Вести
Антикорупциска повела постапка против обвинители од поранешното СЈО
Врз основа на добиени сознанија Антикорупциската комисија одлучи да отвори предмет по сопствена иницијатива во врска со наводи за сомневање на незаконско постапување на надворешниот соработник за прашања од областа на спортот на претседателот на Владата на РСМ, Даниел Димевски.
„Тој во својство на надворешен соработник и управител на правното лице Турд Олимпик ДОО Скопје стекнал својство на закупец на СРЦ Кале, со што во улога на надворешен соработник остварил приватни интереси со што го оштетил буџетот на РСМ“, соопшти ДКСК.
Државната комисија за спречување на корупција повела и прекршочна постапка за поголем број обвинители од поранешното СЈО.
„Согласно Годишниот план за следење на имотната состојба и судирот на интереси на ДКСК предмет на проверка се анкетните листови на поранешните обвинители на СЈО. Во постапката за утврдување на фактичката состојба Државната комисија за спречување на корупцијата прибави податоци од Министерството за финансии од кои констатираше дека поранешните обвинители од СЈО континуирано примале дополнителни приходи (надоместоци) и за истото по надминување на вредност од 20 просечни плати не пријавувале промена на имотната состојба со што постапиле спротивно со член 85 од ЗСКСИ“, соопшти ДКСК.
Поради тоа, велат од Антикорупциска, прекршочна постапка е има за: Катица Јанева, Фатиме Фетаи, Елизабета Јосифоска, Лиле Стефанова, Бурим Рустеми, Гаврил Бубевски, Стевчо Донев, Трајче Пеливанов, Артан Ајро и Љубомир Лапе.
види ги сите денешни вести
Тошковски ја „преживеа“ и втората интерпелација
Собранието вечерва (29 април) ја отфрли интерпелацијата за министерот за внатрешни работи Панче Тошковски.
„Против“ интерпелацијата гласаа 72 пратеници, 20 беа „за“, а немаше воздржани. Интерпелацијата што ја поднесе Левица, ја поддржаа СДСМ и ДУИ.
Таа е базирана на десет основи, од кои пет се директно поврзани со трагичната несреќа во Кочани во која животот го загубија 62 лица, а близу 200 беа повредени.
На почетокот на денешната седница, интерпелацијата ја образложи пратеникот од редовите на „Левица“, Сашко Јанчев кој рече дека министерувањето на Тошковски е проследено од низа несовесни, непрофесионални, а згора на тоа и противзаконски дејствувања, скандали и кадровски промашувања.
„За неговиот морален хабитус доволно говори и фактот што тој досега не се ни осмели да понуди оставка од морални причини, нешто што го сторувале повеќе македонски министри пред него, во ситуации на вакви хаварии и колективни несреќи! ...Се на се министерот Тошковски покажа дека е лично одговорен за пропусти кои не смеат да се дозволат од страна на МВР“, рече Јанчев и ги повика пратениците да ја поддржат интерпелацијата.
Интерпелацијата, како што посочи, била базирана на десет основи од кои пет се директно поврзани со трагичниот настан во Кочани. Првиот основ е немање никаква контрола врз дискотеката „Пулс“, што е јасна законска обврска на МВР.
Вториот основ се однесува на нелегалната употреба на пиротехнички средства, третиот на неукажувањето помош од страна на полициските службеници, потоа на непроцесуирани закани против неистомисленици на власта, што е спротивно на законот за полиција. Петиот основ за интерпелација, според Левица, се однесува на забрана за употреба на дронови - што според него, од МВР беше злоупотребено за да се повреди чл. 16 право на протест.
Останатите пет се однесуваат на уапсени граѓани во гостиварско кои чистеле црква, на непостапувањето при палењето на македонското знаме за време на прославата на Денот на албанското знаме, кражбата на марихуана која ја чувала полицијата, за случајот со апсењето и притоворањето на телохранителот на премиерот поради одавање службени тајни и на катастрофалната кадровска политика во Министерството исполнета со како што велат, непотизам и кронизам.
Во своето излагање, министерот Тошковски рече дека не се плаши од одговорност и оти останува на функцијата за да се соочи со вистината и да ги разјасни сите дилеми.
„Пред вас не стојам како министер, туку како човек кој ја разбира тежината и одговорноста што ја носи функцијата. Ќе зборувам како личност што носи одлуки, но и како татко, и како министер, и родител. Дозволете ми да кажам дека жалам за секој изгубен живот“, рече Тошковски, додавајќи дека секоја дилема заслужува одговор базиран на факти, а не на политички конструкции.
