Пари, тунели и онлајн Априлијада

МАКЕДОНИЈА - УЕФА на итен состанок направи промени и ги помести баражите од Лигата на нациите за месец септември по што натпреваро меѓу Македонија и Косово по вторпат е одложен и ќе се игра во нов термин - во септември.

МАКЕДОНИЈА - На Клиниката за инфективни болести во Скопје од Ковид 19 починала една пациентка од Лабуништа на возраст од 65 години, информираше министерот за здравство Венко Филипче и додаде дека во последните 24 часа се регистрирани 25 нови случаи на коронавирус во земјата, а 5 пациенти биле излекувани.

МАКЕДОНИЈА - Утрешниот состанок на министрите за надворешни работи на земјите членки на НАТО ќе биде првиот на кој ќе учествува и Северна Македонија, најновата членка на Алијансата. Генералниот секретар на Алијансата, Јенс Столтенберг, денеска го најави дневниот ред на министерскиот совет, кој за прв пат ќе се одржи преку видео врска поради панедемијата со коронавирусот.

МАКЕДОНИЈА - Поволно, неповолно и најнеповолно сценарио за справување со последиците што ги предизвика коронавирусот во економијата има Министерството за финансии, а најголемиот удар во сите се очекува во вториот квартал од годинава, изјави денеска министерката за финасии Нина Ангеловска.

ВЕЛИКА БРИТАНИЈА - Британскиот министер за здравство, Роберт Џенрик, изјави дека Велика Британија планира од средината на април да почне со тестирања за коронавирус на 25.000 лица дневно.

САД / ТУРЦИЈА - Претседателите на Соединетите држави и на Турција, Доналд Трамп и Реџеп Таип Ердоган, во телефонски разговор ја нагласија важноста од прогласување примирје за време на глобалната криза со коронавирусот, во Сирија и Либија, соопшти Белата куќа.

АВГАНИСТАН - Најмалку седум цивили загинаа, а двајца се повредени денеска при експлозија на бомба поставена покрај патот во авганистанската провинција Хелманд, соопштија локалните власти, пренесе АП.

ИРАН - Претседателот на Иран, Хасан Рохани, изјави дека САД пропуштиле историска можност да ги укинат санкциите кон Иран за време на епидемијата на коронавирусот, пренесе Ројтерс.

МЕКСИКО / САД - Американските полициски сили открија 600-метарски тунел за криумчарење дрога под мексиканската граница, во близина на гратчето Сан Диего. При тоа е запленета дрога вредна околу 30 милиони долари, пренесе АП. Тунелот е откриен по заедничката операција на мексиканските и американските служби.

МАКЕДОНИЈА - Поради коронавирусот, годинешната Априлијада ја немаше на улиците. И Денот на шегата беше одбележан онлајн.