниот разговор со дежурната екипа веднаш повикал обвинител кој пристигнал до истражна екипа.
„Детално е извршен увид, земени се изјави од сите што биле во контакт со родилката. Додека траело породувањето имало двајца дежурни лекари, дежурна анестезиолошка екипа, во актот на вадењето на бебето стигнал и раководителот на одделот. Бебето е живо“, изјави Трајановски.
Тој додаде дека обвинителството повело истрага и обдукцискиот наод ќе ги покаже причините за смртта на родилката. Доколку има лекарска грешка, Трајановски најави и професионална одговорност.
„Кога ќе ги добијам наодите на обдукцискиот наод ќе има и такво нешто, постапката ќе оди на начин што ќе има и професионална одговорност ако биде утврдено лекарска грешка, од наши професионални организации. Ова и е второ породување, првото минало без компликации, детенцето е живо и здраво. Со втората бременост можам да споделам дека било откриено гестациски дијабет“, изјави Трајановски.
Од Јавното обвинителство за новинската агенција МИА велат дека издадена е наредба за обдукција за утврдување на причините за смртта и обезбедена е целокупна медицинска документација за водењето на бременоста.
Молдавија ја обвини Москва во бранот вандализам во пресрет на изборите
Молдовската полиција изрази сомнеж дека Русија стои зад вандализирањето на неколку згради на државни и јавни институции. Станува збор за настан кој се случил во изминативе два дена во главниот град на Молдавија, Кишињев.
Следниот месец Молдавија одржува претседателски избори и референдум за пристапување во Европската унија. Овие процеси се клучни за општеството и би можеле да го зацврстат патот на поранешната советска република кон Запад.
Во сабота рано наутро на 28 септември, зградата на молдавската јавна радио и телевизија и зградата на Врховниот суд беа обоени со спреј, соопшти полицијата, додавајќи дека идентификувала круг на осомничени.
Претходната ноќ, на 27 септември, беа вандализирани владината зграда и зградата на Министерството за труд и социјална заштита. Молдавската полиција уапси двајца млади мажи осомничени дека стојат зад нападите.
Полицијата подоцна соопшти дека двајцата тврделе дека биле регрутирани да ги вандализираат државните институции „со цел да ја дестабилизираат Молдавија“.
Прозападната претседателка Маја Санду ќе се кандидира за реизбор на 20 октомври, истиот ден кога е закажан референдумот за пристапување во ЕУ.
Под образованиот Санду во САД, Молдавија, една од најсиромашните земји во Европа, цврсто се сврте кон Западот, и покрај децениското постсоветско руско влијание. Кишињев цврсто ја осуди руската инвазија на Украина и се приклучи на санкциите на ЕУ против Москва.
Најмалку седум луѓе загинаа при хеликоптерска несреќа во Пакистан
Најмалку седум луѓе загинаа, а седум други се повредени, при хеликоптерска несреќа во северозападниот дел на Пакистан. Несреќата настанала поради дефект на моторот, соопштија на 28 септември службите за безбедност.
Хеликоптерот бил изнајмен за превезување на вработени Мари Петролеум кога се урнал во Северен Вазиристан, провинцијата Хајбер Пахтунхва.
Во него имало тројца Руси - двајца пилоти и еден член на екипажот.
Немаше знаци на саботажа, а повредените се пренесени во воената болница во градот Тал, изјави службеник задолжен за безбедност кој побара да остане анонимен затоа што не е овластен да даде официјални информации.
„Се случи технички дефект во хеликоптерот при полетувањето. Роторот на опашката удри во земјата при итно слетување и истрагата за несреќата започна“, изјави тој.
Местото на несреќата, нафтено поле Шева, е на околу 200 километри југозападно од главниот град на провинцијата Пешавар.
Мултимедија
Најпосетени
Што треба да знаете