#Трендинг

• 

  април 13, 2023

  Кога ќе сфати дека само таа работи, и АДА ќе фати усвет

  Владата го промовираше првиот дигитален асистент во јавниот сектор АДА. Кога ќе сфати дека само таа работи во администрацијата, и вештачката интелигенција ќе извади бугарски пасош и ќе замине во Германија, се шегуваат граѓаните на социјалните мрежи.

• април 06, 2023

  Отворајте четири очи да не се радува некој со вашата кредитна картичка

  Лажен сајт на УЈП, лажни меилови од полиција, лажни наградни игри на социјалните мрежи, лажни награди на мобилните телефони... Граѓаните треба да отвораат четири очи пред некаде да го пишат бројот на платежните картички или своите лични податоци. Ако некој ви нуди награда за ништо, веројатно лаже.

• март 30, 2023

  Ако се плашиш да не ти падне таванот врз глава, учебниците не се проблем

  Ученичка од Битола беше полесно повредена кога падна таванот во училишните тоалети. Ако има проблем со безбедноста, тогаш воопшто не е битно што нема учебници, коментираат граѓаните. Прашуваат како има пари за коли, а нема за книги, а други дека со оглед на грешките, децата нема да изгубат многу.

• март 23, 2023

  И Велес е далеку ако одиш со воз

  Брзината на дел од пругата Скопје – Велес е ограничена на 20 километри на час. Со оваа брзина човек не мора да се секира за промаја. Башка може да го стигне возот ако му избега, коментираат граѓаните на социјалните мрежи. Дете да пратиш на екскурзија, полнолетно ќе се врати.

• март 16, 2023

  Поевтино е да увеземе 100 политичари отколку 10 илјади работници

  Во услови кога во Македонија има над 112 илјади невработени, власта повторно ја отвора дебатата за увоз на работници од странство. Велат дека недостигаат 10 илјади работници. Место да зголемат плати, тие бараат работници од Бангладеш, коментираат граѓаните на социјалните мрежи.

• март 09, 2023

  ДУИ дрибла ко Марадона во Наполи

  Министрите од ДУИ објавија професионално измонтирано видео како играат фудбал во кабинетот на вицепремиерот Артан Груби. Дел од граѓаните ги спорат нивните фудбалски вештини, но ДУИ е на власт безмалку две децении, па може да се заклучи дека добро дрибла на политичката сцена.

• март 02, 2023

  После Фолк радио, се отвора и Поп телевизија

  Битолскиот владика Петар доби дозвола за отворање скопска телевизија за општ, претежно забавен формат. По успесите во градежниот и туристичкиот бизнис, црквата сега влегува и во медиумскиот бизнис, иронизираат граѓаните на социјалните мрежи. Предлагаат црковната телевизија да се вика Поп ТВ.

• февруари 23, 2023

  Судството им е во гените

  Една петтина од кандидатите кои ја завршија Академијата за судии и јавни обвинители се роднини на функционери. Правосудството се полни со синови, ќерки, сопруги и снаи. Добро е што барем нема да има љубовни афери во судовите, сите се роднини меѓу себе, се шегуваат граѓаните на социјалните мрежи.

• февруари 16, 2023

  По пат одам, за патни трошоци прашам

  Пратеници кои имаат по неколку стана во Скопје наплаќале илјадници евра за патни трошоци во Собранието. Граѓаните коментираат дека наплатиле како да патувале до Месечината. Пратениците се бранат дека патните трошоци им се многу пониски отколку на владините функционери, кои имаат службени возила.

• февруари 09, 2023

  Половина граѓани не веруваат во ЕУ, другата половина е веќе таму

  Бројот на граѓани кои сметаат дека членство на Македонија во ЕУ е добра работа драстично се намалил во изминатата година од 69 на 49 отсто. Од друга страна, над 40 отсто од граѓаните би се иселиле кога би можеле. Бугарската блокада на евроинтеграциите го зголеми негативниот став кон Бугарија.

• јануари 26, 2023

  Ова не е иселување, туку евакуација

  Во Штип и во Кочани се отпишале околу 1,5 отсто од учениците поради иселување само во текот на првото полугодие. Граѓаните на социјалните мрежи коментираат дека ова повеќе личи на евакуација отколку на иселување. Бројот на ученици во Македонија во изминатите две децении е намален за 25 проценти.

• јануари 19, 2023

  Место да зголемат плати, кукаат дека странци ќе им ги земат работниците

  Бизнисмените се исплашија од новата канадска инвестиција во Штип. Се жалат дека ќе им ги преземе работниците и оти властите треба да спречат ваква конкуренција на пазарот на труд. Место да се жалите, пробајте со поголеми плати, може нема ви бегаат, коментираат граѓаните на социјалните мрежи.

Вчитај повеќе