ЕВН - Нема рестрикции, само модернизација на мрежата

Нови приклучоци и надградба на системот за снабдување се причините за закажаните прекини во доставата на електрична енергија, велат надлежните. Зимно време системот е пооптеретен, а со евентуална гасификација може да се очекува растеретување, велат упатените.

Неделава во медиумите се најавуваа прекини на струјата во три населби и тоа од 8 наутро до 4 попладне. Портпаролот на ЕВН Македонија Атанас Ковачевски вели дека прекините се со цел подобрување на мрежата или за нови приклучоци

„За да може да се приклучи нов корисник, кој изградил нов објект или кој го реновирал објектот, мора да се прекине снабдувањето со електрична енергија на таа улица или до тој корисник, што е едната работа зошто се појавуваат овие планирани прекини или зошто ги објавуваме постојано во медиумите. Втората работа е модернизирање на дистрибутнивната мрежа, тс., се она што како проблем се јавило претходната зима, го скенираме и потоа во текот на летниот период пред да дојде зимата или пред да почне грејната сезона ги имаме тие планирани прекини каде што се модернизира мрежата.“

Прекините се регулирани со Законот за енергетика и се во согласност со мрежните правила вели Ковачевски.

„Планираните прекини кои ги користиме за модернизирање на мрежата или за приклучување на нови корисници или за евентуални дефекти кои претходно настанале, па во моментот да не останат без електрична енергија многу од корисниците ги приклучуваме на други напојни точки, па подоцна преку планирани прекини ги поправаме овие дефекти, ги менуваме овие кабли, значи сите овие прекини се со цел да се модернизира мрежата, да се подобри снабдувањето со електрична енергија и тие се изведуваат и во летниот и во зимскиот период.“

Енергетските биланси покажуваат оптоварување на системот за електрична енергија во зимскиот период, вели професорот Константин Димитров.

„Бидејќи голем дел од станбени објекти делумно целоно се греат на електрична енергија, а делумно ја користат за догревање, било во моменти кога топлификацискиот систем ќе се исклучи, но понекогаш ние слушаме дека голем број на граѓани се жалат дека квалитетот на снабдувањето со топлинска енергија им е недоволен, па тогаш догреваат.“

Излезно решение е распределба на товарот помеѓу неколку типови на енергенси, вели Димитров.

„Цента на приодниот гас е на ниво со електричната енергија, но со ниската тарифа, што би било поволно, значи природниот гас е како алтернатива, којашто кога ќе дојде ќе се намали притисокот на електричната мрежа.“

Инаку според проценките, начесто користен енергенс во зимата во Македонија е огревното дрво. Помалку од десет отсто од објектите низ целата земја се на централно греење, а системот за електрична енергија повеќе се оптоварува и во летно време поради системите за ладење.