Никола Груевски на предизборен митинг во Охрид. Владејачката ВМРО-ДПМНЕ ја започна предизборната кампања за ланските избори со митинг во Охрид.
Партиите уште отсега се острат за избори
Трибини во повеќе градови, активирање на партиските штабови, засилена активност на градоначалниците, преговори за нови коалициски соработки и во македонскиот и во албанскиот блок, се дел од амбиентот кај повеќето политички партии, иако до локалните избори има повеќе од една година.
Повеќе политички лидери наредната година веќе ја означија како важна година бидејќи со трибините низ градовите од внатрешноста веќе почнаа да се обидуваат да предизвикуваат пад или зголемување на расположението кај гласачкото тело.
Година дена е сериозен период во којшто нештата треба да се менуваат и од тука е започнато толку порано со кампањите. Се разбира многу поненаметливо и суптилно, меѓутоа во тој период се менуваат ставовите и гласачите, перидот на кампањата во незначителна мера, според статистиките околу 5 проценти го менува јавното мислење.
Марко Трошановски, комуниколог.
Секој на свој начин заеднички во политиката направија состојба на интезивирана кампања една година пред нејзиниот официјален почеток. Иако во почетокот на годината политичарите имаат одредени проекции, очигледно дека до наредната кога се локалните избори не знаат што точно ги чека.
„Година дена е сериозен период во којшто нештата треба да се менуваат и од тука е започнато толку порано со кампањите. Се разбира многу поненаметливо и суптилно, меѓутоа во тој период се менуваат ставовите и гласачите, перидот на кампањата во незначителна мера, според статистиките околу 5 проценти го менува јавното мислење или поддршката за или против одреден кандидат“, вели комуникологот Марко Трошановски.
Трибини во повеќе градови,
Велосипедист поминува покрај постери на владеачката партија за предвремените избори 2011
активирање на партиските штабови, засилена активност на градоначалниците, преговори за нови коалициски соработки и во македонскиот и во албанскиот блок се дел од амбиентот кај повеќето политички партии. До локалните избори има повеќе од една година. Меѓутоа, прашањето е дали локалнити избори ќе бидат првата делница од патот. Претседателот на СДСМ, Црвенковски веќе на некои од трибините споменува и предвремени парламентарни избори во зависност од резултатот на локалните. Активностите засега не предвидуваат како, условно кажано, опозицијата заедно да и контрира на власта.
Има кампања зотоа што треба да се направи нешто повеќе, прво опозицијата не е средена, односно не е консолидирана, се уште немаме некоја здружена опозиција, така што им треба доста време. Од друга страна партиите кои се на власт и понатаму ќе ги користат сите можни институционални предности.
Исмет Рамадани, политички аналитичар.
„Има кампања затоа што треба да се направи нешто повеќе, прво опозицијата не е средена, односно не е консолидирана, се уште немаме некоја здружена опозиција, така што им треба доста време. Од друга страна, партиите кои се на власт и понатаму ќе ги користат сите можни институционални предности“, вели политичкиот аналитичар Исмет Рамадани.
Тој забележува дека за владејачките партии кампањата што се води една година пред избори е шанса да го зацврстат своето владеење, а опозициските партии од македонскиот и од албанскиот блок во овој изборен круг гледаат можност преку резултатот да го најават почетокот на крајот на владеењето на ВМРО- ДПМНЕ и ДУИ.
Меѓутоа прашањето е до кога се ќе случува во кулоарите и ќе се тактизира. Лидерот на ДПА Тачи кој порано изјавуваше дека услов за коалицирање е да се реши прашањето за името сега ретерира и вели дека тоа не е толку важно. Експертите сметаат дека план како заедно да се настапи може да постои, иако не е јавен. Причината за таинственоста, според нив, лежи и во тоа дека пред избори се мисли како да се освојат повеќе гласови.
Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми. Во Радио Слободна Европа е од 2002 та година.
