Арсовска: Скопје доби жена за градоначалник
Независната кандидатка за градоначалничка на Скопје, поддржана од ВМРО-ДПМНЕ, Данела Арсовска, прогласи победа во градоначалничката трка против актуелниот градоначалник Петре Шилегов од СДСМ. Таа рече дека според досега преброените гласови, води со над 20 илјади гласа разлика пред Шилегов.
Во десет општини заврши броењето на гласовите
Во десет општини целосно се обработени податоците од гласањето на вториот круг од локалните избори 2021. Во пет од овие општини победи ВМРО-ДПМНЕ, во три СДСМ, а во две ДУИ.
Заев поднесува оставка од местото премиер и претседател на СДСМ
Премиерот и лидер на СДСМ Зоран Заев вечерва им ја честиташе победата на локалните избори на политичките противници и рече дека поднесува оставка на местото премиер и претседател на СДСМ. Тој рече дека не треба да има предвремени парламентарни избори.
Мицкоски – Најдобро би било власта да си замине на предвремени парламентарни избори
Лидерот на ВМРО-ДПМНЕ Христијан Мицкоски вечерва на прес-конференција во партиското седиште прогласи убедлива победа на локалните избори и рече дека почнуваат промените за подобра Македонија. Тој рече дека е најдобро власта да си замине на предвремени избори.