Српската премиерка Ана Брнабиќ на мрежата Х напиша дека „опозицијата без причина создава хаос и ја малтретира Републичката изборна комисија (РИК).
На покана на опозициската коалиција „Србија против насилство“ пред седиштето на Републичката изборна комисија (РИК) во центарот на Белград се собраа голем број демонстранти.
Тие бараат поништување на локалните избори во главниот град на 17 декември, за кои тврдат дека биле одбележани со бројни нерегуларности и дека резултатите не ја отсликуваат изборната волја на граѓаните.
„Серијата генијални потези и јасни планови на опозицијата на Ѓилас продолжува. Најново: ќе упаднат во РИК со желба и намера да останат таму! Зошто, како - не е важно, важно е да направат хаос и некого да малтретираат“, напиша Брнабиќ.
Видете и ова: Протест на листата „Србија против насилството“: Да се поништат изборите во БелградНа 17 декември медиумите снимија бројни автобуси кои носат луѓе од ентитетот на БиХ, Република Српска.
Некои од нив, не знаејќи дека разговараат со новинарите, на собирот кај белградската Арена рекоа дека дошле да гласаат.
На прашањето зошто не ја извршуваат својата граѓанска должност во местото на живеење, не знаеја да одговорат.
„Со оглед на тоа што повеќе од 40.000 луѓе без легален престој во Белград беа организирани за поддршка на списокот на СНС, што драстично ја промени изборната волја на белграѓани, бараме поништување на изборите во градот Белград и повторување на гласањето. за Градското собрание“, велат од коалицијата.
Говорејќи за критиките дека граѓаните на Босна и Херцеговина гласале на изборите во Белград, српскиот претседател Александар Вучиќ рече дека тие „имаат право“ на тоа.
„Тие имаат право во согласност со законите што ги донесоа во оваа земја, не ние, туку тие. И приказната за двојното државјанство и се друго, што мислам дека е сосема нормално, цивилизирано и добро за српскиот народ“, рече тој РТС 18 декември.
БиХ и Србија имаат договор за двојно државјанство, кој стапи во сила на 15 мај 2003 година, меѓу БиХ и тогашната Сојузна Република Југославија (СРЈ).
Вучиќ рече и дека опозицијата „ги доведува во прашање резултатите секогаш кога ќе ги загуби изборите“.
Видете и ова: Сервер: Вучиќ го зазеде и прорускиот и проевропскиот простор во СрбијаСНС и претходно ги отфрли обвинувањата за кршење на изборната волја на граѓаните и за нерегуларностите на кои укажаа набљудувачите на ЦРТА, како и претставниците на меѓународната канцеларија за демократски институции и човекови права (ОДИХР).
Според прелиминарните резултати на Градската изборна комисија, листата на СНС на изборите во Белград освоила 39,3 отсто од гласовите (49 мандати), а листата „Србија против насилството“ 34,3 отсто (42 мандати).
Цензусот го помина и десничарската коалиција НАДА со шест отсто од гласовите (седум мандати), листата на Социјалистичката партија на Србија со 4,8 отсто (шест мандати) и за првпат десничарската, проруска листа на Бранимир Несторовиќ, познат по теориите на заговор, со 5,4 отсто од гласовите (шест мандати).
Граѓаните на Србија на 17 декември гласаа на парламентарни, покраински и локални избори во 65 градови и општини.
СНС прогласи победа на сите нивоа.