Од март годинава грчките острови и северна Грција беа сведоци на пристигнувањето на голем број бегалци од Блискиот Исток, чиј број е значително повисок во споредба со истиот период минатата година.
Повеќето Грци изразуваат страхување дека големиот прилив на бегалци, како оној од јули 2015 до март 2016 година, ќе го блокира економското закрепнување на земјата, кое се базира врз намалување на трошоците и на социјалните бенефиции.
Костас, професор по грчки јазик, вели:
„Како што војната ќе продолжи во Сирија, сигурен сум дека во Грција ќе има повеќе бегалци. Грчката економија не е силна, а самите веќе имаме многу проблеми“, вели тој.
Од втората половина на минатата година, многу бегалски кампови во близина на пристаништата и во градовите се преселени во предградијата со цел смирување на нервозните Грци.
Но, жителите стравуваат дека бегалците пак ќе се сместуваат во близина на пристаништата поради пренатрупаните кампови во предградијата.
Томас, сопственик на фарма, вели:
„Се чувствуваме многу побезбедни по пренесувањето на бегалците во предградијата. Но, како што расте бројот на бегалци од Турција, ќе бидеме под постојан притисок и наскоро ќе има големи проблеми“, вели тој.
На 22 април избувнаа судири меѓу барателите на азил и групи локални жители на Лезбос.
Тоа беше еден еден од најсериозните изливи на насилство на овој остров во изминативе неколку месеци.
Локалните жители протестираа против група од околу 200 бегалци и мигранти кои кампуваа со денови на главниот плоштад на шеталиштето на островот.
Барателите на азил демонстрираа против условите во кампот на островот и одложувањата во барањата за азил.
Лезбос беше главната порта во Европа за речиси милион бегалци и мигранти во 2015 година.
Во тамошниот главен камп Морија има двојно поголем број луѓе од она што го дозволуваат условите.
Во кампот честопати доаѓа до насилства и протести.
