Нередовната здравствена контрола на населението создава бројни проблеми кај здравјето на жителите од општините Дебар и Центар Жупа. Така дијабетот кој има рапидно зголемување кај населението најчесто се открива случајно, при контрола на пациентите за други болести и здравствени проблеми. Во дебарскиот центар за дијализа, кој работи во рамките на Општата болница, велат дека во последните неколку години има големо зголемување на бројот на болни од дијабет.
„Податоците говорат дека бројот на болните од дијабет расте и тоа загрижувачки. Над десет отсто од населението има дијабет, што секако е висок процент. Според податоците на Центарот за дијабет, над 400 се на инсулинска терапија, додека таблети добиваат 1.500 пациенти“, истакнува раководителот на Центарот за дијабет во Дебар, лекарот специјалист Аџија Куртоски.
Според него во последно време Центарот за дијабет реализира активности за укажување на населението на потребата од редовни контроли со кои се овозможува рано откривање на дијабетот.
„Имајки предвид дека бројот на болните со дијабет е во рапиден пораст, ние превземаме мерки и за пренесување на бројни информации до населението со цел болеста да се открива во својата рана фаза. Но, сепак треба да се нагласи дека кај еден голем број на болни од дијабет дијагнозата се утврдува случајно, при одредени контроли на пациентите дојдени за други болести. Анализите потоа покажуваат дека тие имаат висок шеќер во крвта, и така се дијагностифициираат и со дијабет. Потребни се редовни контроли, со кои може да се открие раната фаза“, додава лекарот специјалист Аџија Куртовски.
Во оваа здравствена институција се одржуваат и редовни предавања со болните од дијабетот, но и со други пациенти и населението за зголемување на својата здравствена култура кои треба да се спроведуваат болестите во раните фази, а истото се однесува и за дијабетот, кој од ден на ден има голем замав.
