Делегација на Европскиот Парламент, како американски Конгресмени во исто време во посета на Македонија. И двете страни бараат решение на името, бидејќи како што велат, евроатлантската интеграција е единствена шанса за Македонија. Нивната посета доаѓа пред најавеното доаѓање на еврокомесарот Стефан Филе.
Местото на Македонија е во НАТО и во ЕУ, го пренесе ставот на Американскиот Конгрес конгресменот Ерл Померој, кој беше во посета на Собранието на Македонија. Тој вели дека ставот на Конгресот е ист како и ставот на администрацијата на Барак Обама, а кого во земјава го пренесува амбасадорот Филип Рикер:
,,Ние сакаме да ја видиме Македонија во НАТО и ЕУ и жалиме за одложувањето на нејзините интеграции. Ние сакаме прашањето да биде решено и страните треба да се обидуваат да дојдат до решение на прашањето за да се оствари прогрес во НАТО и ЕУ."
Вашиот пребарувач не подржува HTML5
Ерл Померој - конгресмен
изјави американскиот конгресмен Ерл Померој. За разлика од него, амбасадорот на САД во Македонија, Филип Рикер беше подиректен и рече дека е време Македонија да ја надмине референцата ПЈРМ и да се најде решение за името. Тој изјави дека не треба да се отежнува спорот што Македонија и Грција го имаат.
,,Не треба да го правите ова потежок процес отколку што е. Мислам дека има тенденција да се замислуваат работи, да постои страв и да се направи овој процес потежок отколку што е."
Според Рикер за решение треба да преговараат лидерите на Македонија и на Грција, бидејќи колку и САД и преставниците на ЕУ да подржуваат наоѓање на решение, сепак тие не можат да го решат спорот наместо двете инволвирани страни. Тој уште еднаш потенцираше дека евро-атланската интеграција и е единствената шанса на Македонија.
Се уште веруваме дека оваа интеграција е единствениот начин да се обезбеди иднината на Македонија
,,Тоа треба да биде во фокусот на разговорите. Се уште веруваме дека оваа интеграција е единствениот начин да се обезбеди иднината на Македонија, како стабилна, просперитетна и мултиетничка демократија. Ако се откажете од тоа, тоа ќе значи закана за вашата иднина и закана за иднината на регионот."
Истовремено со делегацијата од САД, во Македонија присуствуваа и делегации од Европскиот Парламент. Копреседавачот со мешовитиот парламентарен комитет Македонија- ЕУ, Јоргос Шацимаркакис порача дека Македониај треба да ја искористи отворената можност којашто е многу мала и многу куса од шест месеци, за да се реши спорот за името за да може да отпочнат претпристапните преговори.
,,Ако оваа отворена можност којашто ќе трае уште околу 3-4 месеци не ја искористите, одложувањето може да предизвика големи проблеми."
Деновиве земјата ја посетија неколку конгресмени од САД и претставници од ЕУ.
