Францускиот претседател Емануел Макрон на вториот ден од официјалната посета на Србија ја посети галеријата Матица Српска во Нови Сад, придружуван од српскиот претседател Александар Вучиќ.
Потоа, Макрон и Вучиќ ќе разговараат за иднината на вештачката интелигенција (AI) со српски студенти и членови на француската деловна делегација во Центарот за иновации „Schneider“ во Нови Сад. Тие ќе одржат говор на Форумот за млади и вештачка интелигенција.
Француската компанија „Schneider Electric“, која го отвори својот нов ИТ центар InGrid во јуни 2023 година, се смета за лидер во дигиталната трансформација на управувањето со енергија и автоматизацијата.
Во пресрет на посетата на Нови Сад, Макрон на социјалната мрежа Икс на српски јазик напиша дека „искрена радост е да се вратиш во Србија“ и дека го чува „драгиот спомен“ од неговата посета пред пет години.
„Во свет каде што сè е нестабилно, убаво е да имаш сигурни пријатели и историски константи. Ги споделуваме. Вистинска радост е да се вратиш“, напиша тој.
Видете и ова: Договорено купување француски авиони „Рафал“ при посетата на Макрон на СрбијаНа крајот од посетата на Србија, беше најавено дека Макрон ќе ја открие плочата по повод завршувањето на работите за модернизација на белградскиот аеродром „Никола Тесла“. Концесијата за тој аеродром, за 25 години, ја доби француската компанија Винчи.
Францускиот претседател беше во дводневна посета на Србија на 29 август, кога беа потпишани 11 меѓудржавни договори, меѓу кои и оној за купување на 12 француски борбени авиони „Рафал“ во вредност од 2,7 милијарди евра.
Макрон по средбата со претседателот на Србија оцени дека тоа е историски важен договор.
Тој рече дека на Европската унија (ЕУ) ѝ е потребна силна и демократска Србија и дека одлуката за купување на „Рафал“ е стратешки и долгорочен избор во таа насока.
Воедно, Вучиќ изјави дека купувањето на „Рафал“ е одлична вест за Србија.
Исто така, беа разменети договори за соработка меѓу Србија и Франција во областа на енергетиката, одбраната, екологијата и културата.
Видете и ова: Посетата на Макрон на Србија фокусирана и на вештачката интелигенцијаИмаме договор меѓу нашите влади и 11 други договори кои ни овозможуваат да ја продлабочиме нашата соработка, да ги зајакнеме нашите врски и да ги подобриме нашите капацитети“, рече Макрон за време на првиот ден од неговиот престој во Белград.
Тој оцени дека соработката меѓу Србија и Франција во последните години „се подобрува“.
Посетата на Макрон, втора во последните пет години, доаѓа помалку од пет месеци откако тој беше домаќин на српскиот претседател во Париз.
Во изминатата година се интензивираа средбите на највисоко ниво, а покрај официјалната посета на Елисејската палата во април, Вучиќ со Макрон се сретна и на меѓународни форуми, како и на неодамнешното отворање на Олимписките игри.