Министерот се осврна на сите точки од интерпелацијата, вклучително и трагичниот настан во дискотеката во Кочани, нагласувајќи дека во овој случај МВР нема направено пропуст.
Тој потенцираше дека лиценцата за дискотеката „Пулс“ била фалсификувана, а во однос на пиротехничките средства, нагласи дека МВР работи согласно закон.
„Во случајот со дискотеката во Кочани, такво барање за употреба на пиротехнички средства никогаш не било поднесено. МВР постапуваше во согласност со Законот, и нема законска основа да се тврди дека постои пропуст. Одговорноста е кај оние што дозвол
Миле Талески од СДСМ рече дека гласот „за“ интерпелација на министерот Тошковски не е прашање на политика, туку прашање дали ќе опстои државата, дали ќе има правда, безбедност и сигурност.
„Голем број осомничени, приведени и притворени лица од трагедијата во Кочани до денес е со цел да се разводнат сите случаи и да се одолговлекуваат до бескрај, да се создаде привид дека МВР и Владата се борат против криминалот и корупцијата. Но не е така. Ова е тежок популизам, препознатлив за ВМРО-ДПМНЕ. Но, ајде да ја почекаме истрагата за да видиме дали и кој од надлежните командири, началници и заменик-командири на полицијата ќе бидат опфатени и кој ќе понесе одговорност“, рече Талески.
Тошковски пак посочи дека институциите преземаат мерки за сите отворени случаи, меѓу кои и кражбата на марихуана во Карбинци, злоупотребата на службени документи кај припадник на полицијата и протестите поврзани со случајот со црквата во Галате.
Тој ги отфрли тврдењата за етнички предзнак и обвини одредени структури во ДУИ и СДСМ за обид за дестабилизација.
„Сѐ што видовме е лажно етикетирање. Треба да нѐ води обврската да ја кажеме вистината и да ја браниме правдата. Не бегам, не молчам, не се кријам. Останувам овде со целата тежина на обврската што ја носам. Секој ден од оваа институција ќе биде заложба вашата болка да не остане само нем сведок на незаборавот. Промените се тука, одговорноста се чувствува, правдата е реалност“, рече Тошковски во своето обраќање.
Оставка од Тошковски побара и Рина Ајдари од ДУИ која обвини за истрага по етничка линија, што исто така беше отфрлено од Тошковски, кој наведе дека 49 лица од осомничените се Македонци, 10 се Албанци, двајца се Бошњаци, еден е Ром.
Министерот ги отфрли сите обвинувања и нагласи дека МВР работи професионално, без селекција и под целосна координација со Јавното обвинителство.иле внесување и употреба спротивно на законот“, потенцираше тој.
Претходно, во тек на паузата на седницата, Тошковски оствари средба со родителите на настраданите во пожарот кои денеска одржаа марш во Скопје, а беа на средба и во Јавното обвинителство.
Славјанка Петровска од СДСМ го праша Тошковски дали и по средбата со родителите на загинатите во пожарот се уште е убеден дека не треба да си поднесе оставка.
Петровска рече дека во тек на мандатот на Тошковски се зголемил бројот на убиства, а меѓу останатото го критикуваше и дека нема резултати со драстичните мерки што ги најавил за подобрување на состојбите во сообраќајот, што ги најавил.
Против министерот за внатрешни работи беше поднесена интерпелација и во јануари заедно со уште тројца интерпелации на владини министри. Тогаш интерпелациите ги поднесе Европскиот фронт предводен од ДУИи во нив преовладуваше наративот дека се потфрлило со справување со меѓуетничките тензии. Интерпелациите не поминаа во Собрание.
Таравари: На изборите одиме со посебни советнички листи и од тоа нема враќање
Засега имаме сигурна одлука дека одиме со посебни советнички листи и тоа е одлука на партијата. Од тоа нема враќање назад. За се друго, сме подготвени и отворени да разговараме со сите во однос на локалните избори, изјави денеска (29 април) министерот за здравство Арбен Таравари, кој е и лидер на едното крило на Алијанса за Албанците.
Одговарајќи на новинарски прашања, Таравари рече дека има редовна комуникација со премиерот Христијан Мицкоски и дека откако тој ќе се врати од службеното патување, ќе разговараат.
„Штом ќе се врати премиерот од пат, ќе се видиме и ќе разговараме, инаку имаме редовна комуникација. Тоа што го кажал господинот Николоски, сите ги слушам, меѓутоа ние сме автономна партија, одлучуваме сами. Засега имаме сигурна одлука дека одиме со посебни советнички листи и тоа е одлука на партијата и од тоа нема враќање назад. За сето друго, сме подготвени и отворени да разговараме со сите во однос на локалните избори, рече Таравари.
