Вести
Судски совет: Судската власт е независна, секое мешање е опасно за демократијата
Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот.
„Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет.
Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството.
„Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет.
Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање.
Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела.
види ги сите денешни вести
Топлотен бран ја зафати Русија
Русите се соочуваат со некои од највисоките температури во повеќе од еден век, а Москва го собори рекордот од 1917 година. Во некои руски градови температурите се искачија над 35 Целзиусови степени.
Во Москва, каде што температурите во зима може да паднат до минус 40 степени Целзиусови, живата се искачи на 32,7 степени Целзиусови на 3 јули, соборувајќи го рекордот од 1917 година за тој ден за половина степен, соопшти метеоролошкиот центар ФОБОС.
Соборени се рекорди од рускиот брег на Пацификот и дивината на Сибир до европските делови на Русија, соопшти ФОБОС.
Топлото време предизвика огромна побарувачка за клима уреди и вентилатори, рекордни количини сладолед и ладни пијалоци. На патниците во метрото и возовите им се делеше вода.
Градоначалникот на Москва Сергеј Собјанин ги повика жителите на московската метропола, која има повеќе од 20 милиони жители, да преземат мерки на претпазливост и да избегнуваат да излегуваат надвор во најжешките периоди од денот.
„Во текот на денот температурата на воздухот ќе ја надмине климатската норма и повторно ќе се искачи над 30 степени“, изјави Собјанин.
Тој додаде дека за утре (5 јули) се предвидуваат грмежи и дека постои можност за град.
Двајца загинати во нов руски напад во областа Запорожје
Две лица загинаа во руски артилериски напад во украинската област Запорожје, изјави во четврток (4 јули) регионалниот гувернер Иван Федоров.
Украинските воздухопловни сили објавија дека во текот на ноќта собориле 21 од 22 беспилотни летала Шахед лансирани во руски напад врз шест региони во северна и централна Украина.
Федоров рече дека Русија извршила 391 напад на 10 населени места во последните 24 часа.
„Маж и жена беа убиени од непријателско гранатирање“, напиша Федоров на Телеграм, додавајќи дека уште еден маж е повреден во руски напад во текот на ноќта.
Русија тврди дека го анектирала Запорожје, но не ја контролира целосно областа.
Москва во средата ја обвини Украина дека пукала со самодетонирачки беспилотни летала во нуклеарната централа Запорожје во нападот кој погодил трафостаница и повредил осум лица.
Минатиот месец регионот прогласи ден на жалост по рускиот напад на градот Вилнус, при што седум лица загинаа, а околу 30 беа ранети.
Гувернерот на северниот регион Чернихив изјави дека еден од истреланите беспилотни летала погодил објект во неговиот регион, без да даде дополнителни детали. Тој додаде дека повеќе од 5000 потрошувачи во регионот се без струја од четвртокот утрото.
Гувернерот на регионот Днепропетровск изјави дека противвоздушната одбрана соборила два дрона над неговиот регион.
САД испраќаат нов пакет воена помош за Украина
Соединетите Држави и доделија на Украина нов пакет оружје и опрема за поддршка на украинската армија, вреден 150 милиони долари, соопшти Стејт департментот.
Новиот пакет, обезбеден врз основа на овластувањето на претседателот за повлекување, вклучува ракети хок (Hawk), муниција за артилериски ракетни системи со висока мобилност (HIMARS), артилериски куршуми од 155 мм и 105 мм, минофрлачки куршуми од 81 милиметри, проектили TOW, противоклопни системи „џавелин“ и АТ-4, муниција и гранати за мало оружје и друго оружје и опрема.
Поддршката, исто така, ќе помогне да се зајакне воздушната одбрана на Украина од руските напади и да се зајакнат капацитетите на Украина преку линијата на фронтот, според Стејт департментот.
„Како што јасно кажа претседателот Бајден, САД и меѓународната коалиција што ја собравме ќе продолжат да стојат со Украина“, рече американскиот државен секретар Ентони Блинкен во изјавата.
Ова е седми пакет безбедносна помош што ќе биде испратена во Украина по овластување на американскиот претседател откако беше потпишан Амандманот за национална безбедност пред два месеци.
Стејт департментот соопшти дека ќе обезбеди нова помош што е можно поскоро за зајакнување на одбраната на Украина, нејзината територија и нејзиниот народ.
Марин Ле Пен: Ние сме единствените кои и нудат перспектива на Франција
Лидерката на француската десничарска партија „Национален собир“ (РН), Марин Ле Пен, изјави дека е „многу уверена“ во способноста на партијата да освои апсолутно мнозинство во вториот круг на парламентарни избори, и дека тоа е услов за Национален собир да формира влада.
