Повеќе од 100 000 луѓе под Либан преминале во Сирија по ескалацијата на конфликтот меѓу израелските сили и либанската група Хезболах овој месец, изјави денеска високиот комесар на ОН за бегалци Филипо Гранди.
„Меѓу бегалците има и либански и сириски државјани“, напиша тој на социјалната мрежа X.
Инаку УНХЦР обезбедува помош за бегалците кои пристигнуваат на четири гранични премини.
Во меѓувреме, во последниот израелски напад врз центарот на Бејрут биле убиени тројца членови на палестинската милитантна група Народен фронт за ослободување на Палестина (ПФЛП) и лидерот на Хамас во Либан, Фатех Шериф Абу ел Амин. Милитантното движење Хамас е прогасено за терористичка организација од ЕУ и САД.
Видете и ова: Израелски напад во центарот на Бејрут, загинале тројца палестински лидериВо израелскиот напад загинаа член на политичкото биро и шеф на воено-безбедносниот оддел Мохамед Абед Ал-Ал, член на воениот оддел и воената команда во Либан Имад Одех и Абдул Рахман Абед Ал-Ал.
Тоа е прв напад врз центарот на Бејрут од војната во 2006 година.
Либанското Министерство за здравство соопшти дека повеќе од 1000 Либанци биле убиени и 6000 ранети во последните две недели, без да прецизира колку од нив се цивили. Владата рече дека милион луѓе или една петтина од населението ги напуштиле своите домови.
Голем број највисоки функционери на Хезболах, вклучително и неговиот лидер Саид Хасан Насрала, беа убиени во израелските бомбардирања во текот на две недели.