Потпретседателот на владата и министер за транспорт Александар Николоски во интервју за емисијата „360 степени“ рече дека не очекува Таравари да преземе чекор со кој би коалицирал со опозициската ДУИ, затоашто тоа за него би значело политичко самоубиство.
Според Николоски, нема официјална најава од Таравари дека ќе коалицира до ДУИ.
„Тој е многу политички искусен. Јас можеби најмногу од сите што сме во постојнава Влада сум го критикувал, но ако тоа го тргнеме настрана, факт е дека тој е политички искусен и не мислам дека е до толку, ај сега обратно да кажам – наивен, да влезе во соработка со ДУИ. Мислам дека малку и јавноста го потценува и не очекувам дека ќе направи чекор каде што политички би се самоубил. Би бил изненаден да покаже таква политичка наивност. Се разбира, не исклучувам такво сценарио, но би бил многу изненаден ако тоа се случи“, истакна Николоски.
Неодамна министерот за животна средина и вицепремиер Изет Меџити и лидерот на Демократското движење од коалицијата Вреди изјави дека очекува Таравари исто како што ја напушти коалицијата „Влен“ за претстојните локални избори, така да ја напушти и Владата и му порача дека „не може и да соработува со ДУИ и да биде дел од Владата“.
Премиерот Мицкоски најави дека со Таравари ќе разговара по први мај.
Собраниска расправа за интерпелација на Тошковски, тој вели дека не се плаши од одговорност
Во Собранието почна расправата по интерпелацијата на министерот за внатрешни работи Панче Тошковски поднесена од пратеничката група „Левица“ поради тоа што, според оваа партија, министерот Тошковски несоодветно ја извршувал функцијата, постапувајќи нестручно, непрофесионално, несовесно и неодговорно поради што имало низа противзаконски дејствија, скандали и кадрови поместувања во МВР.
Интерпелацијата ја образложи пратеникот од редовите на „Левица“, Сашко Јанчев кој рече дека министерувањето на Тошковски е проследено од низа несовесни, непрофесионални, а згора на тоа и противзаконски дејствувања, скандали и кадровски промашувања.
„За неговиот морален хабитус доволно говори и фактот што тој досега не се ни осмели да понуди оставка од морални причини, нешто што го сторувале повеќе македонски министри пред него, во ситуации на вакви хаварии и колективни несреќи! ...Се на се министерот Тошковски покажа дека е лично одговорен за пропусти кои не смеат да се дозволат од страна на МВР“, рече Јанчев и ги повика пратениците да ја поддржат интерпелацијата.
Интерпелацијата, како што посочи, е базирана на десет основи од кои пет се директно поврзани со трагичниот настан во Кочани. Првиот основ е немање никаква контрола врз дискотеката Пулс, што е јасна законска обврска на МВР.
Вториот основ се однесува на нелегалната употреба на пиротехнички средства, третиот на неукажувањето помош од страна на полициските службеници, потоа на непроцесуирани закани против неистомисленици на власта, што е спротивно на законот за полиција и петиот основ се однесува на забрана за употреба на дронови - што според него, од МВР беше злоупотребено за да се повреди чл. 16 право на протест.
Останатите пет се однесуваат на уапсени граѓани во гостиварско кои чистеле црква, на непостапувањето при палењето на македонското знаме за време на прославата на Денот на албанското знаме, кражбата на марихуѕана која ја чувала полицијата, за случајот со апсењето и притоворањето на телохранителот на премиерот поради одавање службени тајни, и на катастрофалната кадровска политика во Министерството исполнета со ннепотизам и кронизам.
Во своето излагање, министерот Тошковски рече дека не се плаши од одговорност и оти останува на функцијата за да се соочи со вистината и да ги разјасни сите дилеми.
„Пред вас не стојам како министер, туку како човек кој ја разбира тежината и одговорноста што ја носи функцијата. Ќе зборувам како личност што носи одлуки, но и како татко, и како министер, и родител. Дозволете ми да кажам дека жалам за секој изгубен живот“, рече Тошковски, додавајќи дека секоја дилема заслужува одговор базиран на факти, а не на политички конструкции.
Министерот се осврна на сите точки од интерпелацијата, вклучително и трагичниот настан во дискотеката во Кочани, нагласувајќи дека во овој случај МВР нема направено пропуст.
Тој потенцираше дека лиценцата за дискотеката „Пулс“ била фалсификувана, а во однос на пиротехничките средства, нагласи дека МВР работи согласно закон.
„Во случајот со дискотеката во Кочани, такво барање за употреба на пиротехнички средства никогаш не било поднесено. МВР постапуваше во согласност со Законот, и нема законска основа да се тврди дека постои пропуст. Одговорноста е кај оние што дозволиле внесување и употреба спротивно на законот“, потенцираше тој.