„Не можеме да владееме ако немаме апсолутно мнозинство. Национален собир нема да преговара за формирање коалиции. Единствената партија која може да има апсолутно мнозинство е Национален собир. Ние сме единствените кои можеме да понудиме перспектива за Франција“, изјави таа за TF1.
Во врска со најавеното повлекување на околу 200 кандидати од левиот и десниот центар од вториот круг за да се спречи формирањето влада на „Националниот собир“, Ле Пен рече дека е „одвратно да се мисли дека гласачите може да се манипулираат како да се деца“.
„На Французите им е доста од тоа да не бидат третирани како одговорни возрасни лица. Тие се совршено способни сами да знаат што е добро за земјата. Французите имаат вистинска желба за промени, тие ја изразија таа желба во текот на првиот круг“, рече лидерката на Национален собир.
Таа се огради од поддршката што руското Министерство за надворешни работи денеска и ја даде на надворешната политика што ја промовира Национален собир.
„Апсолутно не се чувствувам одговорна за руските провокации против Франција и Емануел Макрон. Бевме исклучително јасни, ќе ја задржиме нашата поддршка за Украина. Јасно ставивме до знаење кои се нашите граници, особено кога станува збор за испраќање војници на украинска територија“, рече Ле Пен.
Вториот круг од парламентарните избори во Франција ќе се одржи в недела, на 7 јули.
Парламентарни избори во Велика Британија
Во Велика Британија денеска (4 јули) се одржуваат општи избори на кои гласачите ќе изберат 650 членови на Долниот дом на парламентот, по што лидерот на партијата со најмногу гласови прво ќе стане мандатар за формирање нова влада и потоа и премиер.
Велика Британија е поделена на 650 области, наречени изборни единици. Гласачите во секоја од овие изборни единици избираат по еден пратеник во Долниот дом, долниот дом на Парламентот на Обединетото Кралство.
Американските медиуми анализираат дека кој и да победи на овие први национални избори во Англија, Шкотска, Велс и Северна Ирска во последните пет години, ќе наследи голем број проблеми препознатливи во сите западни демократии - слаб економски развој, ослабени јавни услуги и проблем со мигрантите.
Конзервативната партија на Риши Сунак доживува пад на популарноста во анкетите од 2021 година.
Предизборните анкети и даваат на главната опозициска Лабуристичка партија, предводена од Кеир Стармер, двоцифрена предност пред Конзервативната партија на премиерот Риши Сунак, која е на власт 14 години. Лабуристите во последните 12 месеци постојано имаат поддршка од над 40 отсто од електоратот.
На трето место во анкетите е антиимигрантската десничарска партија „Реформа во Обединетото Кралство“ на Најџел Фараж, но бидејќи нивната поддршка е рамномерно распоредена низ целата земја, може да се случи оваа стабилна поддршка тешко да се претвори во места во парламентот.
Либерал-демократите - претходно третата по големина партија во земјата - имаа прилично конзистентно просек од околу 10 проценти, но тие се надеваат дека со фокусирање на главните посакувани места, ќе можат да постигнат изборен успех.
Белата куќа: Бајден ќе остане во претседателската трка
Американскиот претседател Џо Бајден „апсолутно не“ се повлекува од претседателската кампања во 2024 година. Ова го изјави портпаролката на Белата Куќа Карин Жан Пјер на 3 јули.
Во меѓувреме, прашањата за способноста на 81-годишниот актуелен претседател и кандидат за втор мандат продолжуваат да се дебатираат во јавноста по неговиот лош настап на претседателската дебата.
Портпаролката на Белата куќа, Карин Жан-Пјер, изјави дека Бајден „останува во трката.
"Тоа е она што претседателот вети дека ќе го направи... тој сака да продолжи да работи на успесите што ги постигнал“, изјави таа.
Најмалку еден актуелен демократ во Конгресот го повика Бајден да се повлече од трката, а партиските лидери се размислуваат како да се справат со последиците од дебатата, јавува новинската агенција Франс прес.
Бајден закажа средба со сите 23 демократски гувернери на 3 јули и најави дека ќе одговара на прашања на интервју за ABC News на 5 јули.
Туркменистан преку Иран ќе го снабдува Ирак со природен гас
Туркменистан и Иран на 3 јули потпишаа договор за испорака на 10 милијарди кубни метри туркменистански природен гас годишно, кој Иран потоа ќе го испраќа во Ирак.
Министерството за надворешни работи на Туркменистан го објави договорот, но не соопшти колку вреди договорот.
