Не мора да имаш искуство, за некој да ти даде шанса

На 21 година, Миа Николоска е најмладата драмска авторка која поставила свој текст на сцената на Драмскиот театар во Скопје и тоа уште недипломирана. Со дебито со „Така зборуваше Гетруда“ по осми пат собра публика во гледалиштето. Денес ѝ недостасува уште дипломската на Факултетот за драмски уметности во класата на Маја Стевановиќ, но не и недостасува верба дека не мора да имаш години искуство пред некој да ти даде шанса. Во нејзиното семејство никој претходно не се занимавал со театар, филм или пишување воопшто. Но, дома постојано ѝ читале книги и гледала цртани, па тука е коренот на љубовта за раскажување приказни, ни раскажа Миа.