Миле Талески од СДСМ рече дека гласот „за“ интерпелација на министерот Тошковски не е прашање на политика, туку прашање дали ќе опстои државата, дали ќе има правда, безбедност и сигурност.
„Голем број осомничени, приведени и притворени лица од трагедијата во Кочани до денес е со цел да се разводнат сите случаи и да се одолговлекуваат до бескрај, да се создаде привид дека МВР и Владата се борат против криминалот и корупцијата. Но не е така. Ова е тежок популизам, препознатлив за ВМРО-ДПМНЕ. Но, ајде да ја почекаме истрагата за да видиме дали и кој од надлежните командири, началници и заменик-командири на полицијата ќе бидат опфатени и кој ќе понесе одговорност“, рече Талески.
Тошковски пак посочи дека институциите преземаат мерки за сите отворени случаи, меѓу кои и кражбата на марихуана во Карбинци, злоупотребата на службени документи кај припадник на полицијата и протестите поврзани со случајот со црквата во Галате. Тој ги отфрли тврдењата за етнички предзнак и обвини одредени структури во ДУИ и СДСМ за обид за дестабилизација.
„Сѐ што видовме е лажно етикетирање. Треба да нѐ води обврската да ја кажеме вистината и да ја браниме правдата. Не бегам, не молчам, не се кријам. Останувам овде со целата тежина на обврската што ја носам. Секој ден од оваа институција ќе биде заложба вашата болка да не остане само нем сведок на незаборавот. Промените се тука, одговорноста се чувствува, правдата е реалност“, рече Тошковски во своето обраќање.
Министерот ги отфрли сите обвинувања и нагласи дека МВР работи професионално, без селекција и под целосна координација со Јавното обвинителство.
Против министерот за внатрешни работи беше поднесена интерпелација и во јануари заедно со уште четири интерпелации на владини министри. Тогаш интерпелациите ги поднесе Европскиот фронт предводен од ДУИ и истите не поминаа во Собрание.
Осми неуспешен обид за конституирање на Собранието на Косово
Пропадна и осмиот обид за конституирање на косовското собрание, бидејќи претседателот на оваа институција не беше избран на предлог на победничката партија на февруарските избори - Движењето Самоопределување.
Конститутивната седница започна на 15 април, но беше прекината по осми пат во вторник (29 април) поради несогласувања меѓу парламентарните партии во врска со третата точка на дневниот ред, а таа е изборот на претседател на Собранието.
Победничката партија на изборите, во овој случај - Движењето Самоопределување, има ексклузивно право да предложи кандидат за претседател на Собранието. Сепак, најголемите албански опозициски партии не го прифаќаат нивниот кандидат, Албулена Хаџиу, туку бараат да биде номиниран некој друг, што пак Самоопределување одбива да го стори.
Во вторник, Хаџиу доби 54 гласа „за“, додека на претходните седници имаше 57 гласа од пратениците.
Според деловникот на Собранието, конститутивната седница завршува со избор на претседател и потпретседател, а за да се избере претседател на Собранието, потребни се 61 глас од вкупно 120 пратеници.
Парламентарните опозициски партии проценуваат дека движењето Самоопределување, кое ја водеше Владата во претходните четири години, нема доволно гласови за избор и формирање нови институции.
Движењето Самоопределување има 48 пратеници, по што следуваат Демократската партија на Косово со 24 места, Демократскиот сојуз на Косово со 20, коалицијата Алијанса за иднината на Косово и Социјалдемократската иницијатива (НИСМА) со 8 места. На малцинските заедници во косовското собрание им се загарантирани 20 пратенички места, од кои десет ѝ припаѓаат на српската заедница.
Демократската партија на Косово и Алијансата за иднината на Косово сметаат дека Албулена Хаџиу е „контроверзна личност“, додека Демократскиот сојуз на Косово објави дека нема да поддржи ниту еден кандидат предложен од Самоопределување.
Додека не се конституира Собранието, не може да се отвори патот за формирање на новата Влада на Косово.
Европската Унија изјави дека Косово мора брзо да формира нови институции, а некои амбасадори на западните земји, исто така, повикаа на деблокада.
Зеленски: Предлогот на Путин за прекин на огнот за Денот на победата ќе обезбеди „тишина само за неговата парада“
Украинскиот претседател Володимир Зеленски ја критикуваше најавата на рускиот претседател Владимир Путин за тридневен прекин на огнот во украинската војна, што ќе се совпадне со годишните прослави на Денот на победата во Москва.
