Улица на црвените фенери во Скопје

Шест провокативно облечени девојки од излози на булеварот Св. Климент Охридски на скопјани им нудат сексуални услуги. Секоја од нив има свој излог по примерот на сексуалните работнички од борделите на Улицата на црвените фенери во Амстердам. Ова е дел од перформансот во организација на граѓанската иницијатива за заштита и унапредување на правата на сексуалните работници „Стар-стар“. Перформансот е дел од годинашното одбележување на Меѓународниот ден за борба против насилството врз сексуалните работнички.