Врховниот суд на руската Република Татарстан на 20 февруари донесе одлука дека новинарката на Радио Слободна Европа, Алсу Курмашева, која повеќе од четири месеци се наоѓа во руски притвор ќе остане во притвор.
Адвокатите на Курмашева побараа нивната клиентка да биде префрлена во домашен притвор поради нејзината здравствена состојба, меѓу другото.
Судијката Олга Мигунова го одби барањето, но и го скрати притворот на Курмашева за еден ден, од 5 април на 4 април.
Курмашева учествуваше на рочиштето преку видео-врска од притворот.
Курмашева, новинарка на РСЕ од Прага, Чешка, која има двојно американско и руско државјанство е задржана во руски притвор од 18 октомври под обвинение за кршење на таканаречениот закон за „странски агенти“.
Видете и ова: Новинарката на РСЕ, Алсу Курмашева, која е во руски затвор, номинирана за награда на УНЕСКОИ покрај тоа што помина повеќе од четири месеци во притвор, Стејт департментот на САД допрва треба да ја назначи како незаконски притворена како и другите американски државјани кои се држат во Русија.
Означувањето ќе го подигне профилот на случајот против Курмашева, ефективно означувајќи го како политички мотивиран. Двајца други американски државјани кои ги држи Русија, новинарот на Вол Стрит Журнал, Еван Гершкович и поранешниот американски маринец Пол Вилан, се означени како незаконски приведени.
Курмашева, која работи за татарско-башкирската служба на РСЕ околу 25 години, го напушти чешкиот главен град Прага, во средината на мај поради семеен итен случај во нејзиниот роден Татарстан.
Накратко била приведена додека го чекала повратниот лет на 2 јуни 2023 година на аеродромот во Казан, каде и биле одземени и двата пасоши и телефонот. По пет месеци чекање за одлука за нејзиниот случај, Курмашева беше казнета со 10 000 рубли (108 долари) затоа што не го регистрирала американскиот пасош кај руските власти.
Видете и ова: Новинарката на РСЕ, Алсу Курмашева 100 дена во руски притвор: „Сè помалку е подносливо“Не можејќи да ја напушти Русија без нејзините патни исправи, Курмашева беше повторно приведена во октомври и овој пат беше поднесена пријава за непријавување како „странски агент“. Два месеци подоцна, таа беше обвинета за ширење невистини за руската војска.
Курмашева неодамна од својата затворска ќелија во рускиот град Казан напиша дека нејзиниот притвор „полека, но сигурно станува понеподнослив“.
Многу критичари и група за права велат дека таканаречениот закон за странски агенти се користи од страна на Кремљ за сузбивање на какво било несогласување.
Москва, исто така, беше обвинета за приведување Американци за да ги користат како договори за размена за Русите затворени во Соединетите Држави.
Минатата недела, 23 земји ја номинираа Курмашева за Светската награда за слобода на печатот на УНЕСКО/Гилермо Кано 2024 година.
Наградата, создадена во 1997 година, е годишна награда со која се оддава почит на лице или група луѓе кои даваат „извонреден“ придонес во одбраната и промоцијата на слободата на печатот низ целиот свет и покрај „опасноста и прогонот“ со кои се соочуваат.