Едностраното мини-примирје ќе се одржи од 8 до 10 мај, кога Русија ја одбележува 80-годишнината од победата над нацистичка Германија во Втората светска војна.
Зеленски рече дека нема потреба да се чека дотогаш за прекин на огнот.
„Од некоја причина, сите треба да чекаат до 8 мај пред да прекинат со огнот - само за да му обезбедат на Путин тишина за неговата парада. Ние ги цениме човечките животи, а не парадите“, рече Зеленски во своето вечерно видео обраќање (28 април).
„Прекинот на огнот не треба да биде само за неколку дена, само за потоа да се врати на убивање. Мора да биде итен, целосен и безусловен - или најмалку 30 дена за да се осигури дека е безбеден и гарантиран. Ова е основата што може да доведе до вистинска дипломатија“, рече Зеленски.
Предлогот од Соединетите Држави за безусловно примирје, на кое Украина се согласи, е исто така сè уште можен, повтори Зеленски.
„Русија точно знае што треба да направи и како да одговори: навистина да прекине со огнот.“
Министерот за надворешни работи на Украина претходно изјави дека објавата на Кремљ на 28 април е неискрена и рече дека треба да започне веднаш.
Ова е втор пат овој месец Кремљ да повика на прекин на борбите. Предлогот за велигденските празници претходно овој месец беше во голема мера игнориран, бидејќи Русија и Украина продолжија да се напаѓаат меѓусебно.
Како што прави секоја година од неговото претседателствување, Путин ќе претседава со воена парада на Црвениот плоштад на 9 мај - Денот на победата - прославувајќи ја советската улога во победата над Германија. Во последниве години, тој ја искористи оваа пригода за да го критикува и Западот.
Прославата се случува во време кога руската инвазија на Украина продолжува со несмалена сила во својата четврта година. Бројот на жртвите на Русија засега е поголем од сите жртви што ги претрпела во сите конфликти што ги водела од 1945 година.
Либералите на пат до победа на канадските избори
Либералната партија на Канада, предводена од премиерот Марк Карни, е на добар пат да победи на федералните избори, објавија канадските медиуми, по кампањата обележана со провокации и царини од страна на американскиот претседател Доналд Трамп.
Премиерот Марк Карни побара од гласачите силен мандат за да се спротивстават на царините и заканите на американскиот претседател Доналд Трамп за анексија на земјата.
Гласовите сè уште се пребројуваат, а првичните прогнози на Си-Ен-Ен, ЦТВ и ЦБЦ, предвидуваат дека либералите ќе освојат доволно места за да формираат нова влада.
Бидејќи гласовите сè уште се пребројуваат, CBC News вели дека е прерано да се каже дали новата влада ќе биде мнозинска или малцинска – потребни се 172 места за мнозинска влада.
Резултатите ќе треба да се почекаат извесно време и можно е тоа да зависи од исходот од гласањето во најзападната провинција Британска Колумбија, каде што гласачките места се затвораат последни.
Либералите, кои се на власт во последните девет години, победија или водат во 133 изборни единици, а конзервативците во 93 изборни единици.
Парламентот има 343 места и ако Карни освои само релативно мнозинство, ќе мора да преговара со помалите партии.
Резултатите од изборите се тежок пораз за конзервативниот лидер Пјер Поилиевре, кој во кампањата се фокусираше на домашната политика и ветувањето дека ќе ја поправи земјата што либералите ја „корумпираа“.
Откако Џастин Трудо поднесе оставка од функцијата премиер на почетокот на годината, поранешниот гувернер на Националната банка на Канада, Марк Карни, убедливо победи на внатрепартиските избори на Либералната партија на Канада, а потоа стана шеф на политичкиот блок што го предизвика антитрамповото расположение во земјата.
Карни ја мобилизираше канадската јавност против заканата на американскиот претседател да ја анектира Канада како 51-ва држава на Соединетите Држави, а истовремено го направи прашањето за одбраната на Канада од тврдењата на Трамп централен дел од неговата политичка платформа.
„Ги отфрлам сите обиди за ослабување, исцрпување, разбивање на Канада, за Америка да може да нè поседува. Ние сме господари во својата куќа“, им рече Карни на новинарите кон крајот на март.
Конзервативната опозиција, предводена од долгогодишниот парламентарец Пјер Поилиевре, се сметаше за изборен фаворит кога Трудо ја објави својата оставка во јануари, во услови на галопирачка економска криза, растечки трошоци за живот и внатрешен бунт во неговиот кабинет.
Сепак, високите царини што Трамп ги наметна врз Канада и заканите за нејзиниот суверенитет драматично го променија расположението на канадскиот електорат.
