Министерката за внатрешни работи Гордана Јанкулоска.
Заедно до побезбедно општество
Граѓаните се загрижени за безбедноста во државата. Од полиција порачуваат дека безбедноста зависи од сите и сите заеднички треба да се грижат за неа.
И покрај мерките што ги превзема полицијата за превенирање на насилството со зголемено присуство на автобуските постојки, улиците и пред училиштата граѓаните велат дека тоа не е доволно.
Фактот што на секое ќоше се случува нешто што не треба да се случува, особено што младите го поттикнуваат тоа е најстрашно и не се чувствувам безбедно.
Анкетиран граѓанин.
Граѓаните и натаму се најмногу загрижени за појавата на серија инциденти на терен во кој се вклучени млади луѓе најчесто деца, а особено има незадоволство за насилство поттикнато од меѓуетничка основа. Млади луѓе, деца се пресметуваат на улици и во автобуси, а се почесто се користи и оружје во пресметките, велат граѓаните. Власта очигледно покажува капацитет
единствено по случувањата да ги открие сторителите, иако има и обврска да обезбеди основна сигурност за сите граѓани во државата, како за Македонците, така и за Албанците сметаат некои од граѓаните.
„Фактот што на секое ќоше се случува нешто што не треба да се
Соработката меѓу полицијата и граѓаните претставува наша стратешка определба со цел доближување до европските стандарди.
Гордана Јанкулоска, министерка за внатрешни работи.
случува, особено што младите го поттикнуваат тоа е најстрашно и не се чувствувам безбедно воопшто затоа што за многу случаи што се случиле не гледам дека направиле нешто да се исправи тоа.“
„Сум била сведок на неколку инциденти и никој ништо не презел. И да стои полиција до тебе, а некој за ташна да ве влезе, ништо нема да преземат, те гледа, а ништо не прави.“
Меѓутоа министерката за внатрешни работи Гордана Јанкулоска порачува дека безбедноста зависи од сите и сите заеднички треба да се грижат за неа. Полицијата е таа која ги има овластувањата и има најголема одговорност околу анализите, проектите и мерките кои се преземаат, но без соодветна поддршка од граѓаните, резултатите што ги посакуваме и јавноста ги очекува од нас не можат да бидат задоволителни, истакна министерката за внатрешни работи Гордана Јанкулоска.
„Соработката меѓу полицијата и граѓаните претставува наша стратешка определба со цел доближување до европските стандарди во сите области на работење на полицијата.“
Затоа,како што додаде на прес-конференција по повод одбележувањето на 9 декември - Денот на превенција, се промовира проектот „Полицијата блиска до граѓаните“ и се зголемува соработката и присуството во заедницата. За 2014 година Јанкулоска најави почнување проекти за посета на стари лица што живеат во одреден безбедносен реон, неформални средби со граѓани, средби со нови станари и обиколки на згради, разговори и размена на мислења со студенти сместени во студентските домови, состаноци со бизнис заедницата.
Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми. Во Радио Слободна Европа е од 2002 та година.
