Словенецот Оливер пеш на пат околу светот, помина и низ Скопје

Со количка на три тркала, ранец, шатор, по некое парче облека и нешто од опрема за кампување, Словенецот Оливер Тич овој април тргна од родното место, Словенске Коњице, на пат околу светот, но пеш. Во следните 4 години планира да помине 4 континенти или околу 30.000 км, низ 35 држави. Ова не е прв пешачки авантуристички подвиг за 41-годишникот со кого се дружевме додека минуваше низ Скопје, во друштво на најдобрата пријателка, кучето Карлитос.