Во момент кога повторно се кршат копјата за македонскиот јазик, а Бугарија бара во документите на ЕУ јазикот да се именува како „официјален јазик на Република Северна Македонија“, во земјава се одбележа 5 Мај – Денот на македонскиот јазик. И како што е редот, пригодните честитки беа полни со правописни грешки. Бај д веј, во интервју за 24 Вести, и претседателот на СДСМ Зоран Заев го честиташе Денот на македонскиот јазик.
Бај д веј да ви го честитам денот на македонскиот јазик! 🤣 pic.twitter.com/CLp2mCEPMW
— Сушанто (@rojsusanto) May 5, 2020
Инаку, или бај д веј, 5 Мај е прогласен за Ден на македонскиот јазик, зашто на тој ден во 1945 година, македонската влада го донела решението за македонската азбука како официјално писмо.
прв пат и тоа неодамна сфатив колку битен ден е 5ти мај односно „денот на македонскиот јазик“ кога еден азијат ме праша: викаш само 2 миљона народ сте и имате сопствен јазик!? уау!
— チェイス (@BiggieInJapan) May 5, 2020
Блаже Конески велеше дека „јазикот ни е нашата единствена неподелена татковина“. Поетот Ѓоко Здравески потсети на една своја песна од 2014 година.
Дипломатите од Американската амбасада во Скопје на свој начин го честитаа Денот на македонскиот јазик.
To celebrate May 5th, the Day of the Macedonian language, we talked with American diplomats in the Embassy to learn more about their views about learning Macedonian, what they found challenging, how often they use it and more. Check it out! pic.twitter.com/2iqggMqWwH
— U.S. Embassy North Macedonia (@USEmbassySkopje) May 5, 2020
Британската амбасадорка Рејчел Галовеј, пак, рецитираше поезија од Кочо Рацин.
Честит Ден на македонскиот јазик. За време на мојата посета на Велес ми беше чест да читам литература од Кочо Рацин.🇲🇰 pic.twitter.com/sUMPGkjoel
— Amb Rachel Galloway (@RGallowayUK) May 5, 2020
Во време кога целото внимание е насочено кон справувањето со коронавирусот, јавноста ја вознемири изјавата на Бугарија прикачена кон записникот на седницата на Советот за општи работи на Европската унија од 25 март на која лидерите на земјите членки се согласија на Македонија и на Албанија да им се даде зелено светло за почеток на преговорите за членство во ЕУ. Во изјавата меѓу другото се бара „јазикот во ЕУ документите и преговарачката рамка да се именува како „официјален јазик на Република Северна Македонија“. Документот во македонската јавност беше објавен цел месец по состанокот.
Видете и ова: Македонскиот јазик „сеуште несе“ лекторираПретседателот Стево Пендаровски реагира без влакна на јазикот. Рече дека ако цената да влеземе во ЕУ е да не бидеме Македонци кои зборуваат македонски јазик, тогаш „не ни треба ЕУ“.
На социјалните мрежи се појавија илјадници коментари со навреди и со говор на омраза, но нема да ги објавиме, зашто „јазикот коски нема, ама коски крши“.
Граѓаните забележуваат на неправилната употреба на јазикот во медиумите.
Браво МТВ...Изгледа таму кај вас работи некој со осмо одделение што имал двојка по македонски јазик pic.twitter.com/xihc7gjOBX
— ДОРЧО (@Dorcobre) May 6, 2020
Една Бушава азбука има поголем придонес кон македонскиот јазик отколку сите тие парчиња хартија кои се објавуваат во академските кругови меѓусебно си се фалат за постигнатиот %27успех%27
— Калиси (@MajkaNaZmejovi) May 5, 2020
Други, пак, само иронизираат.
Знаеш маж кумановец, жена струмичанка, службен јазик им е англиски за дома 😂
— Комшо🍻 (@CvetkovicZ) May 5, 2020
Блаже Конески бла бла бла бла македоснкиот јазик бла бла бла бла бла бла бла. *никогаш не прочитал една песна од Блаже, евентуално „Тешкото“ до пола.
— Duchess🏴 (@arthurgordonpy3) May 5, 2020
Премногу се загриживте за македонскиот јазик како за луѓе кои последниов период устата пена ви фати од користење на зборовите „пик“ и „тред“
— Ага без ресор (@Ljube_A) May 5, 2020
Во меѓувреме, дел од граѓаните едвај чекаат животот после пандемијата од коронавирусот да се врати во нормала.