Во соопштението на Министерството се вели дека иранските компании ќе изградат нов гасовод од 125 километри меѓу Иран и Туркменистан за да го прошират капацитетот за испорака на оваа централноазиска земја.
Министерството соопшти дека Туркменистан, кој во голема мера се потпира на продажбата на своите огромни резерви на природен гас, исто така планира да ги зголеми своите испораки на гас за Иран на 40 милијарди кубни метри годишно.
Руското МНР прогласи романскиот дипломат за персона нон грата
Руското Министерство за надворешни работи прогласи за персона нон грата вработен во романската амбасада во Москва. Ова е објавено на веб-страницата на руското МНР.
Во кусото соопштение е посочено дека руското министерство за надворешни работи го повикал на разговор романскиот амбасадор Кристијан Истрате кому му била врачена нота. Романскиот дипломат, чие име не се соопштува, ќе биде протеран од Русија.
Руското Министерство објасни дека ваквите постапки се одговор на романските власти кои прогласија за персона нон грата вработен во руската амбасада во Букурешт. Руското МНР смета дека тоа е „немотивирана одлука“.
Романското Министерство за надворешни работи на крајот на мај прогласи за персона нон грата дипломат од руската амбасада во Букурешт. Тој беше осомничен за „активности што се во спротивност со нормите на Виенската конвенција за дипломатски односи“.
Претходно, полицијата во Романија соопшти дека бил уапсен локален жител кој е осомничен за шпионирање за Русија. Според истражителите, тој од почетокот на 2022 година, ги надгледувал воените објекти на Романија и на НАТО лоцирани на границата со Украина. Според соопштението уапсениот, наводно, ги пренел информациите што ги собирал на руските дипломати.
Во април 2024 година, Врховниот совет за национална одбрана на Романија објави дека руски шпиони влегле во земјата под маската на украинските бегалци. Тие, наводно, се вклучиле во дезинформации, обидувајќи се да добијат информации за помош за Украина, воени вежби и војници стационирани во земјата.
Гроси: Напади во близина на нуклеарната централа Запорожје мора да престанат
Нападите со беспилотни летала насочени кон нуклеарна централа Запорожје контролирана од руските сили во Украина мора да престанат, изјави на 3 јули шефот на Меѓународната агенција за атомска енергија (МААЕ), Рафаел Гроси, откако руското раководство на централата извести за напади во близина на објектот и за повредени осум вработени во нуклеарната централа.
„Нуклеарната централа во Запорожје ја информираше Меѓународната агенција за атомска енергија за неколку напади со беспилотни летала, повредени работници во електричната трафостаница Енерходар и подметнување пожари во шума во близина на разводната постројка на централата “, соопшти Меѓународната агенција за атомска енергија (МААЕ) на социјалната платформа X порано позната како Твитер.
Во соопштението не е прецизирано чии беспилотни летала го извршиле нападот.
Шефот на руската нуклеарна управа, Алексеј Лихачев, изјави дека бил извршен украински напад врз трафостаница во близина на нуклеарната централа во Запорожје и овој напад, како што вели, е „наметливо кршење“ на прописите на МААЕ за нуклеарна безбедност.
Од украинската страна засега нема коментар.
Претходно денеска Гроси изјави дека ситуацијата во украинската нуклеарна централа Запорожје „останува несигурна“ и би било небезбедно да се рестартира објектот.
Нуклеарната централа е под контрола на руските сили откако Москва ја започна својата целосна инвазија на Украина во февруари 2022 година.
Убиен поранешен пакистански сенатор
Поранешниот сенатор Хидајатула Кан и четири лица во неговата придружба беа убиени на 3 јули во експлозија во северозападната пакистанска провинција Хајбер Пахтунхва.
Полицијата во областа Баџаур изјави за Радио Машаал, сервис на Радио Слободна Европа дека возилото на поранешниот сенатор Хидајатула Кан било нападнато во нестабилната област Дамадола.
Тој беше придружуван од неговите двајца чувари и двајца членови на семејството, кои беа убиени во нападот.
Поранешниот сенатор Хидајатула Кан бил на патување во кампањата кога неговото возило било цел на напад со бомба на далечинско управување.
Засега нема преземено одговорност за нападот.
Хидајатула Кан се приклучи на Пакистан Техрик-е Инсаф (ПТИ) во 2018 година, откако беше избран во Сенатот. Тој припаѓа на влијателно политичко семејство, а неговиот брат Шаукатула Кан е поранешен гувернер на провинцијата Хајбер Пахтунхва.
Мултимедија
Најпосетени
Што треба да знаете