САД не се подготвени да забранат летови над Украина
И покрај молбата на Киев, Вашингтон не е подготвен да поддржи забрана на летови над Украина, бидејќи на тој начин ќе ескалира судирот со Русија „на потполно друго ниво“ изјави денеска портпаролот на Стејт департментот, Нед Прајс.
Столтенберг: НАТО нема воено да се инволвира во Украина
НАТО нема да биде дел од конфликтот меѓу Русија и Украина изјави генералниот секретар на Алијансата Јенс Столтенберг по вонредниот состанок во Брисел. Тој вели дека војната во Украина ќе донесе жртви и уништувања во наредните денови.
Кина изрази загриженост за безбедноста по руското заземање на нуклеарната централа во Украина
Кина изрази загриженост за безбедноста по руското заземање на најголемата европска нуклеарна централа во Запорожје, каде што при нападот изби и пожар. и повика на „воздржаност“ во однос на настаните во Украина. Кинеското Министерство за надворешни работи побара од сите страни да ја гарантираат безбедноста на нуклеарните постројки на Украина.
Кремљ со повик до Русите за поддршка на Путин
Кремљ ги повика Русите да му дадат поддршка на рускиот претседател Владимир Путин. Ова соопштение доаѓа на девет ден по почетокот на руската инвазија врз Украина. „Сега не е време да се делиме. Сега е време да се обединиме, да се обединиме околу нашиот претседател“ изјави портпаролот на Кремљ Дмитриј Песков.