Тутунарите повторно на протести

По состанокот во понеделник вечерта, тие дадоа рок од 48 часа да видат дали ќе се почитуваат договорот, откупната цена на килограм тутун да е 170 денари. Изминатите два дена дел од откупните пунктови беа бојкотирани, тутунот не се предаваше, бидејќи не се почитуваше откупната цена. Сега тутунарите дојдоа пред Собранието на Македонија да си ги повторат барањата.

,,Откупната цена да достигне минимум 180 денари и отворање на сите пунктови."

рече Кире Неделковски, член на Сојузот на тутунарите.
Како што беше и претходно најавено, доколку не се почитува договорот тие ќе продолжат со протестите, а овој пат ќе блокираат и патишта и гранични премини, без разлика што веќе почнуваат празници.

,,Доколку денеска не ги слушнат овие барања ќе преземеме уште поригорозни мерки. За нас празниците се знае, без пари, празници неможе да чекаме."

изјави Неделковски.
Тутунарите велат дека не дошле да преговараат со власта, туку само си го бараат она што претходно било договорено. За сега не добиле потврда дека ќе се сретнат со преставници од Владата.
Министерот за земјоделство Љупчо Димовски при посетат на откупните пунктови во Прилеп изјави дека треба да се заштитат интересите на тутунарите и најави казни за откупувачите кои нема да го почитуват законот.

,,Ние сакаме да се почитува законот, да се изврши целиот откуп во законската форма, но истовремено тој откуп да не биде на штета на тутунарите."

Тутунарите велат дека квалитетот на тутунот е одличен,а цената на светската берза е иста како лани. Тие бараат само почитување на договорите за да можат да ја предадат годинешната реколта.