Ние се обидуваме да градиме институции и да направиме Влада, не да размислуваме за напуштање, одговори Претседателот на Собранието Африм Гаши на прашањето што ако не го исполнат ветувањето за внесување на Бугарите во преамбулата до крајот на годината за да продолжат преговорите со ЕУ.
Инвестицискиот бум во соларна енергија помогна државата да го намали увозот на струја и со тоа може да се очекува намалување на цената на струјата.
На домаќинствата кои длабоко навлегуваат во четвртиот блок, веќе им е поисплатливо да си купат електрична енергија на слободниот пазар. Тој тренд веќе почнува кај одреден број на домаќинства, вели претседателот на Регулаторната комисија за енергетика Марко Бислимовски во неделното интервју на РСЕ.
Министерството за политички системи ќе биде само за односи меѓу заедниците, најавува ВМРО ДПМНЕ. Стефан Андоновски, секретар за меѓународна соработка во партијата вели дека ВМРО-ДПМНЕ преговара и за формирање влада, но и за постигнување двотретинско мнозинство во Собранието
Секоја земја членка на ЕУ може да стави вето од било која причина, но државата не смее да го менува името по потреба. Ова во интервју за РСЕ го потенцираше Стефан Андоновски од ВМРО ДПМНЕ. За преговорите со Софија вели дека е добро да се вклучи медијатор од ЕУ, но треба време до формирање на Влада.
Не сите институции и приватни компании жртви на хакери ги пријавуваат нападите до надлежните, вели истражителката за компјутерски криминал Марина Пешовска од Основното јавно обвинителство Скопје, која неодамна доби признание од Меѓународната академија во Будимшешта. Нападите доаѓаат од странство.
Рансомвер нападот е малициозен напад со кој се заклучува уредот, или инкриптираат податоците внатре, по што се бара откуп во пари или критопто валути. Предизвик е за сите истражители, но тоа не значи дека не може да се постигне успех и да се откријат, вели истражителката од ОЈО, Марина Пешовска.
За време на изборите, главен фокус на работата на ДКС е постапувањето по евентуални прекршувања на Изборниот законик. До овој момент, оформени се вкупно 45 предмети од областа на спречување на корупција, вели претседателката на ДКСК, Татјана Димитровска.
ДУИ зборува за зелена агенда само кога има добри анкети, но кога анкетите не им се добри тогаш бараат ПР стратегија што ја нарекуваат „Томахавка“ и тогаш бараат нешто големо како на премиер Албанец или руско влијање, вели претседателот на Демократското движење Изет Меџити во интервју за РСЕ.
Немам стратегиска грешка направено во досегашниот мандат, вели во интервју за РСЕ актуелниот претседател и кандидат за втор мандат Стево Пендаровски.
Кандидатката за претседател на ВМРО-ДПМНЕ, Гордана Сиљановска-Давкова вели дека ќе ја почитува одлуката, ако новиот состав на Собранието го промени Уставот, но дека е невозможно тој да се промени, пред да се распушти овој парламентарен состав. Придавката „северна“ нема да ја користи во обраќањата.
Кандидатката за претседател Гордана Сиљановска-Давкова смета дека има руско влијание, но е многу мало. За неа Северна Македонија била последен пат горда пред потпишувањето на Преспанскиот договор. Одбива да биде поврзувана со поранешни функционери од ВМРО ДПМНЕ кои завршија на црната листа на САД.
Вчитај повеќе