Дефект во меѓусекторската врска меѓу Франција и Шпанија го предизвикал масовниот прекин на струја на Пиринејскиот Полуостров
Големиот прекин на електроснабдувањето што го парализираше Пиринејскиот Полуостров вчера, бил предизвикан од ненадејна загуба на 15 гигавати електрична енергија во шпанската мрежа во рок од само пет секунди, што доведе до дефект во меѓусекторската врска меѓу електропреносните мрежи на Шпанија и Франција.
Според шпанскиот мрежен оператор РЕЕ, европските енергетски мрежи не се проектирани да издржат вакви нагли загуби, што резултираше со колапс на електроснабдувањето во Шпанија и делови од Португалија.
Едуардо Прието, раководител на системските операции на РЕЕ, изјави дека сериозниот дисбаланс во енергетското производство предизвикал прекин во врската меѓу шпанската и француската мрежа, што довело до масовен прекин.
Претходно шпанскиот премиер Педро Санчез во телевизиско обраќање до нацијата рече дека „точните причини сè уште се истражуваат и ниту една хипотеза не е исклучена“.
Тој истакна дека половина од територијата на Шпанија повторно е со електрична енергија, откако мрежниот оператор успеал да ја стабилизира дистрибуцијата по голема хаварија што вчера го парализираше Пиринејскиот Полуостров.
Во останатите делови на земјата се очекува напојувањето да се воспостави во текот на денот.
Португалскиот премиер Луиш Монтенегро, пак, претходно рече дека нема индикации за кибер напад и очекува целосно обновување на електроснабдувањето во наредните часови.
Прекинот предизвика хаос во двете земји, со откажани летови, нарушувања во јавниот транспорт, затворени метро-системи во Лисабон, Порто и Мадрид, како и прекин на работата на семафорите.
Болниците беа принудени да откажат планирани операции и да се потпрат на резервни генератори за итни случаи.
Во Шпанија, автономните региони Мадрид, Андалузија и Естремадура побараа воведување на вонредна состојба, а шпанското Министерство за внатрешни работи прогласи вонредна состојба во овие области.
Обновувањето на електроснабдувањето започна вчера попладне во регионите на Баскија и Барселона, а подоцна и во Мадрид и центарот на Лисабон.
Во меѓувреме, паниката во Мадрид доведе до долги редици во супермаркетите и празни рафтови, додека дел од метрото беше евакуиран, откако граѓани останаа заглавени во вагони и лифтови. Банката на Шпанија соопшти дека електронското банкарство функционира преку резервни системи, иако граѓаните пријавуваа неисправни банкомати.
Светска банка прогнозира раст на македонската економија од 2,6 проценти годинава
Раст од 2,6 проценти на македонската економија годинава, 2,7 отсто во 2026, и 2,8 проценти во 2027 година, прогнозира Светска банка во Редовниот економски извештај за Западен Балкан, објавен денеска (28 април).
Во однос на проекциите на СБ од есента минатата година се забележува зголемување од 0,1 процентен поен кај македонскиот БДП за годинава, а намалување за 0,3 проценти поени кај проекцијата за следната година.
Во извештајот се предвидува дека економскиот раст во Западен Балкан малку ќе забави во 2025 година како последица на послабата надворешна побарувачка и економската несигурност која пак, произлегува од менувањето на глобалните трговски политики што би можело негативно да влијае врз бизнисите и довербата на потрошувачите.
Светска Банка предвидува дека комбинираниот економски раст на Албанија, Босна и Херцеговина, Косово, Северна Македонија и Србија ќе достигне 3,2 проценти во 2025 година, што е за 0,5 процентни поени под претходните проекции. Растот се предвидува да забрза до 3,5 проценти во 2026 година.
„Забележуваме одредени позитивни економски трендови во Западен Балкан кои ја потенцираат отпорноста на регионот и треба да го поткрепат цврстиот економски раст. Пониската инфлација и растот на платите ја поддржуваат потрошувачката, а јавните инвестиции почнуваат да се зголемуваат“, вели во пишана изјава Шиаочинг Ју, директорка на Светска банка за регионот на Западен Балкан.
Надолна корекција од 0,3 процентни поени за годинава има за албанската економија, за каде е проектиран раст од 3.2 проценти, кај БиХ и кај Црна Гора исто така надолна корекција за по 0,5 процентни поени, со што растот во тие држави ќе изнесува 2,7 проценти, односно три проценти.
Кај Косово има пад на проекцијата за 0,1 процент со којшто БДП ќе изнесува 3,8 проценти, а кај Србија исто така пад но за 0,7 проценти и српската економија ќе има раст од 3,5 проценти.
