Кремљ: Русија нема да попушти под притисокот на санкциите
Западните санкции никогаш нема да ја принудат Русија да го промени својот став кон Украина, соопшти денеска Кремљ, пренесува Ројтерс. Одговарајќи на серијата западни санкции поради руската инвазија на Украина, портпаролот на Кремљ, Дмитриј Песков изјави: „Тие сметаат дека ќе не принудат да ја смениме нашата позиција. Тоа не доаѓа предвид“.
Зеленски до ЕУ: Докажете дека сте со нас
Украинскиот претседател Володимир Зеленски денеска ги предизвика европските пратеници да „докажат“ дека стојат со Украина. Говорејќи пред Европскиот парламент еден ден откако Украина поднесе официјално барање за пристапување во Европската унија, Зеленски рече дека неговата земја ја докажала својата сила во шестдневниот отпор на неиспровоцираната инвазија на Русија.
Одбраната на Киев приоритет за Зеленски
Масивен руски конвој кон украинскиот главен град Киев. Руските сили го гранатирале центарот на Харков, вториот по големина град во Украина. Во напад на воена база во градот Охтирка, во регионот Суми загинале 70 украински војници.
Отпор на украински цивили против руските војници
Украински цивили им пружаат мирен отпор на руските сили кои ги окупираат нивните градови. Некаде протести, некаде отпор на други начини.