Поранешниот холандски премиер Марк Руте денеска (1 октомври) ја презема функцијата шеф на НАТО. Тој стапува на функцијата во критичен момент за развојот на војната во Украина и наближувањето на клучните претседателски избори во САД.
На церемонијата во седиштето на НАТО во Брисел, Руте ќе ја преземе функцијата генерален секретар од поранешниот шеф Јенс Столтенберг, кој ја надгледуваше организацијата во текот на турбулентната деценија обележана пред сè со руската инвазија на Украина во 2022 година.
Видете и ова: Марк Руте е нов генерален секретар на НАТОПретставниците на НАТО и дипломатите очекуваат Руте да ги задржи приоритетите на Столтенберг во 32-члената алијанса, а тоа се поддршката за Украина, притискање на земјите од НАТО да трошат повеќе за одбраната и да ги задржат Соединетите Држави ангажирани во одржување на европската безбедност.