Од друга страна, Ју потенцира дека е зголемена домашна несигурност во неколку економии во Западен Балкан.
Според Светска банка, глобалната трговска несигурност веројатно негативно ќе влијае врз Западен Балкан како резултат на забавувањето на економската активност во еврозоната. Ваквото забавување би можело да ја намали трговијата со стоки и услуги, како и инвестициите и дознаките.
Во извештајот се наведува дека за време на овие периоди на несигурност, диверзификацијата на изворите на раст и обновата на агендата на структурни реформи се најделотворните стратегии за одржување на економската отпорност.
Клучните мерки вклучуваат отстранување на пречките на пазарот на трудот, односно подобрување на регионалната економска интеграција, подобрување на стандардите за управување, како и зголемување на пазарната конкуренција за поттикнување на продуктивноста и поддршка на долгорочниот раст.
Освен тоа, посочува СБ, за земјите на Западен Балкан, побрзото спроведување на реформите за пристапување во ЕУ – како што се приклучувањето во Единственото подрачје за плаќање во евра (СЕПА) и воведувањето на „зелени ленти“ за рационализирање на прекуграничната трговија – би можело дополнително да ја подобрат довербата на бизнисите, да привлечат инвестиции и да го поттикнат создавањето на работни места.
Од неодамна и Северна Македонија стана дел од единствената зона за плаќање во евра (СЕПА).
Според Светска банка, шесте земји на Западен Балкан треба да дадат приоритет на реформирањето на системите за социјална заштита и услугите за вработување.
Ова, сметаат од Светска банка, ќе ѝ помогне на работната сила во секоја од овие земји да се справи со негативните временски прилики како што се поплавите, сушите и шумските пожари и да биде подготвена за нови можности за вработување чии главен двигател е зелената транзиција.
Деновиве пак, во својот најнов извештај, Меѓународниот монетарен фонд, наведе дека растот на македонската економија оваа и следната година ќе изнесува 3,2 проценти, со стапка на инфлација од 3,4, односно 2,2 проценти.
Веднаш потоа, министерката за финансии Гордана Димитриеска-Кочоска, оцени дека проекцијата на Владата за раст на економијата на земјава од 3,7 проценти е реална.
„Оваа криза која дава голема неизвесност ние како држава може многу да ја искористиме, во смисла на префрлање на капацитетите од европските земји. Капацитетите во европските земји ќе се затвораат и понатаму, затоа што царините значат повисоки набавни цени и на тој начин европскиот пазар ќе бара алтернативи за отворање капацитети онаму каде што ќе имаат на некој начин поевтина работна сила. Иако во земјава веќе не е евтина работната сила, но е сепак на пониско ниво од европската. Оттука мислам дека проекцијата од 3,7 проценти е реална“, рече Димитреска-Кочоска.
Од Владата велат уверуваат дека остануваат посветени на поттикнување на динамично економско опкружување и создавање можности за натамошен раст. Владината портпаролка Марија Митева неодамна изјави дека македонскиот бруто-домашен производ (БДП) забележал раст од 3,2% во последниот квартал од 2024 година, со што вкупниот раст на БДП за целата мината година достигнал 2,8 проценти.
Ивановска: Претседателката на ДКСК веднаш да си поднесе оставка, бидејќи ја „инфицира“ институцијата
Претседателката на Државната комисија за спречување на корупцијата (ДКСК), Татјана Димитровска, мора веднаш да поднесе оставка од функцијата, зашто сè уште ја инфицира институцијата, порача поранешната претседателка на ДКСК, Билјана Ивановска.
Нејзиниот коментар следува откако актуелната претседателка на Антикорупциска од минатата недела е вклучена во проширената акција за случајот „Адитив“, поради одавање службени тајни на друг обвинет во случајот.
„Претседателката на ДКСК мора под најитно да си поднесе оставка затоа што на овој начин сè уште ја инфицира институцијата, значи треба да се тргне за институцијата да може слободно да се чисти“, изјави Ивановска одговарајќи на новинарски прашања пред одржувањето на сесијата на Националната конвенција за ЕУ во РСМ посветена на борбата со корупцијата.
Ивановска вели дека сега не е време да се седи со скрстени раце и дека инволвираноста на Димитровска во овој случај го подрива кредибилитетот на институцијата која треба да се бори против корупцијата во општеството.
„Се случило што се случило, сега треба да гледаме како понатаму, значи треба да се бара чаре. На потег е Собранието – кои механизми може да ги преземе, што може самата институција да направи од аспект на самопроцена на ризици од корупција. Ние сме правеле и претходно во насока на зголемување на интегритетот на таа институција, имаме регистар со ризици од корупција и мерки како тие да се надминуваат. Тоа треба сега да се преиспита, да се види кои се високите ризици, со какви контроли треба да се покријат итн“, апелира Ивановска.
