Откажана трката на Формула 1 во Сочи, финалето на Лигата на шампиони преселено од Санкт Петерсбург во Париз
Формула 1 ја откажа својата трка во Русија, а финалето на фудбалската Лига на шампиони, наместо во Санкт Петерсбург ќе се игра во Париз поради руската инвазија на Украина.
Меѓународниот олимписки комитет (МОК) претходно соопшти дека меѓународните спортски федерации треба или да ги преместат или да ги откажат спортските настани планирани за во Русија и Белорусија.
Претходно, Европската фудбалска федерација УЕФА одлучи да го премести финалето на Лигата на шампиони од Санкт Петерсбург во Париз.
Русија ги задржува економските врски со централноазиските земји
Рускиот претседател Владимир Путин, премиерот Михаил Мишустин и претседателката на Советот на федерацијата Валентина Матвијенко разговарале за меѓусебните односи со лидерите на три централноазиски земји поради санкциите воведени кон Русија од Западот поради нејзината агресија врз Украина.
Протестен марш во Скопје - Стоп за војната во Украина
Здружението на Украинците во Македонија „Лесја Украинка“ од плоштадот Македонија одржа марш до руската Амбасада во Скопје. Мирната акција е посветена на поддршка на украинскиот народ и држава во борбата против руската воена инвазија во Украина. Демонстрантите извикуваа - Стоп за војната во Украина.