Според податоците на Бирото за јавни набавки, само минатиот месец се склучени договори во вредност од 1,7 милиони евра со неколку маркетинг агенции и продукциски куќи.
Во изминативе 9 месеци Владата склучила договори за рекламни спотови во вредност од речиси 2,5 милиони евра. Според податоците на Бирото за јавни набавки, само минатиот месец се склучени договори во вредност од 1,7 милиони евра со неколку маркетинг агенции и продукциски куќи. На интернет страната на Бирото беа објавени вкупно 15 договори кои биле склучени кон крајот на август и почетокот на септември. Станува збор за осмислување на рекламни кампањи кои ќе служат за информирање на земјоделци, здравствени работници, студенти и ученици за владините активни мерки и политики.
Само перење пари е, затоа што рекламите се само на посебни медиуми.
Анкетиран граѓанин.
Клик на сликата за поголема верзија. Податоци на Бирото за јавни набавки за склучени договори за рекламни спотови на Владата со неколку маркетинг агенции и продукциски куќи.
Интересен е податокот дека проценетата вредност на договорите најчесто е за 30 пати поголема од вредноста на склучениот договор. Најскапа кампања изнесува 500 илјади евра и се однесува на информирање на граѓаните и стопанските субјекти за можностите кои произлегуваат од владините политики во земјоделскиот сектор. Владата за оваа реклама добила 7 понуди и ја одбрала најскапата, а најголема улога во изборот на понудувач е квалитетот со 65 бода, а цената со само 35 бода. Во податоците што се наведени во известувањето за склучениот договор стои дека парите ќе бидат потрошени за видео и радио спотови, веб банери и билборди и за закуп на медиумски простор.
Дали се намалени редиците во здравството, дали е унапреден образовниот систем, дали е подобрено снабдувањето со електрична енергија поради рекламите на ЕВН итн. Значи, очигледно е дека основната дејност на сите овие институции кои се активни во различните сфери, речиси и да не подобрува функционално и суштински, иако огромни пари се трошат преку реклами.
Климе Бабунски, комуниколог.
Граѓаните велат дека непотребно многу пари се фрлаат за реклами кои ним не им значат ништо.
„Тука многу непотребни пари се фрлаат непотребно.“
„Само перење пари е, затоа што рекламите се само на посебни медиуми“, велат граѓаните што ги анкетиравме во центарот на Скопје.
Од државните институции рекордер во кампањи е Генералниот секретаријат на Владата, по неа следуваат министерствата и агенциите.
Комуникологот Климе Бабунски неодамна изјави дека рекламите станаа основна комуникација меѓу власта и јавноста и дека тука лежи проблемот. Тој додава дека недостасува анализа за ефектите од рекламните кампањи.
„Дали се намалени редиците во здравството, дали е унапреден образовниот систем, дали е подобрено снабдувањето со електрична енергија поради рекламите на ЕВН итн. Значи, очигледно е дека основната дејност на сите овие институции кои се активни во различните сфери, речиси и да не подобрува функционално и суштински, иако огромни пари се трошат преку реклами“, рече Бабунски.
Тој додава дека нештата остануваат еднакво лоши, но се зголемуваат активностите на власта за да се прикаже во јавноста дека работите се подобруваат. Според аналитичарите, со помош на владините кампањи се купува наклонетост на медиумите. Само во период од 2010 до 2012 година за кампањи од промоција на реформи во одделни области, па се до поттикнување на креативните мисли кај граѓаните се потрошени најмалку 4 милиони евра.
Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 23.09.1983 година во Скопје. Од јуни 2009-та година работи како постојан дописник за Радио Слободна Европа од Скопје.