Аттуелната претседателка на Државната комисија за спречување на корупција (ДКСК), Татјана Димитровска е третоосомничена во рамки на истрагата за предметот „Адитив“.
Од обвинителството информираа дека таа „преку својот службен телефон и апликациите Viber и WhatsApp му давала податоци на обвинетиот за поведени постапки, за отворање на предмети против сега обвинетите правни и физички лица во предметот Адитив и одлуки по истите, како и податоци за проверка на имот и неговото семејство. Со своите дејствија таа открила податоци што согласно закон се сметаат за службена тајна и чие откривање може да има штетни последици како за службата, така и за постапките што се водат пред ОЈО ГОКК“.
Предметот „Адитив“ се однесува на истрага за злоупотреба на јавни набавки и перење пари во врска со набавката на адитиви за јаглен за потребите на АД ЕСМ – Подружница РЕК Битола и РЕК Осломеј.
Обвинети се 31 физичко лице и 5 правни лица.
Според обвинителството, осомничените лица организирале и извршиле пререгистрација на правни субјекти за да изиграат постапките за јавна набавка, со што овозможиле одредени компании да добијат договори и да се стекнат со значителна имотна корист.
Судир меѓу полицијата и демонстрантите пред Факултетот за физичко образование во Нови Сад
Полицијата употребила сила во обид да ги отстрани студентите и граѓаните, собрани на нивен повик, пред влезот на Факултетот за спорт и физичко образование (ДИФ) во Нови Сад за време на блокадата.
На видеата објавени на социјалните мрежи може да се забележи како полицијата ја тепа толпата со палки. Полициските единици употребиле и солзавец.
Демонстрантите одговориле на полициската акција со туркање, фрлање шишиња и полевање вода врз нив.
Тие скандираа „рацете ви се крвави“, „спуштете ги штитовите“ и слоганот на студентските протести „пумпај“.
Студентите во блокадата и граѓаните се собраа пред Факултетот за спорт и физичко образование на 28 април во утринските часови, со цел да ги спречат деканот Патрик Дрид и неговите соработници да влезат во зградата и да ја пробијат блокадата на тој факултет.
Деканот за медиумите потврди дека ја повикал полицијата, а пред факултетот биле распоредени единици на жандармеријата и интервентна полиција опремени за разбивање на демонстрациите.
Факултетот за спорт и физичко образование во Нови Сад, заедно со десетици високообразовни институции во Србија е во блокада веќе неколку месеци.
Блокадите ги предводат студенти, а фокусот на нивните барања е утврдување на кривична и политичка одговорност за смртта на 16 лица во железничката несреќа во Нови Сад.
Деканот на Факултетот за спорт и физичко образование, Патрик Дрид, се спротивставува на блокадата и, спротивно на волјата на студентскиот пленум, се обидува да организира настава.
На 28 април, тој за телевизијата Н1 изјави дека повеќето студенти сакаат да полагаат испити и дека „група блокатори“, за кои рече дека не ги познава и кои ги гледа за прв пат, не му дозволува да влезе на универзитетот.
Денеска Дрид се појави пред факултетот, каде што беше пречекан од голема група студенти, професори кои ги поддржуваат блокадите и граѓани кои се јавија на студентскиот повик.
Студентите го нарекоа протестот „Утринска вежба“ и рекоа дека нема да дозволат Дрид да ја пробие блокадата на факултетот.
Толпата го поздрави деканот со свирчиња и тапани и од него побараа оставка.
„Сите ве молиме да поднесете оставка сега, дајте оставка, повеќе не сте на власт, дајте оставка додека не ве избркаат сите ваши студенти“, му рекоа насобраните на деканот.
Шестмесечните масовни протести и студентски блокади беа предизвикани од несреќата на железничката станица во Нови Сад, каде што 16 лица загинаа кога на 1 ноември падна настрешницата на зградата.
Властите тврдат дека барањата на студентите се исполнети, повикувајќи ги да ги отворат факултетите.
Студентските протести станаа симбол на пошироко незадоволство од владеењето на правото во Србија - заедно со прашањето дали небрежноста и корупцијата на системот доведоа до уривање на настрешницата на Железничката станица во Нови Сад и смрт на 16 лица.
Зад барањата на студентите, покрај стотиците илјади граѓани кои со месеци се собираат на протести, застанаа бројни универзитетски професори, едукатори, земјоделци, адвокати и актери.
Мултимедија
Најпосетени
Што треба да знаете