Ковачевски - Го осудувам чинот на отворена воена агресија од Русија врз Украина
Го осудувам чинот на отворена воена агресија од страна на Русија врз Украина. Војната е најлошиот начин за решавање на недоразбирањата, а агресијата врз Украина е закана и за европскиот и светскиот мир, напиша премиерот Димитар Ковачевски на неговиот Фејсбук-профил.
Првични извештаи за жртви во рускиот напад врз Украина
Објавени се први извештаи за жртви во Украина, по експлозиите и сирените кои се слушаа во главниот град Киев и на аеродром Бориспил, а сведоци во Харков, Краматорск, Днипро, Мариупол, Одеса и Запорожје исто така пријавија експлозии во раните утрински часови.
Украинското Министерство за внатрешни работи соопшти дека седум војници загинале во првичните воздушни напади, а 15 други биле повредени. Министерството наведува дека 19 војници се водат за исчезнати и дека е уништен мостот на реката Инхулетс.
Регистрирани експлозии во Украина од рускиот напад
Лукашенкo - Белоруските трупи не се дел од рускиот напад врз Украина
Авторитарниот белоруски лидер Александар Лукашенко вели дека неговата војска не учествува во рускиот напад на Украина, кој беше започнат на 24 февруари, објавија државните медиуми.
„Нашите вооружени сили не учествуваат во оваа операција“, рече Лукашенко кој е близок соработник на рускиот претседател Владимир Путин.