Американските власти се обидуваат да го откријат мотивот зад обидот за атентат врз поранешниот претседател Доналд Трамп, откако властите обвинија 20-годишен маж за пукањето на предизборниот митинг во Пенсилванија.
Наводниот напаѓач, идентификуван од ФБИ како Томас Метју Крукс, бил убиен од припадниците на тајната служба, а загинал и уште еден човек, додека две други лица се тешко ранети, соопшти ФБИ.
Трамп подоцна рече дека бил застрелан во увото, а видеото од собирот на 13 јули покажа крв видлива на десната страна од неговото лице додека агентите на тајната служба го избркаа од бината.
Видете и ова: Трамп „добар“ по обидот за атентат на предизборен митинг, осомничениот напаѓач убиен78-годишниот претпоставен републикански кандидат за претседателските изборите во 2024 година Доналд Трамп штотуку почна да одржува говор во градот Батлер кога се слушнаа неколку истрели, предизвикувајќи врисоци од толпата.
Припадниците на тајната служба, кои се назначени да го штитат Трамп, како и другите врвни политички лидери, излетаа на сцената и го опколија и заштитија, по што го симнаа од бината.
Во изјавата дадена за РСЕ, ФБИ го идентификуваше Крукс (20) како осомничен вооружен напаѓач и рече дека е од град кој се наоѓа на околу еден час јужно од Батлер.