Задоволство е да се работи со лицата со попреченост, вели младиот тренер по пливање Радован Велјановски. Тој заедно со здружението „Трисомија 21“ на 30-ти декември во Скопје го организираат првиот Меѓународен натпревар во пливање за лица со посебни потребни. Што има да порача Радован?
Матеј, Војдан и Никола ги искористија своето знаење и создадоа едукативна игра „Спејсополи“. Taa е слична на познатата „Монопол“, но со нивната игра се учи за планетите. Сметаат дека треба помалку да се игра на телефон, повеќе да има дружба. Која е нивната порака?
Сега е ученик во прва година од средно образование, но уште пред две години создаде код и креираше дрон кој регистрира загадување на воздухот. Матеј Плавевски, како млад активист, смета дека се додека зборуваме за аерозагадувањето свесни сме дека треба да се реши проблемот. Што има да порача тој?
Љубителите и натпреварувачи со рубикова коцка организираа интернационален натпревар во Македонија. Ѓорѓи Чешмеџиевски, 8 години, освои прв златен медал за Македонија. Александар Арсовски пак, 25 годишен рекордер, го жртвуваше својот резултат за да го организира настанот. Која е нивната порака?
Знам за себе од кога знам за пијаното, објаснува 16 годишниот Арда Мустафаоглу. Тој редовно се враќа дома како првак на меѓународни пијанистички натпревари. Неговиот успех се должи на безрезервно посветување време на пијаното. Што има да порача Aрда?
Петтмина студенти сакајќи да создадат побезгрижен велосипедизам во Македонија, создадоа платформа за регистрација на велосипедот - ВелоРегистар. Мотивацијата ни беше зголемениот процент на кражби, вели Марјан Ристов, еден од основачите. Дознајте повеќе за ВелоРегистар и нивната порака.
Средношколци од гимназијата „Никола Карев“ ја формираа „Арт Хаус Карев“ за нивно уметничко изразување. Започнаа минатата учебна година и учествуваа на годинешната Бела Ноќ. Што имаат да порачаат младите од оваа организација?
Ханис Багашов на 12 години во фиока ја откри својата професија. Младиот тетовец случајно влезе во филмската индустрија, но неслучајно добива награди. Неговите филмски креации се кратки и искрени, со љубов. Што има да порача талентираниот режисер?
Млади дипломирани актери во Скопје скоро една година ги вежбаат своите способности пред очите на публиката. Здружени во Импров група „Настап“, седуммина момци пионерски настапуваат според сценарио што самите го создаваат во моментот. Што имаат да порачаат тие?
Единствената пилотка во Министерството за внатрешни работи, Весна Петреска со својот успех докажа дека рамноправноста се постигнува со силна желба и храброст. Таа смета општеството нуди еднакви можности. Младите треба само да бидат упорни. Што друго вели Петреска?
Млади се обучуваат како да објавуваат на Википедија, како да ги проверат фактите и придонесуваат во македонската верзија на енциклопедијата. Нивниот придонес е значаен особено ако се спореди англиската Википедија со 6 милиони статии и македонската со 97 илјади статии. Што порачуваат Википедијанците?
Везењето е една од вештините кои се прилагодуваат на современиот живот и ги тестираат способностите за да се создаде нешто. Младата Кристина Велевска, која се занимава со модерно везење, смета дека недостасува соодветно вреднување на традиционалните занаети. Што друго има да порача таа?
Вчитај повеќе
