Да се обезбеди Македонија да влезе во НАТО годинава ќе биде знак дека претседателот Барак Обама навистина ја разбира американската примарна улога во креирање и одржување демократски поредок во светот. Ова го оценува Сали Мекнамара, виш политички аналитичар за европски прашања во Херитиџ Фондацијата, во коментарот објавен во Фокс њуз, а во врска со претстојниот самит на НАТО во Чикаго.
Претседателот Обама во мај 2012 ќе ги пречека светските лидери во Чикаго, кога ветровитиот град е домаќин на самитот на НАТО. Некои од прашањата на врвот на агендата, не сите се однесуваат на Авганистан, исто така ќе фигураат и на претседателските избори во САД.
Можеби затоа администрацијата сака да остави впечаток дека самитот на Алијансата нема да биде ништо повеќе од попатна станица на претседателот во неговата изборна кампања.
Во мај, претседателот Обама ќе има шанса да застане не само за она што е фер третман за Македонија, туку за нешто многу поважно: визијата за Европа цела, слободна и мирна.
Но, тоа, како што наведува Сали Мекнамара, не е начин за третирање на пријателите и сојузниците, уште повеќе што на самитот треба да се направат сериозни работи, се додава во текстот во кој се оценува дека во последните две години крајно запоставена тема беше проширувањето на Алијансата. Претседателот Обама мора да го искористи моментот и да и препорача на Алијансата да ги одржува отворени вратите за идните членки кои го имаат заработено своето место во евроатлантското семејство.
Притоа, обезбедувањето Македонија да се вклучи во НАТО оваа година ќе биде знак дека претседателот Обама навистина ја разбира примарната улога на Америка во креирање и одржување на демократскиот поредок во светот.
Во 2008 година, грчката влада еднострано стави вето на приемот на Македонија во НАТО. Таа акција го скрши прастариот принцип дека членките на НАТО не ги носат билатералните спорови внатре во рамките на Алијансата.
Во 2008 година, грчката влада еднострано стави вето на приемот на Македонија во НАТО. Таа акција го скрши прастариот принцип дека членките на НАТО не ги носат билатералните спорови внатре во рамките на Алијансата.
Во минатиот месец, Меѓународниот суд на правдата пресуди дека Грција го прекршила меѓународното право со нејзиното право на вето, бидејќи Атина експлицитно со Привремената спогодба, вети дека нема да ја спречува интеграцијата на Македонија во Европа.
Но, без оглед на тоа, Атина стави вето и грчката влада ја продолжи одмаздата против Скопје. Уште полошо, што тоа е направено без никаков протест од Белата куќа, оценува Сели Мекнамара, додавајќи дека циничното согласување на НАТО со ваквиот тип малтретирање мора да заврши.
Иако е мала земја многу милји оддалечена од Вашингтон, Македонија се уште е значајна за САД и што е поважно за американските заложби за слободата, демократијата и националниот суверенитет на новите држави.
Меѓународните набљудувачи не и дадоа многу шанси на Македонија по распадот на југословенската федерација, но напредок е неверојатен.
Во изминативе 20 години, Македонија се разви од балканско буре барут во извозник на безбедност и, иако не е членка на НАТО, во четврта земја според жители по придонес на војници во мисијата на НАТО во Авганистан. Македонија придонесе и во војната во Ирак, каде што нивните војници се бореа рамо до рамо со американските војници.
И британскиот премиер Тони Блер јавно и се заблагодари на Македонија за обезбедување на безбедно прибежиште за стотици илјади косовски бегалци за време на балканските војни во деведесетите години.
Според сите објективни стандарди, Македонија ги исполни критериумите за членство во Алијансата. Но, грчката опструкција значи дека вратата на НАТО останува затворена. На крајот на краиштата, сепак, волјата на лидерите на НАТО да играат заедно дозволи да надвладее несовесниот став на Грција. Време за претседателот Обама по покаже лидерство за ова прашање.
Во последните неколку години, ниту една земја нема поголема корист од меѓународното пријателство од Грција. Без глобалната финансиска поддршка, вклучувајќи десетици милиони долари од САД преку ММФ, Атина не ќе биде во можност да го плати своите сметки.
Деновите кога НАТО членките требаше да се чувствуваат спречени да и не и дозволат на Грција да се занесува во регионалниот опструкционизам веќе одамна ги нема. Во мај, претседателот Обама ќе има шанса да застане не само за она што е фер третман за Македонија, туку за нешто многу поважно: визијата за Европа цела, слободна и мирна, пишува Сали Мекнамара, виш политички аналитичар во европски прашања во Фондацијата Херитиџ.
