Напнато, но мирно одбележување на 151 година од раѓањето на Гоце Делчев

Лидерот на бугарската фондација „Македонија“ не ја преминал македонско - бугарската граница

Лидерот на бугарската фондацијата Македонија, Виктор Стојанов, како што неофицијално дознава екипата на РСЕ која се наоѓа на граничниот премин Деве Баир, самоиницијативно ја напуштил колоната на возила која се наоѓала на граничниот премин Деве Баир меѓу Северна Македонија и Бугарија и се вратил назад, бидејќи не можел да чека системот за контрола да се врати во функција. Целата информација ТУКА

ФОТОГАЛЕРИЈА: Граѓани, делегации и полиција на чествувањето на Делчев

Под силно полициско обезбедување и со претрес, државни, партиски и граѓански организации дојдоа на гробот на македонскиот револуционер Гоце Делчев по повод годишнината од неговото раѓање. Голем број граѓани останаа под скопското Кале, недалеку од црквата Св. Спас, каде е гробот на Делчев

Мицкоски- Срамота е да бидеме робови во својата држава

Лидерот на опозициската ВМРО-ДПМНЕ Христијан Мицкоски со партиска делегација од пет члена оддадоа почит на гробот на македонскиот револуционер Гоце Делчев. Со нив на Кале пристигнаа и стотици поддржувачи и симпатизери на партијата со транспаренти кои останаа зад полицискиот кордон.

Мицкоски изјави дека е срамота ова што денеска се случува со толкаво полициско обезбедување да не можат граѓаните слободно да оддадат почит на еден великан како Гоце Делчев. Целата вест ТУКА

Стотици граѓани предводени од опозиционата ВМРО ДПМНЕ бараа да бидат пуштени до гробот на Гоце Делчев во Црквата Свети Спас во Скопје. Делегација на партијата предводена од лидерот Христијан Мицкоски положи цвеќе на гробот на Делчев