Во Музеј на град Скопје утревечер ќе биде отворена Ретроспективна изложба и промовирана монографија на скулпторот Ангел Димовски Чауш.
Ангел Димовски Чауш е современ македонски скулптор, доследен, истраен и расен мајстор на своето дело, на својот креативен израз. Тој е успешен, инвентивен и целосно посветен на уметноста што ја избрал за своја професионална определба. Во неа ги идентификува своите уметнички пориви, фасцинации и принципи, давајќи засебен изведбен белег , нова димензија , простор и пластичен израз.
Ова меѓу другото ќе го запише Дора Андова Фотева во текстот што е поместен во монографијата по повод големата Ретроспективна изложба со која ликовниот уметник Ангел Димовски Чауш ја одбележува 40-годишнината од својата творечка дејност. Од таму сосема е разбирливо што на оваа постановка се претставени над 150 дела настанати во периодот од 1971 до 2011 и тоа скулптури работени во дрво, мермер, бронза и алуминиум, потоа цртежи и слики објекти.
„Идејата беше да се одбележи 30 години од моето прво преставување во јавност, моето прво изложување во Младински културен центар и прво наградување. После кога ги собирав делата видов дека имам дела што се 40 години стари, така да се поклопуваат два јубилеи.“
Димовски е роден 1952 година во Крнино, Велес. Се образувал во Училиштето за применета уметност во Скопје, потем студирал Историја на уметност со археологија, а во 1984 година дипломирал на Факултетот за ликовна уметност на отсекот за вајарство со театарска, филмска и телевизиска сценографија во класата на професор Петар Хаџи Бошков. Зад себе има 12 самостојни изложби во земјава и во странство, неговите дела се наоѓаат во приватните колекции во САД, Африка, Франција и Холандија, член е на ДЛУМ и на Француското друштво на ликовни уметници од 2002 година и добитник е на повеќе награди и признанија.
„Секогаш сум мислел дека не сум доволно продуктивен дека многу повеќе сум требало да дадам, меѓутоа сега кога ги видов на куп оваа шума од скулптури и самиот се запрепастувам и самиот си честитам на некој начин.“
Чауш е застапен и во Интернационалниот каталог на модерна уметност на италијанската издавачка куќа Цида Рома, а живее и твори како слободен уметник на релација Македонија – Франција.
Конечно, скулпторот, за кој ќе биде подвлечено дека е скромен и тивок во животот, но силен во уметноста и конкуренција самиот на себе, наспроти јубилејот се чини како едвам да чека да и се врати на самотијата на своето ателје.
„Го заокружувам до сега овој еден период на творештво и почнувам наново затоа што сум полн со идеи.“
Секогаш сум мислел дека не сум доволно продуктивен дека многу повеќе сум требало да дадам. Меѓутоа сега кога ги видов на куп оваа шума од скулптури и самиот се запрепастувам и самиот си честитам на некој начин.Ангел Димовски Чауш, скулптор.
Ова меѓу другото ќе го запише Дора Андова Фотева во текстот што е поместен во монографијата по повод големата Ретроспективна изложба со која ликовниот уметник Ангел Димовски Чауш ја одбележува 40-годишнината од својата творечка дејност. Од таму сосема е разбирливо што на оваа постановка се претставени над 150 дела настанати во периодот од 1971 до 2011 и тоа скулптури работени во дрво, мермер, бронза и алуминиум, потоа цртежи и слики објекти.
„Идејата беше да се одбележи 30 години од моето прво преставување во јавност, моето прво изложување во Младински културен центар и прво наградување. После кога ги собирав делата видов дека имам дела што се 40 години стари, така да се поклопуваат два јубилеи.“
Димовски е роден 1952 година во Крнино, Велес. Се образувал во Училиштето за применета уметност во Скопје, потем студирал Историја на уметност со археологија, а во 1984 година дипломирал на Факултетот за ликовна уметност на отсекот за вајарство со театарска, филмска и телевизиска сценографија во класата на професор Петар Хаџи Бошков. Зад себе има 12 самостојни изложби во земјава и во странство, неговите дела се наоѓаат во приватните колекции во САД, Африка, Франција и Холандија, член е на ДЛУМ и на Француското друштво на ликовни уметници од 2002 година и добитник е на повеќе награди и признанија.
„Секогаш сум мислел дека не сум доволно продуктивен дека многу повеќе сум требало да дадам, меѓутоа сега кога ги видов на куп оваа шума од скулптури и самиот се запрепастувам и самиот си честитам на некој начин.“
Чауш е застапен и во Интернационалниот каталог на модерна уметност на италијанската издавачка куќа Цида Рома, а живее и твори како слободен уметник на релација Македонија – Франција.
Конечно, скулпторот, за кој ќе биде подвлечено дека е скромен и тивок во животот, но силен во уметноста и конкуренција самиот на себе, наспроти јубилејот се чини како едвам да чека да и се врати на самотијата на своето ателје.
„Го заокружувам до сега овој еден период на творештво и почнувам наново затоа што сум полн со идеи.“